ᓄᑖᒧᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐱᖁᔭᖅ

ᑭᒃᑯᑐᐃᓐᓇᕐᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᖁᔭᖅ

ᖃᓄᐃᓕᖓᓂᖓ:

ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐱᖁᔭᖅ (https://www.nunavutlegislation.ca/en/consolidated-law/public-health-act-consolidation) ᐋᖅᑭᒃᓯᒪᓕᖅᑎᑦᑎᕗᖅ ᐊᑐᖅᑕᐅᔪᓐᓇᖅᑐᓂᒃ ᐊᒃᑐᐊᓂᓕᖕᓂᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓴᐳᔾᔨᓯᒪᓂᕐᒧᑦ ᐅᔾᔨᕐᓇᖅᓯᑎᑦᑎᓂᕐᒧᓪᓗ, ᑭᒃᑯᑐᐃᓐᓇᐃᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᒃ ᓇᐅᑦᑎᖅᓱᖅᓯᓂᕐᒧᑦ, ᐋᓐᓂᐊᕆᔭᐅᓕᖅᐸᒃᑐᓄᑦ ᐃᓕᙵᖕᓂᕆᔭᐅᕙᒃᑐᓄᓪᓗ ᑕᐃᒪᐃᑎᑦᑎᑦᑕᐃᓕᒪᓂᕐᒧᑦ, ᑭᒃᑯᑐᐃᓐᓇᓄᓪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑐᐊᕕᕐᓇᖅᑐᓕᕆᓂᕐᒧᑦ ᐱᕙᒌᔭᕐᓂᕐᒧᑦ ᑭᐅᓯᓂᕐᒧᓪᓗ. ᑖᓐᓇ ᐱᖁᔭᖅ ᐱᑎᑦᑎᕙᒃᐳᖅ ᖃᓄᐃᓕᐅᖅᑕᐅᔭᕆᐊᓕᖕᓂᒃ ᐱᔭᒃᓴᕆᔭᐅᔪᓄᓪᓗ ᓴᙱᓂᕆᔭᐅᔪᓄᓪᓗ ᒥᓂᔅᑕᒥᑦ, ᑭᒃᑯᑐᐃᓐᓇᓄᑦ ᐋᓐᓂᐊᖃᕐᓇᙱᑦᑐᓕᕆᔨᓪᓗᐊᑕᒥᑦ, ᐊᓯᖏᓐᓄᓪᓗ ᐱᓕᕆᔨᓄᑦ ᐱᔭᒃᓴᖃᖅᑎᑕᐅᔪᓄᑦ ᓴᐳᔾᔨᓯᒪᓂᕐᒥᒃ ᖃᓄᐃᙱᑦᑎᐊᕈᓐᓇᕐᓂᖏᓐᓂᒃ ᓄᓇᕗᒻᒥᐅᓕᒫᑦ.  ᓇᓗᓇᐃᔭᐃᒋᕗᖅᑕᐅᖅ ᐊᑐᖅᑕᐅᔭᕆᐊᓕᖕᓂᒃ ᐊᒃᑐᐊᓂᓕᖕᓂᒃ ᓂᕿᓄᑦ ᐃᒪᕐᒧᓪᓗ ᖁᐊᖅᓵᕐᓇᖅᑕᐃᓕᒪᓂᕐᒧᑦ, ᓴᓗᒪᓂᕐᒧᑦ ᐅᓂᒃᑲᐅᓯᖃᕐᓂᕐᒧᓪᓗ ᑭᐅᓯᓂᕐᒧᓪᓗ ᐊᐃᑦᑐᕐᓗᒍᑕᐅᔪᓐᓇᖅᐸᒃᑐᓂᒃ ᐋᓐᓂᐊᕆᔭᐅᓕᖅᐸᒃᑐᓂᒃ.

 

ᐱᓪᓗᐊᑕᐅᓂᖏᑦ: 

ᐃᓄᐃᑦ ᖃᐅᔨᒪᔭᑐᖃᖏᑦ:

ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐱᖁᔭᖅ ᐃᓕᓴᖅᓯᕗᖅ ᑕᒪᒃᑯᐊ ᐃᓄᐃᑦ ᖃᐅᔨᒪᔭᑐᖃᖏᑦ ᐱᒻᒪᕆᐊᓘᓂᖏᓐᓂᒃ ᓴᐳᔾᔨᓯᒪᓂᐊᕐᓗᓂ ᐅᔾᔨᕐᓇᖅᓯᑎᑦᑎᓂᐊᕐᓗᓂᓗ ᑭᒃᑯᑐᐃᓐᓇᓄᑦ ᖃᓄᐃᙱᑦᑎᐊᖅᑎᑦᑎᔪᓐᓇᕐᓂᕐᒥᒃ, ᑕᐃᒪᐃᓐᓂᖏᓐᓄᓪᓗ ᐊᒃᑐᐊᓂᖃᖅᑎᑕᐅᓪᓗᑎᒃ ᑐᑭᖃᓕᖅᑎᑕᐅᒃᑲᓐᓂᖅᖢᑎᒡᓗ ᐱᖁᔭᕐᒥ.

 

ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᐅᔾᔨᕐᓇᖅᓯᑎᑦᑎᓂᖅ ᐋᓐᓂᐊᕆᔭᐅᓕᖅᐸᒃᑐᓄᓪᓗ ᐱᑕᖃᖅᑎᑦᑎᑦᑕᐃᓕᒪᓂᖅ:

ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐱᖁᔭᖅ ᐃᓚᖃᖅᐳᖅ ᐱᔪᓐᓇᐅᑎᖃᕐᓂᕐᒥᒃ ᓴᖅᑭᑎᑦᑎᓕᕈᓐᓇᕐᓂᕐᒥᒃ ᐱᓕᕆᐊᒃᓴᓂᒃ ᑕᐅᑐᒐᖃᓪᓗᐊᑕᖅᑐᓂᒃ ᐅᔾᔨᕐᓇᖅᓯᑎᑦᑎᓂᕐᒥᒃ ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ ᖃᓄᐃᙱᑦᑎᐊᕈᓐᓇᕐᓂᕐᒥᒡᓗ ᓄᓇᕗᒻᒥᐅᓄᑦ.

 

ᐃᓄᓕᒫᓄᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᖃᐅᔨᓴᖅᓯᓂᖅ:

ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐱᖁᔭᖅ ᐱᕕᖃᖅᑎᑦᑎᕗᖅ ᑲᑎᖅᓱᐃᔪᓐᓇᕐᓂᕐᒥᒃ ᓇᐅᑦᑎᖅᓱᖅᓯᔪᓐᓇᕐᓂᕐᒥᒡᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑎᑎᕋᖅᓯᒪᔪᓂᒃ ᐆᒃᑐᕋᖅᓯᔪᒪᓂᕐᒧᑦ ᐱᐅᓯᒋᐊᖅᑎᑦᑎᔪᒪᓂᕐᒧᓪᓗ ᐱᓪᓗᐊᑕᕐᓂᒃ ᐱᔾᔪᑕᐅᕙᒃᑐᓂᒃ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓄᓇᕗᒻᒥᐅᓄᑦ.

 

ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᓴᐳᔾᔨᓯᒪᓂᖅ:

ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐱᖁᔭᖅ ᐃᓚᖃᖅᐳᖅ ᐊᑐᖅᑕᐅᔪᓐᓇᖅᑐᓂᒃ ᑐᔾᔭᖅᓯᓂᐊᕐᓗᓂ, ᐅᖃᐅᓯᖃᕐᓂᐊᕐᓗᓂ ᑲᒪᒋᔭᖃᕐᓂᐊᕐᓗᓂᓗ ᐊᐃᑦᑐᕐᓘᑕᐅᔪᓐᓇᖅᐸᒃᑐᓄᑦ ᐋᓐᓂᐊᕆᔭᐅᓕᖅᐸᒃᑐᓄᑦ ᐊᓯᖏᓐᓄᓪᓗ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᖁᐊᖅᓵᕐᓇᖅᑐᓄᑦ ᓴᐳᔾᔨᓯᒪᔪᒪᓂᕐᒧᑦ ᑭᒃᑯᑐᐃᓐᓇᐃᑦ ᖃᓄᐃᙱᑦᑎᐊᕈᓐᓇᕐᓂᖏᓐᓄᑦ. ᑖᓐᓇᑦᑕᐅᖅ ᐱᖁᔭᖅ ᐱᕕᒃᓴᖃᖅᑎᑦᑎᕗᖅ ᐅᖃᐅᓯᖃᓪᓚᑦᑖᕐᓂᕐᒥᒃ ᑭᒃᑯᑐᐃᓐᓇᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᑐᐊᕕᕐᓇᖅᑐᖅᑕᖃᖅᑎᓪᓗᒍ ᐱᕕᒃᓴᖃᖅᑎᑦᑎᔪᒪᓂᕐᒧᑦ ᐱᑐᐃᓐᓇᐅᙱᑦᑐᓄᑦ ᐊᑐᖅᑕᐅᓇᔭᖅᑐᓄᑦ ᓴᐳᔾᔨᓯᒪᔪᒪᓂᕐᒧᑦ ᖃᓄᐃᙱᑦᑎᐊᕈᓐᓇᕐᓂᖏᓐᓂᒃ ᓄᓇᕗᒻᒥᐅᑦ.

 

ᓂᕿᓄᑦ ᐃᒪᕐᒧᓪᓗ ᖁᐊᖅᓵᕐᓇᖅᑕᐃᓕᒪᓂᖅ ᓴᓗᒪᑎᑦᑎᓂᕐᓗ:

ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐱᖁᔭᖅ ᓇᓗᓇᐃᔭᐃᕗᖅ ᒪᓕᒃᑕᐅᔭᕆᐊᓕᖕᓂᒃ ᓇᓗᙱᑦᑎᐊᕈᒪᓂᕐᒧᑦ ᓂᐅᕐᕈᑕᐅᓂᖏᑦ, ᓴᓇᔭᐅᓂᖏᑦ ᐱᓕᕆᐊᖑᓂᖏᓪᓗ ᓂᖀᑦ ᓄᓇᕗᒻᒥᐅᓄᑦ ᖁᐊᖅᓵᕐᓇᙱᒃᑲᓗᐊᕐᒪᖔᑕ ᓴᓗᒪᒐᓗᐊᕐᒪᖔᑕᓗ; ᓇᓗᓇᐃᔭᐃᕗᖅ ᐊᑐᖅᑕᐅᔭᕆᐊᖃᖅᐸᒃᑐᓂᒃ ᒪᓕᒃᑕᐅᔭᕆᐊᖃᖅᐸᒃᑐᓂᒡᓗ ᓇᓗᙱᑦᑎᐊᕈᒪᓂᕐᒧᑦ ᑐᓂᓯᔪᖃᖃᑦᑕᕋᓗᐊᕐᒪᖔᑦ ᖁᐊᖅᓵᕐᓇᙱᑦᑐᒥᒃ ᓴᓗᒪᔪᒥᒡᓗ ᐃᒪᕐᒥᒃ; ᖁᐊᖅᓵᕐᓇᙱᑦᑐᒃᑯᓪᓗ ᑲᔪᓯᓂᖃᑦᑎᐊᖅᑐᒃᑯᓪᓗ ᐊᒃᑕᕐᓗᑯᓂᒃ ᐃᒋᑦᑎᕙᖕᓂᕐᒧᑦ. ᓇᓗᙱᑦᑎᐊᕈᒪᓂᕐᒧᑦ ᒪᓕᒃᑐᖃᑦᑎᐊᕋᓗᐊᕐᒪᖔᑦ, ᑖᓐᓇ ᐱᖁᔭᖅ ᐃᓚᖃᖅᐳᖅ ᐊᑐᖅᑎᑦᑎᓪᓚᕆᖕᓂᕐᒧᑦ ᐊᑐᖅᑕᐅᔪᓐᓇᖅᑐᓂᒃ ᓲᕐᓗ ᖃᐅᔨᓴᖅᓯᓂᕐᓂᒃ, ᕿᓂᕐᓂᕐᓂᒃ ᖃᐅᔨᓴᖅᓯᓂᕐᓂᒡᓗ ᐅᑯᓄᖓ, ᐊᕙᑎᓕᕆᔨᒃᑯᓐᓄᑦ ᖃᓄᐃᙱᑦᑎᐊᕈᓐᓇᕐᓂᕐᒧᑦ ᐱᓕᕆᔨᓄᑦ.

 

ᓄᓇᒥ:

ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐱᖁᔭᖅ ᓇᓗᙱᑦᑎᐊᖅᑎᑦᑎᕙᒃᐳᖅ ᓇᓕᐊᑐᐃᓐᓇᖅ ᑲᑐᔾᔨᖃᑎᒌᖑᔪᖅ ᐃᖅᑲᓇᐃᔭᖅᑎᑦᑎᔪᖅ ᐃᓄᖕᓂᒃ ᑕᖕᒫᖅᓯᒪᕝᕕᐅᕙᒃᑐᒥ ᐱᑎᑦᑎᖃᑦᑕᕆᐊᖃᖅᐳᖅ ᓈᒻᒪᒃᑐᓂᒃ ᐊᑐᖅᑕᐅᖃᑦᑕᕐᓂᐊᖅᑐᓂᒃ ᐃᒪᕐᒥᒃ ᖁᐊᖅᓵᕐᓇᙱᑦᑐᒥᒃ, ᓴᓗᒪᔪᒥᒃ ᑭᓈᓗᓕᕆᓂᕐᒥᒃ ᐃᒋᑕᒃᓴᓂᒡᓗ ᐃᒋᑦᑎᕙᖕᓂᕐᒥᒃ, ᖃᓄᐃᓕᖓᓂᕐᓂᒡᓗ ᐱᑎᑦᑎᔪᓂᒃ ᓴᐳᔾᔨᓯᒪᓂᕐᒥᒃ ᖁᐊᖅᓵᕐᓇᖅᑐᓂᑦ ᑭᒃᑯᑐᐃᓐᓇᓄᓪᓗ ᖃᓄᐃᙱᑦᑎᐊᖅᑎᑦᑎᓂᕐᒥᒃ.

 

ᑐᓴᖅᑕᐅᔭᕆᐊᖃᖏᑦᑐᑦ:

ᐋᓐᓂᐊᖅᑕᐃᓕᒪᔪᓕᕆᓂᖅ ᑭᒃᑯᑐᐃᓐᓇᕐᓄᑦ ᐱᖁᔭᖅ ᓴᙱᔪᓂᒃ ᐱᑕᖃᐅᖅᐳᖅ ᓴᐳᔾᔨᓯᒪᔪᒪᓂᕐᒧᑦ ᐃᓗᐊᖅᓴᖅᑕᐅᔭᖅᑐᖅᓯᒪᔪᑦ ᖃᐅᔨᔭᐅᙱᓐᓂᖃᕆᐊᖃᕐᓂᖏᓐᓂᒃ ᑐᓴᐅᒪᔭᐅᔭᕆᐊᖃᙱᓐᓂᖏᓐᓂᒡᓗ

 

ᐊᐱᖅᑯᑎᐅᒐᔪᒃᑐᑦ:

ᐊᐱᖅᑯᑕᐅᒐᔪᒃᑐᑦ ᐅᕗᙵᖅᑕᐅᕙᒃᐳᑦ ᐃᒪᐃᑦᑑᓪᓗᑎᒃ, ᑎᑎᕋᖅᓯᒪᓕᖅᓯᒪᓪᓗᑎᒡᓘᓐᓃᑦ ᐊᑕᓕᕐᕕᐅᔪᓐᓇᖅᖢᑎᒡᓘᓐᓃᑦ ᐊᐱᖅᑯᑕᐅᒐᔪᒃᑐᑦ ᒪᒃᐱᖅᑐᒐᖓᓐᓄᑦ

 

ᖃᖓᑦᑎᐊᓕᓴᐃᑦ ᑐᓴᖅᑕᐅᔪᒃᓴᐃᑦ:

ᓄᓇᕘᒻᒥᙶᖅᑐᖅ ᑭᒃᑯᑐᐃᓐᓇᕐᓂᑦ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᐱᖁᖓ ᒪᓕᒐᙳᖅᑎᓪᓗᒍ