You are here

ᑕᕐᕆᔭᐅᑎᒃᑯᑦ ᐋᓐᓂᐊᖃᕐᓇᙱᑦᑐᓕᕆᔾᔪᑎ

                                                                                                                                                                                                         ᑕᕐᕆᔭᐅᑎᒃᑯᑦ ᐋᓐᓂᐊᖃᕐᓇᙱᑦᑐᓕᕆᔾᔪᑎ ᑐᒃᓯᕋᐅᑎ ᓘᒃᑖᓕᐊᓂᕐᒧᑦ ᓘᒃᑖᓕᐊᕐᓂᕐᒨᖏᑦᑐᕐᓗ ᑎᑎᕋᕐᕕᒃᓴᑦ 

 

ᑭᓲᖕᒪᑦ ᑕᕐᕆᔭᐅᑎᒃᑯᑦ ᐋᓐᓂᐊᖃᕐᓇᙱᑦᑐᓕᕆᔾᔪᑎ?

ᑕᕐᕆᔭᐅᑎᒃᑯᑦ ᐋᓐᓂᐊᖃᕐᓇᙱᑦᑐᓕᕆᔾᔪᑎ ᐱᑎᑦᑎᓪᓗᓂ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐱᔨᑦᑎᕋᐅᑎᓂᑦ ᑐᓴᖃᑎᒌᒃᓗᑎᒃᓗ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᓇᓗᓇᐃᔭᐅᑎᓂᒃ ᖃᕆᑕᐅᔭᑎᒍᑦ ᓇᓗᓇᐃᔭᐅᑎᒃᑯᑦ ᑐᓴᐅᒪᔪᓕᕆᓂᕐᓄᓪᓗ ᖃᕆᑕᐅᔭᒃᑯᑦ. ᑕᕐᕆᔭᐅᑎᒃᑯᑦ ᐋᓐᓂᐊᖃᕐᓇᙱᑦᑐᓕᕆᔾᔪᑎ ᐊᑐᕐᓂᐅᔪᖅ ᑕᕐᕆᔭᐅᑎᒃᑯᑦ ᐅᖃᖃᑎᒌᖕᓂᕐᓂ ᑲᓲᑎᑎᓪᓗᒋᑦ ᐋᓐᓂᐊᕐᕕᖕᒥ ᐱᓕᕆᔨᑦ ᑲᒪᒋᔭᖏᓪᓗ/ᐱᔨᑦᑎᖅᑕᖏᓪᓗ ᐊᔾᔨᒌᖏᑦᑐᓂ ᑎᒥᒃᑯᑦ ᐃᓂᒋᔭᕐᓂ.  ᑕᕐᕆᔭᐅᑎᒃᑯᑦ ᐋᓐᓂᐊᖃᕐᓇᙱᑦᑐᓕᕆᔾᔪᑎ ᐱᔪᓐᓇᖅᑎᑦᑎᓪᓗᓂ ᑲᒪᒋᔭᕐᓂ/ᐱᔨᑦᑎᖅᑕᓂ ᑕᑯᔪᓐᓇᕐᓗᑎᒃ, ᑐᓴᕈᓐᓇᕐᓗᑎᒃ ᐅᖃᓪᓚᒍᓐᓇᕐᓗᑎᒃᓗ ᐋᓐᓂᐊᕕᖕᒥ ᐱᓕᕆᔨᖏᓐᓄᑦ ᑕᓚᕖᓴᑎᒍᑦ.

 

ᖃᓄᐃᒻᒪᑦ ᐊᑐᕐᓗᒍ ᑕᕐᕆᔭᐅᑎᒃᑯᑦ ᐋᓐᓂᐊᖃᕐᓇᙱᑦᑐᓕᕆᔾᔪᑎ?

ᑕᕐᕆᔭᐅᑎᒃᑯᑦ ᐋᓐᓂᐊᖃᕐᓇᙱᑦᑐᓕᕆᔾᔪᑎ ᓱᒃᑲᓪᓗᓂ ᐊᑐᑲᐅᕐᑐᕐᓇᕐᖢᓂᓗ ᐊᑐᒐᒃᓴᖅ ᐊᑐᖅᑕᐅᓪᓗᓂ ᑲᒪᒋᔭᕐᓂ/ᐱᔨᑦᑎᖅᑕᓂ ᐋᓐᓂᐊᕕᖕᒥᓗ ᐱᓕᕆᔨᖏᑦ ᑲᑎᙵᙱᑉᐸᑕ ᑎᒥᒥᑎᒍᑦ ᐊᔪᕐᓇᖅᑐᓄᑦ ᓲᕐᓗ ᓄᓇᕐᔪᐊᕐᒥᐅᑕᓂᒃ ᖃᐅᔨᓴᕐᓂᖅ ᐱᔭᕆᐊᖃᖅᑎᑦᑎᔪᒥᒃ ᐊᐅᓪᓚᕆᐊᖃᕐᓗᓂ ᐅᖓᓯᒃᑐᒧᑦ, ᐃᖅᑲᓇᐃᔭᙱᓚᐅᑲᒃᑐᓄᑦ, ᓄᑕᕋᖅ ᐃᓐᓇᑐᖃᕐᓘᓐᓃᑦ ᓇᓪᓕᐅᒃᑯᒫᓄᑦ ᐱᔭᕆᐊᓕᖏᓐᓄᑦ, ᐊᒻᒪᓗ ᐋᓐᓂᐊᕕᖕᒥ ᐱᓕᕆᔨᒻᒪᕆᖃᙱᓗᐊᕐᓂᕐᓄᑦ.

ᓄᓇᓖᑦ ᐃᓱᓕᕝᕕᖃᖅᑐᓂᒃ ᐊᔾᔨᐅᙱᑐᓄᓪᓘᓐᓃᑦ ᑲᒪᒋᔭᐅᔪᓐᓇᙱᑦᑐᓄᑦ ᐱᔪᓐᓇᖅᑐᑦ ᑕᕐᕆᔭᐅᑎᒃᑯᑦ ᐋᓐᓂᐊᖃᕐᓇᙱᑦᑐᓕᕆᔾᔪᑎ ᐱᔨᑦᑎᕋᐅᑎᓂᒃ ᑕᕐᕆᔭᐅᑎᒃᑯᑦ ᐋᓐᓂᐊᖃᕐᓇᙱᑦᑐᓕᕆᔾᔪᑎᒃᑯᑦ. ᑕᐃᒪᓐᓈᓗᒃ ᐊᔾᔨᐅᙱᑦᑐᓄᑦ ᐱᔨᑦᑎᕋᐅᑎᑦ ᐃᓚᐅᑎᑦᑎᔪᑦ ᐃᖅᑐᓕᕆᔪᓄᑦ, ᐃᓱᒪᓕᕆᔨᒻᒪᕆᖕᓄᑦ, ᐃᓅᓕᓴᐅᑎᑦ ᑎᒥᒃᑯᑦ (ᑕᖅᑐᓄᑦ), ᑳᓐᓱᓕᖕᒥᑦ ᖃᐅᔨᓴᕐᓂᖅ, ᐆᒻᒪᑎᓕᕆᓂᖅ, ᓂᐊᖁᓕᕆᓂᖅ, ᐱᓚᒃᑕᐅᓂᓕᕆᓂᖅ ᐊᓯᖏᓪᓗ.

ᑕᕐᕆᔭᐅᑎᒃᑯᑦ ᐋᓐᓂᐊᖃᕐᓇᙱᑦᑐᓕᕆᔾᔪᑎ ᐱᔪᓐᓇᖅᑎᑦᑎᔪᖅ ᑲᒪᒋᔭᕐᓂ/ᐱᔨᑦᑎᖅᑕᓂ ᓄᓇᓕᖓᓃᖏᓐᓇᕐᓗᑎᒃ ᖃᑕᙳᑎᖏᓐᓂ ᐃᑲᔪᖅᑎᖏᓐᓂᒃᓗ.

 

ᑭᒃᑯᑦ ᐱᔪᓐᓇᖅᐸᑦ ᓄᓇᕗᒻᒥ ᑕᕐᕆᔭᐅᑎᒃᑯᑦ ᐋᓐᓂᐊᖃᕐᓇᙱᑦᑐᓕᕆᔾᔪᑎᒥᒃ?

ᓄᓇᕗᒻᒥᐅᑦ ᐱᔪᓐᓇᖅᑐᑦ ᑕᕐᕆᔭᐅᑎᒃᑯᑦ ᐋᓐᓂᐊᖃᕐᓇᙱᑦᑐᓕᕆᔾᔪᑎ ᐱᔨᑦᑎᕋᐅᑎᓂᑦ ᑲᓲᑎᓗᒋᑦ ᐊᓯᖏᓐᓂ ᐋᓐᓂᐊᕕᖕᓄᑦ ᓄᓇᕘᑉ ᐃᓗᐊᓂ ᐊᓯᖏᓐᓂᒃᓗ ᓄᓇᓕᐅᔪᓂᑦ ᓲᕐᓗ ᓄᓇᑦᓯᐊᖅ, ᐃᐅᓪᐴᑕ, ᒫᓂᑑᐸ ᐊᒻᒪ ᐋᓐᑎᐅᕆᐅ.

**ᐅᑯᐊ ᖃᐅᔨᒪᓗᒋᑦ:  ᐃᖅᑲᓇᐃᔭᕐᕖᑦ ᐊᓯᖔᕆᓗᓂᒋᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦᐱᔭᕆᐊᖃᖅᑐᓂᑦ ᑕᕐᕆᔭᐅᑎᒃᑯᑦ ᐅᖃᖃᑎᒌᕐᓂᕐᓂ ᐱᔨᑦᑎᕋᐅᑎᓂᒃ ᖃᐅᔨᒋᐊᕆᐊᖃᖅᑐᑦ ᓄᓇᕗᒻᒥ ᒐᕙᒪᒃᑯᑦ ᖃᕆᑕᐅᔭᕐᓄᑦ ᐃᑲᔪᖅᑎᓄᑦ ᐅᕗᖓHelpDesk@gov.nu.ca.

 

ᖃᖓᒃᑯᑦ ᓄᓇᕗᒻᒥ ᑕᕐᕆᔭᐅᑎᒃᑯᑦ ᐋᓐᓂᐊᖃᕐᓇᙱᑦᑐᓕᕆᔾᔪᑎ ᐊᑐᖅᑕᐅᔪᓐᓇᖅᐸ?

ᓄᓇᕗᒻᒥ ᑕᕐᕆᔭᐅᑎᒃᑯᑦ ᐋᓐᓂᐊᖃᕐᓇᙱᑦᑐᓕᕆᔾᔪᑎ ᐃᑲᔪᖅᓱᐃᓪᓗᓂ ᑕᒪᒃᑮᓂᒃ ᓘᒃᑖᓕᕆᔾᔪᑎᓄᑦ ᓘᒃᑖᓕᕆᔾᔪᑎᐅᙱᑦᑐᓄᓪᓗ ᐃᓕᓐᓂᐊᕈᑎᓂᑦ. ᑐᓐᓂᖅᑯᑎᒋᓗᒍ ᑕᕐᕆᔭᐅᑎᒃᑯᑦ ᐋᓐᓂᐊᖃᕐᓇᙱᑦᑐᓕᕆᔾᔪᑎ ᑐᒃᓯᕋᐅᑎ ᑎᑎᕋᕐᕕᒃᓴᓄᑦ.

ᓘᒃᑖᓕᕆᔾᔪᑎᓄᑦ ᐃᓕᓐᓂᐊᕐᓇᑦ: ᐅᖃᖃᑎᒌᒍᑎᑦ/ᖃᐅᔨᓴᕐᓃᑦ, ᑐᓐᓂᖅᑯᑎᖃᕈᑎᑦ, ᐱᔾᔪᑕᐅᔪᒧᑦ ᐅᖃᖃᑎᒌᖕᓂᖅ, ᑕᑯᔭᐅᒃᑲᓐᓂᕈᑎᑦ/ᐱᓚᒃᑕᐅᓵᖅᑐᓄᑦ ᑲᒪᓂᖅ, ᓇᐃᓈᖅᓯᒪᔪᓂᒃ ᐅᖃᐅᓯᖃᕐᓃᑦ ᐃᓅᓯᓕᕆᔾᔪᑏᓪᓗ.

ᓘᒃᑖᓕᕆᔾᔪᑎᓅᙱᑦᑐᖅ ᐃᓕᓐᓂᐊᕐᓇᑦ: ᐊᑯᓂᐅᔪᒃᑯᑦ ᐊᖏᕐᕋᒥᓗ ᐃᓗᐊᖅᓴᐃᓂᕐᒧᑦ ᖃᑕᙳᑎᒌᓄᑦ ᐅᐸᒍᑎᑦ, ᑲᒪᒋᔭᕐᓂ/ᐱᔨᑦᑎᖅᑕᓂ ᐃᓕᓐᓂᐊᖅᑎᑦᑎᓃᑦ, ᐱᓕᕆᔨᒻᒪᕆᐅᓂᕐᒧᑦ ᐱᓕᒻᒪᒃᓴᐃᓂᖅ/ᐃᓕᓐᓂᐊᒃᑲᓐᓂᕈᑏᑦ, ᑎᑎᕋᕐᕕᖕᒥᐅᑕᓕᕆᓂᕐᒧᓪᓗ ᑲᑎᒪᓃᑦ.

 

ᖃᓄᖅ ᓄᓇᕗᒻᒥ ᑕᕐᕆᔭᐅᑎᒃᑯᑦ ᐋᓐᓂᐊᖃᕐᓇᙱᑦᑐᓕᕆᔾᔪᑎ ᐃᓂᒃᓴᖏᓐᓂ ᐊᑐᓕᖅᑎᑕᐅᕙᒃᐸ?

ᐋᓐᓂᐊᕕᖕᒥ ᐱᓕᕆᔨᑦ/ᐃᓂᒃᓴᓕᐅᖅᑎᑦ ᐱᔭᕇᖅᓯᔭᕆᐊᖃᖅᑐᑦ ᑕᕐᕆᔭᐅᑎᒃᑯᑦ ᐋᓐᓂᐊᖃᕐᓇᙱᑦᑐᓕᕆᔾᔪᑎ ᑐᒃᓯᕋᐅᑎ ᑎᑎᕋᕐᕕᒃᓴᖓᓂᒃ.

ᓄᓇᕗᒻᒥ:

ᑐᓂᓯᓗᑎᑦ ᐱᔭᕇᖅᓯᒪᔪᒥᒃ ᓄᓇᕗᒻᒥ ᑕᕐᕆᔭᐅᑎᒃᑯᑦ ᐋᓐᓂᐊᖃᕐᓇᙱᑦᑐᓕᕆᔾᔪᑎ ᑐᒃᓯᕋᐅᑎ ᑎᑎᕋᕐᕕᒃᓴᖓᓂᒃ ᐃᕐᖐᓐᓈᖅᑕᐅᑎᒃᑰᖅᑎᓪᓗᒍᓗ ᐅᕗᖓGN.Telehealth@gov.nu.ca

ᓄᓇᑦᓯᐊᖅ:

ᑐᓂᓯᓗᑎᑦ ᐱᔭᕇᖅᓯᒪᔪᒥᒃ ᓄᓇᕗᒻᒥ ᑕᕐᕆᔭᐅᑎᒃᑯᑦ ᐋᓐᓂᐊᖃᕐᓇᙱᑦᑐᓕᕆᔾᔪᑎ ᑐᒃᓯᕋᐅᑎ ᑎᑎᕋᕐᕕᒃᓴᖓᓂᒃ ᐃᕐᖐᓐᓈᖅᑕᐅᑎᒃᑰᖅᑎᓪᓗᒍᓗ ᐅᕗᖓGN.Telehealth@gov.nu.ca

ᐋᓪᐴᑕ:

ᑐᓂᓯᓗᑎᑦ ᐱᔭᕇᖅᓯᒪᔪᒥᒃ ᓄᓇᕗᒻᒥ ᑕᕐᕆᔭᐅᑎᒃᑯᑦ ᐋᓐᓂᐊᖃᕐᓇᙱᑦᑐᓕᕆᔾᔪᑎ ᑐᒃᓯᕋᐅᑎ ᑎᑎᕋᕐᕕᒃᓴᖓᓂᒃ ᐃᕐᖐᓐᓈᖅᑕᐅᑎᒃᑰᖅᑎᓪᓗᒍᓗ ᐅᕗᖓGN.Telehealth@gov.nu.ca

ᒫᓂᑑᐸ:

ᐱᔭᕇᕐᓗᒍ ᑐᓐᓂᖅᑯᑎᒋᓗᒍᓗ ᒫᓂᑑᐸ ᑕᕐᕆᔭᐅᑎᒃᑯᑦ ᐋᓐᓂᐊᖃᕐᓇᙱᑦᑐᓕᕆᔾᔪᑎ ᑐᒃᓯᕋᐅᑎ ᑎᑎᕋᕐᕕᒃᓴᖓ. ᒫᓂᑑᐸ ᐊᓱᐃᓛᒃ ᐃᓂᒃᓴᓕᐅᕐᓗᓂ ᓄᓇᕗᒻᒥ ᑕᕐᕆᔭᐅᑎᒃᑯᑦ ᐋᓐᓂᐊᖃᕐᓇᙱᑦᑐᓕᕆᔾᔪᑎᒧᑦ.  ᑐᓂᔾᔪᑎᒋᓗᒍ ᒫᓂᑑᐸ ᑕᕐᕆᔭᐅᑎᒃᑯᑦ ᐋᓐᓂᐊᖃᕐᓇᙱᑦᑐᓕᕆᔾᔪᑎ ᐃᑭᐊᖅᑭᕕᖓᓄᑦ ᑐᒃᓯᕋᐅᑎ ᑎᑎᕋᕐᕕᒃᓴᓄᑦ https://mbtelehealth.ca/  

ᐋᓐᑎᐅᕆᐅ:

ᖃᐅᔨᒋᐊᕐᓗᒍ ᐋᓐᑎᐅᕆᐅ ᑕᕐᕆᔭᐅᑎᒃᑯᑦ ᐃᓅᓕᓴᐅᑎᑦ ᐱᓕᕆᔨᓄᑦ ᑐᓴᐅᒪᖃᑦᑕᐅᑎᖃᑎᒌᒍᑎᖓ ᐋᖅᑭᒍᑎᒃᓴᒧᑦ ᑲᓲᑎᔾᔪᑎᒧᑦ. ᒫᓂᑑᐸ ᐊᓱᐃᓛᒃ ᐃᓂᒃᓴᓕᐅᕐᓗᓂ ᓄᓇᕗᒻᒥ ᑕᕐᕆᔭᐅᑎᒃᑯᑦ ᐋᓐᓂᐊᖃᕐᓇᙱᑦᑐᓕᕆᔾᔪᑎᒧᑦ. https://otn.ca/

 

ᐃᓂᒃᓴᓕᐅᖅᑕᐅᔪᒪᓗᓂ ᓄᓇᕗᒻᒥ ᑕᕐᕆᔭᐅᑎᒃᑯᑦ ᐋᓐᓂᐊᖃᕐᓇᙱᑦᑐᓕᕆᔾᔪᑎ ᐃᓕᓐᓂᐊᕐᓇᒧᑦ/ᑐᒃᓯᕋᕐᓗᑎᑦ ᐃᓂᒃᓴᓕᐅᖅᑕᐅᔾᔪᑎ ᑎᑎᕋᕐᕕᒃᓴᒥᑦ. GN.Telehealth@gov.nu.ca

ᓄᓇᕗᒻᒥ ᑕᕐᕆᔭᐅᑎᒃᑯᑦ ᐋᓐᓂᐊᖃᕐᓇᙱᑦᑐᓕᕆᔾᔪᑎ ᖃᕆᑕᐅᔭᒧᑦ ᐃᑲᔪᖅᑕᐅᓂᖅ: ᐊᑐᑕᐅᔪᓐᓇᖅᑐᖅ 3 867-975-6411

ᓄᓇᕗᒻᒥ ᑕᕐᕆᔭᐅᑎᒃᑯᑦ ᐋᓐᓂᐊᖃᕐᓇᙱᑦᑐᓕᕆᔾᔪᑎ ᖃᕆᑕᐅᔭᒧᑦ ᐃᑲᔪᖅᑕᐅᓂᖅ − ᐊᑭᖃᙱᑦᑐᖅ: ᐊᑐᑕᐅᔪᓐᓇᖅᑐᖅ 3 1-855-975−6411

 

ᑐᑭᓯᒋᐊᒃᑲᓂᕈᒪᒍᕕᑦ:

 
ᖃᕆᑕᐅᔭᒃᑯᑦ ᐋᓐᓂᐊᖃᕐᓇᙱᑦᑐᓕᕆᔨᑦ − ᑕᕐᕆᔭᐅᑎᒃᑯᑦ ᐋᓐᓂᐊᖃᕐᓇᙱᑦᑐᓕᕆᔾᔪᑎ ᐱᓕᕆᐊᒃᓴᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
ᓄᓇᕗᒻᒥ ᒐᕙᓚᖓᑦ
ᑎᑎᖅᑲᒃᑯᕕᐊ Box 1000 Station 1034
ᐃᖃᓗᐃᑦ, ᓄᓇᕗᑦ
X0A 0H0
 

ᐅᖃᓘᑖ: ᐊᑐᑕᐅᔪᓐᓇᖅᑐᖅ 3 867-975-6411

ᓱᒃᑲᔪᒃᑯᑦ: 867-975-7258