ᐅᖃᓚᐅᑎᓯᐅᑏᑦ

You are here

ᐋᓐᓂᐊᖃᕐᓇᙱᑦᑐᓕᕆᓂᖅ ᑭᒃᑯᑐᐃᓐᓇᕐᓄᑦ ᑭᒡᓕᖏᑦ ᖃᓱᔭᑦ ᓄᓇᕗᒻᒥ

ᔪᓚᐃ 28, 2021

ᐱᕙᓪᓕᐊᔪᑦ ᓴᖅᑭᑕᐅᔪᑦ

ᐋᓐᓂᐊᖃᕐᓇᙱᑦᑐᓕᕆᓂᖅ ᑭᒃᑯᑐᐃᓐᓇᕐᓄᑦ ᑭᒡᓕᖏᑦ ᖃᓱᔭᑦ ᓄᓇᕗᒻᒥ

ᓄᓇᕗᑦ (ᔪᓚᐃ 28, 2021) - ᐅᓪᓗᒥ, ᓘᒃᑖᖅ. ᒪᐃᑯᓪ ᐹᑐᓴᓐ, ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓᑦ, ᑐᓴᖅᑎᑦᑎᖅᑲᐅᕗᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᒪᓕᒋᐊᖃᖅᑎᑕᐅᔪᑦ ᐊᒃᓱᕉᑕᐅᓗᐊᔾᔮᔪᓐᓃᕐᓂᖏᓐᓂᒃ ᑕᒪᐃᓐᓂᒃ ᓄᓇᕗᒻᒥ ᓄᓇᓕᓕᒫᓂᒃ.

"ᐅᓪᓗᑐᐃᓐᓇᒥ, ᐱᓇᓱᐊᕈᓰᒃ ᒪᕐᕉᒃ ᐊᓂᒍᕐᓂᐊᓕᖅᑑᒃ ᐃᖃᓗᖕᓂ ᓯᐊᒻᒪᒃᐸᓪᓕᐊᓚᐅᖅᑐᖅ ᓄᖅᑲᓚᐅᖅᓯᒪᑎᓪᓗᒍ ᑕᐃᒪᙵᓂᓪᓗ ᖃᓂᒪᔪᓂᒃ ᖃᐅᔨᓇᖅᑐᖃᓚᐅᙱᖦᖢᓂ ᓄᓇᕗᒻᒥ," ᐅᖃᓚᐅᖅᐳᖅ ᓘᒃᑖᖅ ᐹᑐᓴᓐ. "ᐊᑦᑕᕐᓇᓗᐊᕐᓂᖓ ᖃᐅᔨᓴᖅᑕᐅᕌᓪᓚᓚᐅᖅᑎᓪᓗᒍ, ᐊᑦᑕᕐᓇᕈᓐᓃᕐᒪᑦ ᐊᒃᓱᕉᑎᖃᓗᐊᕈᓐᓃᕋᓗᐊᖅᐸᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒪᓕᒋᐊᖃᖅᑎᑕᓂᒃ ᓄᓇᕘᓕᒫᒥ."

ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐊᑐᖅᑕᐅᖁᔭᐅᔪᑦ ᐊᒃᓱᕉᑕᐅᓗᐊᕈᓐᓃᓚᐅᖅᐳᑦ 12:01 ᐅᓐᓄᐊᒃᑯᑦ ᔪᓚᐃ 30-ᒥ ᐱᒋᐊᖅᖢᒍ:

  • ᒪᑐᐊᑦ ᐊᑐᖅᑕᐅᖏᓐᓇᙱᒃᑲᓗᐊᕐᓗᑎᒃ ᓱᖁᑕᐅᔪᓐᓃᕐᓂᐊᓕᖅᑐᖅ ᑭᓯᐊᓂ ᓱᓕ ᐊᑐᖅᑕᐅᖏᓐᓇᖁᔭᐅᕗᑦ.
  • ᐃᒡᓗᕐᔪᐊᑉ ᐃᓗᐊᓂ ᑲᑎᓐᓂᐅᔪᑦ ᓲᕐᓗ ᐱᙳᐊᕐᕕᖕᓂ ᐅᓄᖅᓯᒋᐊᕈᓐᓇᖅᓯᔪᑦ 75% ᐃᓐᓄᒍᓐᓇᕐᓂᕆᔮᓄᑦ ᐅᕝᕙᓘᓐᓃᑦ ᐃᓄᐃᑦ 100-ᖑᓗᑎᒃ, ᓇᓕᐊᑐᐃᓐᓇᖅ ᐅᓄᙱᓐᓂᖅᓴᐅᑐᐊᖅᐸᑦ.
  • ᓂᕆᕝᕖᑦ ᐊᒻᒪ ᐃᒥᕋᓚᒡᕖᑦ ᒪᒃᐱᖅᓯᒪᔪᓐᓇᖅᓯᔪᑦ 75%-ᖓᓂᒃ ᐃᓄᖃᖅᑎᒋᔪᓐᓇᕐᓗᑎᒃ ᑭᐳᖏᑦ ᐊᒻᒪᓗ ᐃᓄᐃᑦ ᑐᑭᓕᕇᒃᑐᑦ 2 ᒦᑕᓂᒃ ᐅᖓᓯᒌᒃᑕᖅᑎᒋᓗᑎᒃ.
  • ᑭᒡᓕᖃᖅᑎᑕᐅᙱᑦᑐᖅ ᓯᓚᒥ ᑲᑎᓐᓂᕆᔭᐅᕙᒃᑐᑦ.
  • ᑕᕐᕆᔭᕐᕕᒃ ᒪᒃᐱᑐᐃᓐᓇᕆᐊᖃᖅᑐᖅ ᐃᓄᐃᓪᓗ ᑲᑎᑦᑐᓐᓇᖅᑐᑦ 75%−ᖑᓗᑎᒃ ᐅᕝᕙᓘᓐᓃᑦ 100-ᖑᓗᑎᒃ ᐃᓐᓄᒍᓐᓇᕐᓂᖏᑦ, ᓇᓕᐊᑐᐃᓐᓇᖅ ᐅᓄᙱᓐᓂᖅᓴᖅ ᒪᓕᒃᑕᐅᓇᔭᖅᖢᓂ.
  • ᐃᓕᓐᓂᐊᕐᕕᖕᒥ ᐃᖃᐃᓕᓴᕐᕖᑦ, ᐃᖃᐃᓕᓴᕐᕖᑦ ᐊᒻᒪ ᐳᐃᔾᔪᕌᕐᕖᑦ ᐅᓄᖅᓯᒋᐊᕈᓐᓇᖅᓯᓂᐊᖅᑐᑦ ᑲᑎᑦᑐᓐᓇᖅᓯᓗᑎᒃ ᑲᑎᙵᔪᑦ ᐃᓄᐃᑦ 25−ᖑᔪᓐᓇᕐᓗᑎᒃ.
  • ᐳᐃᔾᔪᕌᕐᕕᒃ ᒪᒃᐱᖅᓯᒪᐃᓐᓇᕐᓂᐊᓕᖅᑐᖅ ᐃᓐᓄᒍᓐᓇᕐᓂᓕᒫᒥᓂᒃ ᐃᓐᓄᒍᓐᓇᕐᓗᓂ.
  • ᑐᒃᓯᐊᕐᕕᖕᓂ ᑲᑎᙵᔪᑦ ᐃᓄᒋᐊᒃᑎᒋᔪᓐᓇᕐᓂᐊᖅᐳᑦ 75%-ᓂᒃ ᐅᕝᕙᓘᓐᓃᑦ 100−ᖑᓗᑎᒃ ᐃᓯᕈᓐᓇᖅᑐᑦ, ᓇᓕᐊᑐᐃᓐᓇᖅ ᐅᓄᙱᓐᓂᖅᓴᐅᑐᐊᖅᐸᑦ.

ᑭᓇᑐᐃᓐᓇᖅ ᐅᐸᒍᑎᓯᒪᓚᐅᕋᓱᒋᔪᖅ ᓄᕙᒡᔪᐊᕐᓇᖅ-19−ᓕᖕᒧᑦ ᐅᖄᓚᖁᔭᐅᕗᖅ ᓄᕙᒡᔪᐊᕐᓇᒧᑦ ᐅᖄᓚᕝᕕᖕᒧᑦ, 1-888-975-8601 10−ᒥᑦ ᐅᓪᓛᒃᑯᑦ 6−ᒧᑦ ᑎᑭᓪᓗᒍ ᐅᓐᓄᒃᑯᑦ ᑲᓇᖕᓇᒥ, ᑐᓴᖅᑎᑦᑎᑲᐅᑎᒋᓗᑎᒡᓘᓐᓃᑦ ᓄᓇᓕᖕᓂ ᐋᓐᓂᐊᕕᖓᓄᑦ, ᐊᓂᑦᑕᐃᓕᓯᑲᐅᑎᒋᓗᑎᒡᓗ ᐊᖏᕐᕋᒥᓂ ᐅᓪᓗᓄᑦ 14-ᓄᑦ. ᐋᓐᓂᐊᕕᓕᐊᖅᑕᐃᓕᒋᑦ ᓇᒻᒥᓂᖅ.

ᑭᖑᓪᓕᕐᒥ ᑐᓴᒐᒃᓴᐅᓚᐅᖅᑐᓂᒃ ᑕᑯᔪᒪᒍᕕᑦ ᐊᒻᒪ ᐃᑲᔫᑎᒃᓴᓂᒃ ᓄᕙᒡᔪᐊᕐᓇᖅ-19 ᐱᔾᔪᑎᒋᓗᒍ ᓄᓇᕗᒻᒥ, ᐅᕗᙵᕈᓐᓇᖅᐳᑎᑦ: https://www.gov.nu.ca/

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᓚᐅᑲᒃᑐᖅ ᑐᓴᐅᒪᔪᓕᕆᔨᒃᑯᓐᓂ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
cpuglia@gov.nu.ca