ᐅᖃᓚᐅᑎᓯᐅᑏᑦ

You are here

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᖁᕕᐊᓲᑎᖃᖅᐳᑦ ᑎᐹᒃᑐᕐᓇᙱᑦᑑᑉ ᐅᓪᓗᖓᓂᒃ ᓄᓇᓕᖕᒥᐅᑦ−ᐱᒋᐊᖅᑎᑕᖏᓐᓄᑦ ᑐᒃᓯᕋᐅᑎᓕᐅᖁᔭᐅᓪᓗᑎᒃ ᑐᙵᓱᒃᑎᑕᐅᕗᑦ

ᒪᐃ 29, 2019

ᑭᒃᑯᑐᐃᓐᓇᓄᑦ ᑐᓴᒐᒃᓴᖅ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᖁᕕᐊᓲᑎᖃᖅᐳᑦ ᑎᐹᒃᑐᕐᓇᙱᑦᑑᑉ ᐅᓪᓗᖓᓂᒃ ᓄᓇᓕᖕᒥᐅᑦ−ᐱᒋᐊᖅᑎᑕᖏᓐᓄᑦ ᑐᒃᓯᕋᐅᑎᓕᐅᖁᔭᐅᓪᓗᑎᒃ ᑐᙵᓱᒃᑎᑕᐅᕗᑦ

ᓄᓇᕐᔪᐊᓕᒫᒥ ᑎᐹᒃᑕᖃᙱᓪᓗᓂ ᐅᓪᓗᕆᔭᐅᓛᖅᑐᖅ ᒪᐃ 31−ᖑᓕᖅᐸᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᓪᓗ ᑎᓕᐅᕆᑦᑎᐊᖅᐳᑦ ᓄᓇᕗᒻᒥᐅᓂᒃ ᑎᐹᖕᒥ ᓱᐴᖅᑐᖅᑕᐅᖁᔨᙱᖦᖢᑎᒃ!

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑎᓕᐅᕆᕗᑦ ᕼᐋᒻᒪᓚᒃᑯᓐᓂ, ᓄᓇᓕᖕᓂ ᐊᒻᒪ ᐊᕕᒃᑐᖅᓯᒪᔪᓂᒃ ᑲᑐᔾᔨᖃᑎᒌᓂᒃ ᓄᓇᕗᒻᒥ ᑐᓂᓯᖁᓪᓗᒋᑦ ᐊᑕᐅᓯᐊᕐᓗᑎᒃ ᐊᑐᖅᑕᐅᔪᒃᓴᒥᒃ ᑮᓇᐅᔭᑎᒍᑦ ᑐᒃᓯᕋᐅᑎᓂᒃ ᓄᓇᓕᖕᓂ ᐊᐅᓚᑕᐅᔪᓂᒃ ᐱᓕᕆᐊᓂᒃ ᑎᐹᒃᑐᙱᓐᓂᖅᓴᐅᔾᔪᑎᒃᓴᓂᒃ ᓄᓇᕗᒻᒥ. ᑐᑭᓯᒋᐊᒃᑲᓐᓂᕈᒪᒍᔅᓯ, ᖃᐅᔨᒋᐊᕐᕕᐅᔪᓐᓇᖅᑐᑦ tobacco@gov.nu.ca.. ᓄᖅᑲᕐᕕᖃᕐᓂᐊᖅᑐᖅ ᐅᓪᓗᑐᐃᓐᓇᖅ, ᔫᓂ 28, 2019 ᐅᓪᓗᑯᑦ 11:59−ᒧᐊᖅᐸᑦ. ᑲᓇᖕᓇᕐᒥ ᖃᐅᔨᓴᐅᑦ ᒪᓕᒡᓗᒍ.

ᑎᐹᖕᒥᒃ ᓄᖅᑲᐅᑎᖃᕈᒪᓗᑎᑦ ᐃᓱᒪᖃᑦᑕᕈᕕᑦ, ᐅᐃᕆᓐᓇᖅᑐᒥᒃ ᑲᑦᑐᕈᑕᐅᕚᓪᓕᕈᑎᒧᑦ ᐃᓇᖏᐅᑎᖔᒐᒃᓴᖅᑕᖃᖅᑐᖅ, ᓲᕐᓗ ᐅᕕᓂᖕᒧᑦ ᓂᐱᑎᒐᐃᑦ, ᑕᒧᐊᔭᒐᐃᑦ, ᓂᐅᒐᒃᓴᐃᓪᓗ ᐃᑲᔫᑎᖃᓲᖑᔪᑦ ᖀᓕᖅᑐᓄᑦ ᐊᒻᒪ ᓄᖅᑲᓵᖅᖢᑎᒃ ᑎᒥᖏᑦ ᐊᓂᒍᐃᓕᓵᖅᑐᓄᑦ ᐅᐃᕆᓐᓇᖅᑐᒥᒃ. ᑲᑦᑐᕈᑕᐅᕚᓪᓕᕈᑎᒧᑦ ᐃᓇᖏᐅᑎᖔᒐᒃᓴᖅ ᐱᔭᒃᓴᐅᔪᑦ ᐋᓐᓂᐊᕕᔅᓯᓐᓂ, ᐄᔭᒐᖅᑖᕐᕕᖕᓂ ᐅᕝᕙᓘᓐᓃᑦ ᐅᖁᒪᐃᓐᓂᕐᓂᐊᕐᕕᖕᓂ ᐊᑭᖃᙱᖦᖢᑎᒃ ᓄᓇᕗᒻᒥᐅᑦ ᐃᓄᖁᑎᖏᓐᓄᑦ. ᐅᖃᓗᔪᓐᓇᖅᐳᓯ ᓄᓇᕗᒻᒥ ᓄᖅᑲᕋᓱᒃᑐᓄᑦ (ᐅᖄᓚᐅᑎᒃᑯᑦ ᐃᑲᔪᖅᑕᐅᕝᕕᒃ) ᐅᕗᖓ 1-866-368-7848 ᐊᑭᖃᙱᑦᑐᖅ, ᑕᑎᖃᕈᓐᓇᖅᐳᑎᑦ ᐃᑲᔪᕈᓐᓇᑦᑎᐊᖅᑐᓂᒃ, ᓄᖅᑲᕋᓱᖕᓂᓕᒫᔅᓯᓐᓄᑦ.

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᖁᕕᐊᓲᑎᖃᖅᐳᑦ ᑕᕝᕚᑭᖃᕐᓇᙱᑦᑑᑉ ᐅᓪᓗᖓᓂᒃ ᑐᑭᓯᒋᐊᒃᑲᓐᓂᕈᒪᒍᕕᑦ, ᐅᕗᙵᐅᓗᑎᑦ: www.NULC.ca.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᕗᐊᓐᑎ ᕼᐊᓗᓐᐃᓐ
ᑐᓴᒐᒃᓴᓕᕆᔨᒻᒪᕆᒃ
ᒐᕙᒪᓕᕆᔨᒃᑯᑦ
867-975-6048
WHalonen@gov.nu.ca