ᐅᖃᓚᐅᑎᓯᐅᑏᑦ

You are here

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑐᒃᓯᕋᐅᑎᓕᐅᖁᔨᓕᖅᐳᑦ ᓄᓇᓕᖕᓂ ᖃᓄᐃᙱᑦᑎᐊᕐᓂᕐᒧᑦ ᑮᓇᐅᔭᖅᑖᕈᒪᔾᔪᑎᓂᒃ

ᓯᑎᐱᕆ 14, 2018

ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑐᒃᓯᕋᐅᑎᓕᐅᖁᔨᓕᖅᐳᑦ ᓄᓇᓕᖕᓂ ᖃᓄᐃᙱᑦᑎᐊᕐᓂᕐᒧᑦ ᑮᓇᐅᔭᖅᑖᕈᒪᔾᔪᑎᓂᒃ


ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ, ᐃᓄᓕᒫᓄᑦ ᐋᓐᓂᐊᖃᕐᓇᙱᑦᑐᓕᕆᕝᕕᒃ, ᑮᓇᐅᔭᖅᑖᕈᒪᔾᔪᑎᓂᒃ ᑐᒃᓯᕋᐅᑎᓂᒃ ᐱᔪᓐᓇᖅᓯᕗᑦ ᓄᓇᓕᖕᓄᑦ ᑐᕌᖓᔪᓂᑦ ᖃᓄᐃᙱᑦᑎᐊᕐᓂᕐᒧᑦ ᐱᓕᕆᐊᖑᔪᒪᔪᓂᑦ 2018-2019−ᒧᑦ ᑮᓇᐅᔭᓕᕆᓐᓇᒥ ᐊᕐᕌᒍᒥ. ᑮᓇᐅᔭᓕᐅᕋᓱᒃᑎᐅᙱᑦᑐᑦ ᑲᑐᔾᔨᖃᑎᒌᑦ ᐊᒻᒪ ᓄᓇᓕᖕᓂ ᒐᕙᒪᒋᔭᐅᔪᑦ ᓄᓇᕗᒻᒥ ᑐᒃᓯᕋᐅᑎᒥᓂᒃ ᑐᓂᓯᖁᔭᐅᕗᑦ.

ᓯᕗᓪᓕᐅᔾᔭᐅᓂᐊᖅᑐᑦ ᐱᓕᕆᐊᒃᓴᑦ ᐃᓚᓕᐅᔾᔨᓂᐊᖅᑐᑦ ᐅᑯᓂᖓ ᖃᓄᐃᙱᑦᑎᐊᕐᓂᕐᒧᑦ ᐱᔾᔪᑎᓕᖕᓂᒃ.

  • ᐊᖓᔪᖅᑳᓂᒃ ᐃᑲᔪᖅᑐᐃᓂᖅ.
  • ᐋᖓᔮᕐᓇᖅᑐᒥᒃ ᐊᑐᖃᑦᑕᖅᑐᑦ ᐅᔾᔨᕆᔭᐅᓕᒃᑲᓐᓂᖁᓪᓗᒋᑦ ᐊᒻᒪ/ᐅᕝᕙᓘᓐᓃᑦ ᐃᓱᒪᒃᑯᑦ ᖃᓄᐃᙱᑦᑎᐊᕐᓂᖅ.
  • ᑲᒪᔪᓐᓇᖅᑐᓂᑦ ᐱᕙᓪᓕᐊᑎᑦᓯᓂᖅ.

ᐱᓕᕆᐊᖑᔪᓐᓇᖅᑐᑦ ᐊᒻᒪ ᐱᓕᕆᐊᒃᓴᑦ ᑮᓇᐅᔭᖅᑖᖅᑎᑕᐅᓇᓱᐊᕐᓗᑎᒃ ᐅᑯᐊᖑᕗᑦ, ᑭᓯᐊᓂ ᑖᒃᑯᐊᑐᐊᖑᙱᖦᖢᑎᒃ:

  • ᐱᓕᕆᖃᑎᒌᑦ ᐃᑲᔪᖅᑐᐃᖃᑦᑕᐅᑎᓗᑎᒃ ᐅᕝᕙᓘᓐᓃᑦ ᐊᔪᕆᖅᓱᐃᔾᔨᕙᒃᑐᓄᑦ ᐱᓕᕆᐊᖑᕙᒃᑐᑦ.
  • ᐊᐅᓪᓚᕈᔾᔨᖃᑦᑕᕐᓂᖅ.
  • ᓄᓇᓕᖕᓂ ᐱᓕᒻᒪᒃᓴᖅᑎᑦᑎᖃᑦᑕᕐᓂᖅ ᓲᕐᓗ ᐃᓄᙳᐃᓂᖅ ᐊᖓᔪᖅᑳᓂᒃ ᐃᓕᓐᓂᐊᖅᑎᑦᑎᓂᖅ.
  • ᐊᔪᕈᓐᓃᖅᓴᖅᑎᑦᑎᓂᖅ ᓲᕐᓗ ᒥᖅᓱᕆᐅᖅᓴᓂᖅ, ᓴᓇᕐᕈᑎᓕᐅᕆᐅᖅᓴᓂᖅ, ᓂᔾᔭᐅᓯᔭᕐᓂᖅ ᐊᒻᒪ ᓴᓇᐅᒐᓕᐅᕐᓂᖅ.
  • ᐱᓕᕆᐊᒃᓴᑦ ᖃᓄᐃᙱᑦᑎᐊᕐᓂᕐᒧᑦ ᑐᓴᒐᒃᓴᙳᖅᑎᑦᑎᖃᑦᑕᖅᑐᑦ ᐋᖓᔮᕐᓇᖅᑐᒥᑦ ᐊᑐᖃᑦᑕᖅᑐᑦ ᐱᔾᔪᑎᒋᓪᓗᒋᑦ (ᓱᕐᕋᖕᓇᖅᑐᒥᑦ ᐃᒥᐊᓗᖕᒥᓪᓘᓐᓃᑦ ᐊᑐᓗᐊᖅᑕᐃᓕᒪᓂᖅ), ᓂᖀᑦ ᓂᐅᖅᑲᒐᒃᓴᐃᓪᓗ (ᓲᕐᓗ ᐃᒥᒐᖅᑕᐃᓕᒪᓂᖅ) ᐅᕝᕙᓘᓐᓃᑦ ᐊᖓᔪᖅᑳᑦᑎᐊᕙᐅᔭᕆᐅᖅᓴᓂᖅ.
  • ᐊᓯᖏᑦ ᓄᑖᑦ ᐱᓕᕆᐊᒃᓴᑦ ᐊᒻᒪ ᐱᐅᔪᑦ ᐱᓕᕆᐊᒃᓴᑦ ᓄᓇᓕᖕᓂ ᖃᓄᐃᙱᑦᑎᐊᕐᓂᕐᒧᑦ ᐊᒃᑐᐊᓂᓕᖕᓂᑦ.

ᑐᓂᓯᔪᒪᔪᑦ ᓯᑎᐱᕆ 28, 2018-ᒥ ᐃᓱᓕᕝᕕᒃᓴᖃᖅᑐᖅ 11:59-ᒧᐊᖅᐸᑦ ᐅᓪᓗᒃᑯᑦ. ᑲᓇᖕᓇᒥ. ᐊᑏ ᖃᐅᔨᒋᐊᕐᕕᒋᓗᒍ wellness@gov.nu.ca ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᕝᕙᓘᓐᓃᑦ ᑐᒃᓯᕋᐅᑎᒥᑦ ᐱᔪᒪᒍᕕᑦ.
###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᓇᐃᑏᓐ ᐴᕐᑎ
ᑐᓴᒐᒃᓴᓕᕆᔨᓄᑦ ᐊᐅᓚᑦᑎᔨ
ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ
867-975-5712
npurdy@gov.nu.ca