ᐅᖃᓚᐅᑎᓯᐅᑏᑦ

You are here

ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᑭᒡᓕᖃᖅᑎᑕᐅᔪᑦ ᐊᑐᓗᐊᕈᓐᓃᕐᓂᐊᓕᖅᐳᑦ ᑭᙵᕐᓂ ᐃᖃᓗᖕᓂᓗ, ᒪᑐᐊᖅᓯᒪᔭᕆᐊᖃᓪᓚᕆᒃᑐᑦ ᓄᓇᕘᓕᒫᒥ

ᔫᓂ 07, 2021

ᐱᕙᓪᓕᐊᔪᑦ ᐅᖃᐅᓯᐅᔪᑦ

ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᑭᒡᓕᖃᖅᑎᑕᐅᔪᑦ ᐊᑐᓗᐊᕈᓐᓃᕐᓂᐊᓕᖅᐳᑦ ᑭᙵᕐᓂ ᐃᖃᓗᖕᓂᓗ, ᒪᑐᐊᖅᓯᒪᔭᕆᐊᖃᓪᓚᕆᒃᑐᑦ ᓄᓇᕘᓕᒫᒥ

ᐃᖃᓗᐃᑦ, ᓄᓇᕗᑦ (ᔫᓂ 7, 2021) − ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ, ᓘᒃᑖᖅ ᒪᐃᑯ ᐹᑐᓴᓐ, ᐅᓪᓗᒥ ᑐᓴᖅᑎᑦᑎᕗᖅ ᐊᓯᔾᔨᖅᑐᓂ ᓄᕙᒡᔪᐊᕐᓇᖅ-19−ᒧᑦ ᐋᓐᓂᐊᖃᕐᓇᙱᑦᑐᓕᕆᔨᑦ ᒪᓕᖁᔭᖏᓐᓂᒃ ᑭᙵᕐᓂ ᐃᖃᓗᖕᓂᓗ.

“ᑭᙵᕐᓂ ᐃᓄᑑᔭᕆᐊᖃᖅᑐᖃᕈᓐᓃᖅᑎᓪᓗᒍ, ᓄᕙᒡᔪᐊᕐᓇᖅ-19−ᖃᖅᑐᑦ ᐃᖃᓗᖕᓂ ᓄᖑᑉᐸᓪᓕᐊᑎᓪᓗᒋᑦ ᐊᒻᒪ ᓄᑖᑦ ᓄᕙᒡᔪᐊᓕᖅᑐᑦ ᓄᓇᓕᐸᐅᔭᕐᒥ ᐊᖏᕐᕋᖅᓯᒪᓪᓗᑎᒃ ᐊᐃᑦᑐᕐᓗᒃᑕᐅᓯᒫᓂᒃᑐᑦ, ᐊᑦᑕᕐᓇᕈᓐᓃᖅᐳᖅ ᒪᓕᒃᑕᐅᔭᕆᐊᓖᑦ ᐊᑐᓗᐊᕈᓐᓃᖅᐸᑕ ᑕᒪᐃᓐᓂᒃ ᓄᓇᓕᖕᓂ," ᐅᖃᖅᑐᖅ ᓘᒃᑖᖅ ᐹᑐᓴᓐ.

ᑭᙵᕐᓂ ᐱᖓᔪᐊᑦ, ᔫᓂ 9−ᒥ ᐱᒋᐊᕐᓗᓂ, ᐃᒡᓘᑉ ᐃᓗᐊᓂ ᐃᓄᖃᕈᓐᓇᕐᓯᔪᖅ ᖁᓕᓪᓗ ᑕᓪᓕᒪᓂᒃ ᐊᒻᒪᓗ ᐃᓚᒋᔭᐅᓗᑎᒃ ᐃᒡᓗᒥᐅᖃᑎᒌᑦ ᓯᓚᒥᓪᓗ ᑲᑎᑦᑐᓐᓇᕐᓯᔪᑦ 100−ᒧᑦ ᑎᑭᓪᓗᒍ ᐃᓄᐃᑦ. ᐊᑐᖁᔭᐅᒻᒪᕆᒃᐳᖅ ᐃᓄᐃᑦ ᑲᑎᙵᔪᑦ ᐃᓄᑭᖃᑦᑕᖁᔭᐅᓪᓗᑎᒃ. ᐊᑯᓂᐅᔪᒥ ᐸᖅᑭᔭᐅᕝᕖᑦ, ᑲᒪᒋᔭᐅᖏᓐᓇᖅᑐᒃᑯᕖᑦ, ᐋᓐᓂᐊᕐᕕᓕᐊᖅᑐᑦ ᑐᔪᕐᒥᕕᖏᑦ ᐋᓐᓂᐊᕐᕖᓪᓗ ᒪᕐᕉᖕᓂᒃ ᐳᓛᖅᑎᖃᕈᓐᓇᖅᓯᔪᑦ ᖃᑕᙳᑎᒥᓂᒃ, ᐃᓄᖕᒧᑦ ᐊᑕᐅᓯᕐᒧᑦ, ᒪᑐᐊᖅᓯᒪᔭᕆᐊᖃᖅᖢᑎᒃ.

ᐸᐃᕆᕝᕖᑦ ᒪᑐᐃᕈᓐᓇᖅᓯᔪᑦ ᐃᓕᓐᓂᐊᕐᕖᓪᓗ ᒪᑐᐃᕈᓐᓇᖅᓯᔪᑦ ᐊᑐᕆᐊᖃᖅᑎᑕᐅᓗᑎᒃ 2-ᒥᑦ 2020-2021 ᓄᓇᕗᒻᒥ ᐃᓕᓐᓂᐊᕐᕖᑦ ᒪᑐᐃᖅᑕᐅᓂᖓᑕ ᐸᕐᓇᐅᑎᖓᓂ. ᒐᕙᒃᑯᑦ ᑎᑎᕋᕐᕕᖏᑦ ᓇᖕᒥᓂᖁᑎᒋᔭᐅᔪᓪᓗ ᒪᑐᐃᕈᓐᓇᖅᓯᖕᒥᔪᑦ ᒪᑐᐊᖅᓯᒪᓗᑎᒃ ᐅᖓᓯᒌᒡᓗᑎᒡᓗ. ᐃᒡᓘᑉ ᐃᓗᐊᓂ ᐃᑲᔪᖃᑎᒌᑦ ᑲᑎᙵᔪᓐᓇᕐᓯᔪᑦ ᑲᑎᙵᔪᓂᓪᓗ ᐃᓅᓯᓕᕆᕙᒃᑐᑦ ᒪᑐᐃᒃᑲᓐᓂᕈᓐᓇᖅᓯᔪᑦ ᐊᕙᑎᓄᑦ ᑎᑭᓪᓗᒍ ᐃᓄᐃᑦ ᐃᒡᓘᓪᓗ ᐃᓗᐊᓂ ᑲᑎᙵᔪᓐᓇᖅᓯᔪᑦ ᐅᑯᐊᓗ ᓂᖅᑐᐃᔭᖅᑐᕈᓐᓇᖅᓯᔪᑦ ᐊᒻᒪ ᕼᐋᑭᕐᕖᑦ ᒪᑐᐃᖓᔪᓐᓇᖅᓯᔪᑦ 50−ᓂᒃ ᐃᓄᖃᕈᓐᓇᖅᖢᑎᒃ ᐅᕝᕙᓘᓐᓃᑦ ᐃᓐᓄᒍᓐᓇᕐᓂᖓᑕ ᓇᑉᐸᖓᓂ ᓇᓕᐊᑐᐃᓐᓇᖅ ᐅᓄᙱᓐᓂᖅᓴᖅ. ᒪᑐᐊᖅᓯᒪᐃᓐᓇᕆᐊᖃᕐᓂᐊᖅᑐᑦ ᐃᓪᓘᑉ ᐃᓗᐊᓂ ᑭᒃᑯᑐᐃᓐᓇᐃᑦ ᐅᐸᒃᓯᒪᑎᓪᓗᒋᑦ (ᑎᑎᕋᕐᕖᓪᓗ) ᐊᒻᒪᓗ ᐃᓄᐃᑦ ᐅᖓᓯᒌᖃᑦᑕᐅᑎᓗᑎᒃ 6 ᐃᓯᒐᓂᑦ. ᓂᕿᓕᕆᕝᕖᑦ ᐱᔪᓐᓇᐅᑎᖃᖅᑐᓪᓗ ᐃᓂᒋᔭᐅᔪᑦ ᒪᑐᐃᑐᐃᓐᓇᕆᐊᓖᑦ ᒪᑐᐃᖓᕝᕕᒋᕙᒃᑕᖏᓐᓂ 50-ᐳᓴᓐᒥᑦ ᐃᓄᖃᕈᓐᓇᕐᓗᑎᒃ.

ᐃᖃᓗᖕᓂ, ᐅᓗᑐᐃᓐᓇᖅ ᔫᓂ 11−ᒥ ᐱᒋᐊᕐᓗᓂ, ᐃᓄᖕᓂᒃ ᐱᔨᑦᑎᕋᕐᕖᑦ ᓲᕐᓗ ᓄᔭᓕᕆᕝᕖᑦ ᐊᒻᒪ ᐱᐅᓴᐃᕝᕖᑦ ᒪᑐᐃᑐᐃᓐᓇᕆᐊᓖᑦ, ᒪᑐᐊᖅᓯᒪᔭᕆᐊᖃᓪᓚᕆᒃᑐᑦ. ᐃᖃᓗᖕᓂᙶᖃᑦᑕᖅᑐᑦ ᐃᖃᓗᖕᓄᙵᐅᖃᑦᑕᖅᑐᓪᓗ ᖃᖓᑕᓲᒃᑯᑦ ᓱᓕ ᐃᓚᐃᓐᓇᖏᑦ ᐊᔪᙱᑎᑕᐅᕗᑦ, ᒪᑐᐊᖅᓯᒪᔭᕆᐊᖃᖅᖢᑎᒡᓗ ᐃᓄᒋᐊᒃᑐᒃᑯᕕᖕᓂᑦ (ᑎᑎᕋᕐᕕᖕᓂᓪᓗ) ᐊᒻᒪᓗ ᐅᖓᓯᒃᑎᒋᓗᑎᑦ 6 ᐃᓯᒐᓂᑦ. ᐅᓪᓛᖅ ᑲᐱᔭᐅᓯᒪᔪᑦ ᐊᐅᓪᓚᖃᑦᑕᖅᑐᑦ ᑭᑭᑕᐅᓯᒪᓂᖏᓐᓂᒃ ᐅᖃᐅᓯᐅᖅᑲᐅᔪᖅ ᐃᓱᒪᒋᓪᓗᒍ, ᔫᓂ 14−ᒥ ᐱᒋᐊᕐᓗᓂ, ᑲᐱᔭᐅᕌᓂᒃᓯᒪᔪᑦ ᐃᖃᓗᖕᓂᙶᖅᑐᑦ ᐃᓄᑑᔭᕆᐊᖃᖃᑦᑕᔾᔮᔪᓐᓃᖅᑐᑦ ᑭᖑᓪᓕᖅᐹᒥ ᐅᐸᒃᑕᒥᓄᑦ, ᓄᓇᕗᒻᒥ.

ᐊᒻᒪᓗ ᔫᓂ 14−ᒥ ᐱᒋᐊᕐᓗᓂ, ᒪᑐᐊᖅᓯᒪᔭᕆᐊᖃᖃᑦᑕᕐᓂᐊᖅᑐᑦ ᓄᓇᓕᓕᒫᓂᑦ ᓄᓇᕗᒻᒥ ᓇᓂᑐᐃᓐᓇᑦᑎᐊᖅ ᐊᒻᒪ ᐃᓅᖃᑎᒌᑦ ᐅᖓᓯᒌᒍᓐᓇᙱᒃᑳᖓᑕ.

ᑲᐱᓯᑲᑕᒃᑐᑦ ᐅᒃᑯᐃᖓᐃᓐᓇᕐᓂᐊᖅᑐᑦ ᓄᓇᕘᓕᒫᒥ. ᐋᓐᓂᐊᕐᕕᔅᓯᓐᓄ ᐅᖄᓚᓗᑎᑦ ᐃᓂᒃᓴᓕᐅᕐᓗᑎᑦ. ᐋᓐᓂᐊᓕᕇᒃᑯᑎ ᐊᑦᑕᕐᓇᖏᑦᑐᖅ ᓴᐳᔾᔭᐅᔾᔪᑎᐅᖕᒪᑦ ᐊᐃᑦᑐᕐᓗᖕᓇᖅᑐᒧᑦ ᓄᕙᒡᔪᐊᕐᓇᖅ-19−ᒧᑦ.

ᑭᓇᑐᐃᓐᓇᖅ ᐅᐸᒍᑎᓯᒪᓚᐅᕋᓱᒋᔪᖅ ᓄᕙᒡᔪᐊᕐᓇᖅ-19−ᓕᖕᒧᑦ ᐅᖄᓚᖁᔭᐅᕗᖅ ᓄᕙᒡᔪᐊᕐᓇᒧᑦ ᐅᖄᓚᕝᕕᐅᔪᓐᓇᖅᑐᒧᑦ, 1-888-975-8601−ᒧᑦ 10−ᒥᑦ ᐅᓪᓛᒃᑯᑦ 6−ᒧᑦ ᑎᑭᓪᓗᒍ ᐅᓐᓄᒃᑯᑦ, ᑐᓴᖅᑎᑦᑎᑲᐅᑎᒋᓗᓂᓘᓐᓃᑦ ᓄᓇᓕᖕᓂ ᐋᓐᓂᐊᕕᖓᓄᑦ, ᐅᐸᒃᑕᐅᑦᑕᐃᓕᒪᓯᑲᐅᑎᒋᓗᓂᓗ ᐊᖏᕐᕋᒥᓂ ᐅᓪᓗᓄᑦ 14-ᓄᑦ. ᐋᓐᓂᐊᕕᓕᐊᖅᑕᐃᓕᓗᑎᑦ ᓇᖕᒥᓂᖅ.

ᑐᓴᒐᒃᓴᓕᐊᖑᓵᖅᑐᑦ ᐅᕙᓃᑦᑐᑦ www.gov.nu.ca

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ
ᐊᐅᓚᑦᑎᔨᐅᑲᐃᓐᓇᖅᑐᖅ, ᑐᓴᐅᒪᔪᓕᕆᔨᓄᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5949
cpuglia@gov.nu.ca