ᐅᖃᓚᐅᑎᓯᐅᑏᑦ

You are here

ᐊᐱᖅᑯᑕᐅᒐᔪᒃᑐᑦ − ᐊᐅᓪᓚᖃᑦᑕᖅᑐᓄᑦ ᐊᒃᑐᐊᓂᓖᑦ

ᐊᐱᖅᑯᑕᐅᒐᔪᒃᑐᑦ − ᐊᐅᓪᓚᖃᑦᑕᖅᑐᓄᑦ ᐊᒃᑐᐊᓂᓖᑦ

ᓇᓃᑉᐸᑦ ᐅᐸᒃᑕᐅᑦᑕᐃᓕᔪᓄᑦ ᐃᓂᒋᔭᐅᔪᑦ?

ᐅᐸᒃᑕᐅᑦᑕᐃᓕᔪᓄᑦ ᐃᓂᒋᔭᐅᔪᑦ ᐅᑯᓇᓃᑉᐳᑦ ᐋᑐᕚᒥ, ᐅᐃᓂᐹᒡᒥᑦ, ᐃᐊᑦᒪᓐᑕᓐᓂᑦ ᔭᓗᓇᐃᒥᓗ.

close
ᖃᓄᕐᓕ ᑎᑎᕋᖅᑕᐅᔪᓐᓇᖅᐳᖓ ᐅᐸᒃᑕᐅᑦᑕᐃᓕᔪᓄᑦ ᐃᓂᒧᑦ?

ᐊᐅᓪᓚᕈᒪᔾᔪᑎᒥᒃ ᑎᑎᕋᖅᓯᒪᔪᒥᒃ ᓇᒃᓯᐅᔾᔨᓗᑎᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃᑯᒃ ᐱᓕᕆᔨᖏᓐᓄᑦ ᐅᕗᖓ CPHOtravelrequests@gov.nu.ca. ᐊᐅᓪᓚᕈᒪᔾᔪᑎᑦ ᑎᑎᕋᕆᐊᓕᑦ ᖃᕆᓴᐅᔭᒃᑯᑦ ᐱᔭᐅᔪᓐᓇᖅᐳᑦ ᐅᕙᓂ: https://gov.nu.ca/health/information/covid-19-novel-coronavirus.

close
ᐃᓄᑑᔭᕆᐊᖃᕐᓂᖅ ᑎᑎᕋᕆᐊᖃᖅᐸᕋ?

ᐋᒃᑲ ᐃᓄᑑᔭᕆᐊᖃᕐᓂᖅ ᐃᓱᒪᖅᓲᑕᐅᔪᖅ, ᑭᓯᐊᓂ ᓄᓇᕗᒻᒥᐅᑦ ᐃᓄᑑᔭᕆᐊᖃᖅᑎᑕᐅᓚᐅᙱᑦᑐᑦ ᓄᓇᕗᒻᒧᑦ ᐅᑎᕈᓐᓇᔾᔮᙱᑦᑐᑦ ᑭᓯᐊᓂ ᐊᐅᓪᓚᖃᑦᑕᖅᑐᑦ ᐲᖅᑕᐅᓯᒪᓕᖅᐸᑦ.

close
ᐊᐅᓪᓚᕈᒪᔾᔪᑎᒪ ᒥᒃᓵᓄᑦ ᑎᑎᕋᖅᓯᒪᔪᑦ ᐃᕐᙲᓐᓈᖅᑕᐅᒃᑯᑦ ᓇᒃᓯᐅᑎᓚᐅᖅᑕᒃᑲ ᑐᓴᖅᑎᑕᐅᓚᐅᙱᖦᖢᖓᓗ. ᖃᖓᓕ ᑐᓴᖅᑎᑕᐅᓛᕋᒪ?

ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃᑯᑦ ᐱᓕᕆᔨᖏᑦ ᐃᑲᕐᕋᓂᒃ 72−ᓂᒃ ᐱᕕᖃᖅᑎᑦᑕᕆᐊᖃᖅᐳᑦ ᑐᒃᓯᕋᐅᑏᑦ ᑭᐅᔭᐅᓂᐊᖅᑎᓪᓗᒍ. 72 ᐃᑲᕐᕋᐃᑦ ᖄᖏᖅᐸᑦ, ᐃᕐᙲᓐᓈᖅᑕᐅᒃᑯᑦ ᖃᐅᔨᒋᐊᒃᑲᓐᓂᕐᓂᐊᖅᐳᑎᑦ.

close
ᑎᑎᕋᕆᐊᓕᒃ ᑎᑎᕌᓪᓚᓚᐅᖅᖢᒍ ᐊᑎᓕᐅᕈᓐᓇᙱᓐᓇᒃᑯ. ᐊᔾᔨᓕᐅᕆᔾᔪᑎᒥᒃ/ᑎᑎᖅᑲᓕᐅᕈᑎᒥᒃ/ᓱᒃᑲᔪᒃᑰᕈᑎᒥᓪᓗ ᐊᑐᕈᓐᓇᖅᑕᓐᓂᒃ ᐱᑕᖃᙱᒻᒪᑦ.

ᑎᑎᕋᖅᓯᒪᔭᐃᑦ ᑐᓂᓗᒍ ᐊᐅᓪᓚᕐᓂᐊᖅᑐᓄᑦ ᖃᐅᔨᒪᔨᑕᕐᒧᑦ ᑐᓴᖅᑎᑕᐅᓂᐊᖅᐳᑎᑦ. ᑎᑎᕋᖅᓯᒪᔪᖅ ᐊᑎᓕᐅᕈᓐᓇᙱᒃᑯᕕᐅᒃ, ᐊᑏᑦ ᓇᕿᑦᑕᕐᓗᒍ ᑎᑎᕋᕈᓐᓇᖅᑕᐃᑦ.

close
ᓇᓕᐊᒃ ᐅᐸᒃᑕᐅᑦᑕᐃᓕᔪᓄᑦ ᐃᓂᒋᔭᐅᔪᑦ ᒐᕙᒪᒃᑯᓐᓂ ᐊᑭᓕᖅᓱᖅᑕᐅᖃᑦᑕᖅᐸᑦ?

ᓄᓇᕗᑦ ᒐᕙᒪᒃᑯᑦ ᐃᓄᑑᔭᕆᐊᖃᖅᑐᒃᑯᕕᖕᒦᑦᑐᓂᒃ ᐊᑭᓕᖅᓱᐃᓂᐊᖅᐳᑦ ᓲᕐᓗ ᓂᕆᔾᔪᑎᖏᓐᓂᒃ ᑐᔪᕐᒥᕕᖕᒥᙶᖅᑐᓂᒃ, ᐃᒡᓗᕈᓯᖓᓄᑦ, ᐃᕐᙲᓐᓈᖅᑕᐅᒃᑰᕈᑎᒧᑦ ᐊᒻᒪ ᒥᑦᑕᕐᕕᓕᐊᕈᔾᔭᐅᓂᖓᓄᑦ. ᐱᔭᕆᐊᖃᓪᓚᕆᒃᑐᑦ ᓲᕐᓗ ᖁᐃᖏᓕᓴᑦ, ᓄᑕᕋᓛᑦ ᐊᒫᒪᒐᒃᓴᖏᑦ ᐊᒻᒪ ᐊᕐᓇᖅᓯᐅᑎᑦ ᐊᑭᓕᖅᑕᐅᖃᑦᑕᕐᓂᐊᕆᕗᑦ.

close
ᓄᑕᕋᓛᖃᕐᓗᖓ ᐊᐅᓪᓚᖅᓯᒪᒍᒪ ᐃᒡᓕᕋᓛᑦ ᐊᑐᐃᓐᓇᐅᑎᑕᐅᕚᑦ ᐃᓄᑑᔭᕆᐊᖃᖅᑐᒃᑯᕕᖕᓂᑦ?

ᐄ. ᓄᑕᕋᓛᖃᕈᕕᑦ ᐃᒡᓗᕈᓯᕐᒥ ᐃᒡᓕᕋᓛᖅᑕᖃᕋᔭᖅᑐᖅ ᑕᐃᑯᙵᕈᕕᑦ. ᐃᒡᓕᕋᓛᖅᑕᖃᙱᑉᐸᑦ ᑐᔪᕐᒥᕕᖕᒥ ᑐᒃᓯᕋᖅᑕᐅᔪᓐᓇᖅᐳᖅ.

close
ᓂᕆᔭᒃᓴᒥᒃ ᑎᑭᓴᐃᔪᓐᓇᖅᐳᖓ ᑐᔪᕐᒥᕕᐅᑉ ᓯᓚᑖᓂ? ᓄᓇᕗᑦ ᒐᕙᒪᖓᓄᑦ ᐊᑭᓕᖅᓱᖅᑕᐅᓇᔭᖅᐸ?

ᐃᓄᑑᔭᕆᐊᖃᖅᑎᑕᐅᔪᑦ ᑐᑦᑕᕐᕕᖓ ᓂᕆᔭᒃᓴᖏᓐᓂᒃ ᒪᓕᑦᑎᐊᖅᑎᑦᑎᓇᓱᖃᑦᑕᖅᐳᑦ ᓂᕆᔭᕆᐊᓕᖏᓐᓂᒃ ᓂᕿᑦᑎᐊᕙᐅᓛᖑᓪᓗᑎᒡᓗ. ᖃᐅᔨᒪᔪᒍᑦ ᑐᔪᕐᒥᕕᖕᒥ ᓂᕆᒃᓴᖏᑦ ᑭᒃᑯᓕᒫᓄᑦ ᒪᒪᕆᔭᐅᔪᐃᓐᓇᐅᖃᑦᑕᙱᒻᒪᑕ ᐊᓯᖏᓐᓂᓪᓗ ᓂᕆᔭᒃᓴᖏᓐᓂᒃ ᐊᒡᔭᖅᓯᕕᐅᔪᓐᓇᖅᑎᑦᑎᕙᒃᖢᑎᒃ ᑭᓯᐊᓂ ᑖᒃᑯᐊ ᑎᑭᓴᐃᔫᑉ ᐊᑭᓕᕆᐊᖃᖃᑦᑕᖅᐸᖏᑦ ᒐᕙᒪᒃᑯᓐᓂᐅᙱᑦᑐᖅ.

close
9. ᐃᓄᑑᔭᕆᐊᖃᕐᕕᖕᒥ ᐊᓂᒍᒪ ᐱᒋᐊᒃᑲᓐᓂᕆᐊᖃᓕᕋᔭᖅᐳᖓ?

ᐄ. ᐃᓄᑑᔭᕆᐊᖃᖅᑎᓪᓗᒋᑦ ᐱᐊᓂᙱᒃᑯᕕᑦ ᐱᓇᓱᐊᕈᓯᕐᓂᒃ ᒪᕐᕈᖕᓂᒃ ᐃᓄᑑᔭᕆᐊᖃᓕᒃᑲᓐᓂᕐᓂᐊᖅᑐᑎᑦ.

close
ᐃᖢᐊᖅᓴᖅᑕᐅᖃᑦᑕᕐᓂᐊᖅᐳᖓ ᐃᓄᑑᔭᕆᐊᖃᖅᑐᒃᑯᕕᖕᒦᑎᓪᓗᖓ?

o ᐃᓄᑑᔭᕆᐊᖃᖅᑐᒃᑯᕖᑦ ᐃᖢᐊᖅᓴᐃᕝᕕᐅᙱᑦᑐᑦ. ᑲᒪᒋᔭᐅᕙᒃᑐᑦ ᖃᓄᐃᑦᑐᓐᓃᑦᑎᐊᕆᐊᖃᖅᐳᑦ ᐊᖏᕐᕋᑐᐃᓐᓇᕆᐊᖃᓕᕐᓗᑎᒡᓗ. ᑲᒪᒋᔭᐅᔪᑦ ᐃᖢᐊᖅᓴᐃᔨᒧᑦ ᖃᐅᔨᓴᖅᑕᐅᔾᔪᑕᐅᕙᒃᑐᒥᒃ ᖃᐅᔨᓴᖅᑕᐅᖃᑦᑕᕐᓂᐊᖅᐳᑦ ᓄᕙᒡᔪᐊᕐᓇᖅ-19-ᒧᑦ ᖃᓂᒪᑲᑕᖕᒪᖔᑦ ᓇᐅᑦᑎᖅᓱᖅᑕᐅᓗᑎᒃ ᐊᒻᒪ ᐃᖢᕆᑲᑕᙱᓐᓂᖓᓂᒃ ᐅᖃᐅᓯᐅᒃᐸᑦ ᐃᓱᒫᓘᑕᐅᓗᓂᓗ.

close
ᐅᐸᒃᑕᐅᑦᑕᐃᓕᒪᕝᕕᖕᓂ ᐃᓱᒪᓕᕆᔨᑕᖃᖅᐸ?

Yes:

  • ᐄ. ᐃᓱᒪᓕᕆᔨᑦ ᐅᖓᓯᒃᑐᒦᖦᖢᑎᒃ ᐱᔨᑦᑎᕋᖃᑦᑕᖅᐳᑦ ᐃᓄᑑᔭᕆᐊᖃᖅᑐᒃᑯᕕᖕᒦᑦᑐᓂᑦ;
  • ᐱᔨᑦᑎᕋᖅᑕᐅᒐᔪᖕᓂᖅᓴᐅᓂᐊᖅᐳᑦ ᐱᔭᕆᐊᖃᖅᑐᑦ ᒪᓕᒡᓗᒋᑦ;
  • ᐃᓱᒪᓕᕆᔨᒧᑦ ᖃᐅᔨᒋᐊᖅᑕᐅᓂᐊᖅᐳᑎᑦ ᐊᔪᕐᓇᕈᓐᓃᑐᐊᖅᐸᑦ ᖃᐅᔨᒋᐊᓚᐅᖅᑎᓪᓗᑎᑦl
  • ᓄᓇᕗᑦ ᒐᕙᒪᒃᑯᑦ ᐃᓱᒪᒃᓴᖅᓯᐅᕈᑎᖃᕐᓂᐊᖅᐸᑦ ᐃᓚᐅᑎᑕᐅᔪᓐᓇᙱᑦᑐᓂᒃ ᐊᓂᑎᑕᐅᑦᑕᐃᓕᔪᓄᑦ ᐃᓄᖕᓄᑦ ᐋᓐᓂᐊᕐᕕᓕᐊᖅᑐᓄᑦ ᐅᕝᕙᓘᓐᓃᑦ ᐊᒃᓱᕈᕐᓇᖅᑐᒃᑰᖅᓯᒪᔪᓂᑦ, ᐱᓂᕐᓗᒍᑕᐅᔪᖅ ᐃᓱᒪᒋᓗᒍ? ᐋᓐᓂᐊᖃᕐᓇᙱᑦᑐᓕᕆᒻᒪᕆᒃ ᑭᑭᑕᐅᔪᓐᓇᖅᑎᑦᑎᕗᖅ ᐊᑕᐅᓯᐅᓈᖅᑎᖅᖢᒋᑦ. ᑕᐃᒪᐃᑕᐅᖃᑦᑕᖅᓯᒪᕗᑦ ᑎᒥᖏᑎᒍᑦ ᐊᒃᓱᕈᓗᐊᖅᑐᑦ ᖃᓂᒪᔪᑦ ᐊᒻᒪ ᐋᓐᓂᐊᕐᕕᖕᒦᑎᑕᐅᔭᕆᐊᖃᖅᑐᑦ ᑕᐅᓇᓃᓐᓂᓕᒫᖓᓂ ᐊᒻᒪ ᐊᑐᕈᓐᓇᕋᔭᙱᓪᓗᓂ ᐱᓇᓱᐊᕈᓯᕐᓄᑦ ᒪᕐᕉᖕᓄᑦ ᐃᓄᑑᔭᕆᐊᖃᖅᑎᑕᐅᒃᑲᓐᓂᕐᓗᓂ..
close
ᐊᓂᓚᐅᑲᒍᓐᓇᖅᐳᖓ ᓯᒡᒐᓕᐊᖅᑐᕆᐊᖅᑐᕈᓐᓇᖅᐳᖓᓘᓐᓃᑦ ᐃᓄᑑᔭᕆᐊᖃᖅᑐᒃᑯᕕᖕᒦᑎᓪᓗᖓ?

ᐊᓂᓚᐅᑲᒍᓐᓇᖅᐳᖓ ᓯᒡᒐᓕᐊᖅᑐᕆᐊᖅᑐᕈᓐᓇᖅᐳᖓᓘᓐᓃᑦ ᐃᓄᑑᔭᕆᐊᖃᖅᑐᒃᑯᕕᖕᒦᑎᓪᓗᖓ?

close
ᖃᓄᐃᒻᒪᑦ ᓇᐅᑦᑎᖅᓱᖅᑎᑕᖃᖅᐸ ᐅᐸᒃᑕᐅᑦᑕᐃᓕᔪᑦ ᐃᓂᖓᓂ?
  • ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᑐᔪᕐᒥᕕᖕᒥ ᓇᐅᑦᑎᖅᓱᖅᑎᓂᒃ ᑳᑦᑐᓛᒃᓯᓚᐅᖅᐳᑦ ᖃᐅᔨᓴᖅᑎᒋᔭᐅᓂᐊᖅᑐᒥᒃ ᐃᓄᖏᓐᓂᒃ ᐃᓄᑑᒃᑯᕕᖕᒦᑦᑐᓂᒃ ᑐᔪᕐᒥᔪᑦ ᐃᑲᔪᖅᑐᖅᑕᐅᑦᑎᐊᖁᓪᓗᒋᑦ ᐃᓄᑑᔭᕆᐊᖃᖅᑎᓪᓗᒋᑦ.
  • ᓇᐅᑦᑎᖅᓱᖅᑎ ᖃᐅᔨᓴᖃᑕᐅᖃᑦᑕᖅᐳᖅ ᐅᓗᕆᐊᓇᖅᑐᒦᑦᑐᖃᓕᑐᐃᓐᓇᕆᐊᓕᖕᓂᒃ ᓄᕙᒡᔪᐊᕐᓇᖅ-19-ᒧᑦ;
  • ᓇᐅᑦᑎᖅᓱᖅᑎ ᖃᐅᔨᓴᖃᑕᐅᖃᑦᑕᖅᐳᖅ ᐅᓗᕆᐊᓇᖅᑐᒦᑦᑐᖃᓕᑐᐃᓐᓇᕆᐊᓕᖕᓂᒃ ᓄᕙᒡᔪᐊᕐᓇᖅ-19-ᒧᑦ;
  • ᓇᐅᑦᑎᖅᓱᖅᑎᑦᑕᐅᖅ ᐱᓕᕆᐊᒃᓴᖃᕆᕗᖅ ᑲᒪᒋᔭᐅᔪᓂᑦ ᐊᑦᑕᕐᓇᙱᑦᑐᒦᑎᑦᑎᓗᓂ.
close
ᐃᓄᑑᔭᕆᐊᖃᖅᑐᒃᑯᕕᖕᒦᑎᓪᓗᖓ ᐳᓛᖅᑕᐅᔭᕆᐊᖃᖅᐳᖓ?

ᐋᒃᑲ. ᐃᓄᑑᑎᑕᐅᖏᓐᓇᖁᓪᓗᒋᑦ ᐳᓛᖅᑕᐅᔭᕆᐊᖃᙱᑦᑐᑦ.

close

ᖃᓄᐃᒻᒪᑦ ᒐᕙᒪᒃᑯᑦ ᐋᖅᑭᒃᓯᔭᕆᐊᖃᕋᓱᒋᓕᓚᐅᖅᐸᑦ ᓇᓗᓇᐃᖅᑕᐅᓯᒪᔪᓂᑦ ᐃᓂᒋᔭᐅᔪᓂᑦ?
  • ᐃᓱᒪᒋᔭᐅᓪᓗᓂ ᐅᓄᖅᓯᕙᓪᓕᐊᔪᑦ ᐱᑕᖃᕐᓂᖏᑦ ᓄᓇᓕᖕᓂ ᓯᐊᒻᒪᒃᑎᑦᑎᕙᓪᓕᐊᔪᑦ ᖃᓪᓗᓈᓂ ᑲᓇᑕᒥ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐋᖅᑭᒃᓯᓕᓚᐅᖅᐳᑦ ᖃᓪᓗᓈᓂ ᐃᓄᑑᑎᑕᐅᖃᑦᑕᓕᕈᑎᒃ ᑭᓯᐊᓂ ᐃᓄᐃᑦ ᐃᓄᑑᑎᑕᐅᔪᓐᓇᖅᓯᓂᐊᖅᐳᑦ ᑲᑎᕈᓘᔭᙱᓪᓗᑎᒃ ᐃᓄᑑᔭᕆᐊᖃᖅᑎᑕᐅᔪᑦ ᑕᐃᒪᐃᓕᐅᖅᑎᑕᐅᙱᑦᑐᓄᑦ ;
  • ᖃᐅᔨᓴᖅᑕᐅᔾᔪᑎᑦ ᑭᖑᕙᓯᖃᑦᑕᖅᑐᑦ ᐃᓱᒫᓘᑕᐅᒋᕗᖅ ᐊᒻᒪ ᐅᓪᓗᓄᑦ 14-ᓄᑦ ᐃᓄᑑᑎᑕᐅᖃᑦᑕᕐᓗᑎᒃ ᐅᓗᕆᐊᓇᙱᓐᓂᖅᓴᐅᑎᑦᑎᓪᓚᕆᒃᐳᖅ ᓄᕙᒡᔪᐊᕐᓇᖅ-19-ᒥ ᓄᓇᕗᒻᒧᐊᑐᐃᓐᓇᕆᐊᓕᖕᒥᒃ;
  • ᑖᒃᑯᐊ ᐅᔾᔨᖅᓱᕈᑎᑦ ᒥᒃᖠᕚᓪᓕᕈᑕᐅᓇᓱᒃᐳᑦ ᓄᕙᒡᔪᐊᕐᓇᖅ-19−ᒥ ᐱᑕᖃᓕᑐᐃᓐᓇᕆᐊᓕᖕᒥᒃ ᓄᓇᓕᖕᓂ ᐅᓄᖅᑐᓂᑦ ᐊᑕᐅᑦᑎᒃᑯᑦ;
  • ᑖᒃᑯᐊ ᐅᔾᔨᖅᓱᕈᑎᑦ ᐊᖏᕐᕋᒥᓂ ᐃᓄᑑᔪᓐᓇᕋᔭᙱᑦᑐᓂᒃ ᐃᓄᑑᔪᓐᓇᖅᑎᑦᑎᑦᑎᐊᖅᐳᑦ. ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑐᕌᒐᖃᓪᓗᐊᑕᖅᐳᑦ ᖃᓂᒪᓐᓇᖅ ᖃᖓᑐᐃᓐᓇᖅ ᓄᓇᕗᒻᒧᐊᖅᐸᑦ ᐊᐅᓚᑕᐅᔪᓐᓇᖁᓪᓗᒍ;
  • ᑕᒪᓐᓇ ᐋᖅᑭᒃᑕᐅᓕᓚᐅᖅᐳᖅ ᓄᓇᓕᖕᓂ ᓯᐊᒻᒪᒃᐸᓪᓕᐊᔪᑦ ᐅᓄᖅᓯᕙᓪᓕᐊᓂᖏᓐᓄᑦ ᖃᓪᓗᓈᓂ ᑲᓇᑕᒥ. ᑖᒃᑯᐊ ᐅᔾᔨᖅᓱᕈᑎᑦ ᑐᒃᓯᕋᖅᑕᐅᒐᔪᓚᐅᕆᕗᑦ ᓄᓇᕗᒻᒥᐅᓄᑦ ᐃᓱᒫᓘᑎᖃᖅᑐᓂᒃ ᒐᕙᒪᒃᑯᑦ ᐊᐅᓪᓚᕈᓐᓇᖅᑎᑦᑏᓐᓇᖅᑎᓪᓗᒋᑦ ᓄᓇᕗᒻᒧᑦ; close
ᑎᖕᒥᓲᕆᓂᐊᖅᑕᕋᓕ ᓄᖅᑲᖅᑎᑕᐅᒃᐸᑦ ᐊᓯᔾᔨᖅᑕᐅᒃᐸᓪᓘᓐᓃᑦ ᖃᓄᐃᓐᓂᐊᖅᐸ, ᖃᓄᐃᓕᐅᕆᐊᖃᖅᐳᖓ?
  • ᖃᖓᑕᐅᑎᓕᕆᔨᒃᑯᓐᓄᑦ ᐅᖄᓚᓗᑎᑦ ᓇᓗᓇᐃᖅᓯᓗᑎᓪᓗ ᖃᖓ ᑎᖕᒥᓲᖅᑕᖃᒃᑲᓐᓂᓛᕐᒪᖔᑦ ᐃᓂᒃᓴᓕᐅᖅᑕᐅᓗᑎᓪᓗ;
  • ᐊᐅᓪᓚᕐᕕᒃᓴᐃᑦ ᖃᐅᒃᐸᒨᖅᑕᐅᒃᐸᑦ ᐅᖓᓕᐊᒍᓪᓘᓐᓃᑦ ᐊᓂᕝᕕᒃᓴᕕᑦ ᐅᓪᓗᖓᓂ, ᓄᓇᕗᑦ ᒐᕙᒪᒃᑯᑦ ᐊᑭᓕᖅᓱᐃᓂᐊᖅᐳᑦ ᑐᔪᕐᒥᕕᖕᒦᑲᓐᓂᕈᑎᖕᓂᑦ;
  • ᖃᖓᑕᕝᕕᒃᓴᖏᑦ ᐊᓯᔾᔨᖅᑕᐅᔪᑦ ᐅᓪᓗᖏᑦ ᖃᓄᖅᑑᖅᑕᐅᔪᓐᓇᓗᐊᙱᓚᑦ, ᐊᑲᐅᒋᔭᐅᙱᒃᑲᓗᐊᖅᖢᓂ ᑲᒪᒋᔭᐅᔪᓄᑦ, ᓱᓕ ᐃᓄᑑᔭᕆᐊᖃᖅᑎᑕᐅᖃᑦᑕᖅᐳᑦ ᑭᓯᐊᓂ ᖃᖓᑕᕝᕕᒃᓴᖅᑖᒃᑲᓐᓂᕈᑎᒃ;
close
ᐱᔭᕆᐊᖃᓪᓚᕆᒃᑐᒥᒃ ᑭᑭᑕᐅᔪᒪᓂᕐᒧᑦ ᑎᑎᕋᕆᐊᓕᖕᒥᒃ ᑐᓂᓯᒐᒪ ᐊᖏᖅᑕᐅᓚᐅᖅᐳᖓ ᑭᓯᐊᓂᓕ ᐃᓚᒃᑲ ᐊᖏᖅᑕᐅᓚᐅᙱᒻᒪᑕ. ᖃᓄᐃᓕᐅᕐᓂᐊᓕᖅᐳᖓᓕ? ᖃᓄᕐᓕ ᐃᓚᒃᑲ ᐃᓄᑑᔭᕆᐊᖃᕐᓂᐊᓕᕐᒪᑕ?

o ᐃᓚᕕᑦ ᐊᐅᓪᓚᕈᒪᔾᔪᑎᖏᑦ ᐊᓯᐊᓄᑦ ᐱᓕᕆᖃᑎᒌᓄᑦ ᑐᓂᔭᐅᓂᐊᖅᐳᑦ ᑐᓴᖅᑎᑕᐅᓂᐊᖅᐳᑎᓪᓗ ᐃᓄᑑᔭᕆᐊᖃᕐᓂᐊᖅᑐᑦ ᒥᒃᓵᓄᑦ.

close
ᖃᖓᑕᕝᕕᒃᓴᕋ ᐊᓯᔾᔨᖅᑕᐅᓵᓚᐅᕐᒪᑦ, ᓯᓂᒃᑕᕆᐊᖃᓕᖅᖢᖓᓗ ᓄᓇᓕᖕᓂ. ᓄᓇᕗᑦ ᒐᕙᒪᒃᑯᑦ ᓯᓂᒃᑕᕈᑎᓐᓂᒃ ᐊᑭᓖᓂᐊᖅᐹᑦ?

ᓄᓇᕗᑦ ᒐᕙᒪᒃᑯᑦ ᐊᑭᓕᖅᓱᐃᖏᓐᓇᕐᓂᐊᖅᑐᑦ ᑭᓯᐊᓂ ᐃᓄᑑᔭᕆᐊᖃᖅᑎᑕᐅᔪᓄᑦ ᐃᓂᖓᓂ ᐊᓂᓯᒪᓕᕈᕕᑦ. ᐊᐅᓪᓚᕈᕕᑦ, ᑲᒪᔭᕆᐊᖃᓕᕐᓂᐊᖅᑐᑎᑦ ᐊᖏᕐᕋᐅᓇᓱᖕᓂᕐᓂ ᑐᔪᕐᒥᔾᔪᑎᒃᓴᕐᓂᓪᓗ ᑭᓯᐊᓂ ᐋᓐᓂᐊᕐᕕᓕᐊᖅᓯᒪᓵᕈᕕᑦ.

close
ᐱᓕᕆᔨᒻᒪᕇᑦ ᐊᓂᑦᑕᐃᓕᒪᔭᕆᐊᖃᙱᑦᑐᑦ ᓄᓇᕗᒻᒧᐊᓚᐅᙱᑎᓪᓗᒋᑦ. ᐃᓱᒫᓗᒋᔭᕆᐊᖃᖅᐸᒃᑳ ᓄᕙᒡᔪᐊᕐᓇᖅ-19-ᒥᑦ ᓄᓇᕗᒻᒧᐊᖅᓯᑐᐃᓐᓇᕆᐊᖃᕐᒪᑕ?
  • ᓄᓇᕗᑦ ᒐᕙᒪᒃᑯᑦ ᒪᓕᒋᐊᓕᖕᓂᒃ ᐱᑕᖃᖅᐳᑦ ᒥᑭᓐᓂᖅᐹᖑᖁᓪᓗᒍ, ᐊᔪᕐᓇᙱᓐᓂᓕᒫᖓᓄᑦ, ᐱᓕᕆᔨᒻᒪᕇᑦ ᓄᕙᒡᔪᐊᕐᓇᖅ-19-ᒥᑦ ᐊᐃᑦᑐᕐᓗᐃᑐᐃᓐᓇᕆᐊᓖᑦ ᓄᓇᕗᒻᒥ. ᓄᓇᕗᒻᒧᐊᓚᐅᙱᓐᓂᖏᓐᓂᒃ, ᑕᒪᕐᒥᒃ ᐱᓕᕆᔨᒻᒪᕇᑦ ᐊᓂᑎᑕᐅᔪᓐᓇᕐᓂᕋᐃᔪᒥᒃ ᐱᔭᕆᐊᖃᖅᐳᖅ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒥᑦ, ᑖᔅᓱᒥᖓ ᐱᑎᑕᐅᔪᓐᓇᖅᖢᑎᒃ ᑭᓯᐊᓂ ᖃᐅᔨᑎᑦᑎᒃᐸᑕ ᖃᖓᑦᑎᐊᖅ ᓄᒃᑕᑲᑕᓚᐅᙱᓐᓂᖏᓐᓂᒃ ᐊᒃᑐᖅᑕᐅᓯᒪᕐᔪᐊᖅᑐᓄᑦ ᐊᒻᒪ ᓄᕙᒡᔪᐊᕐᓇᖅ-19-ᒥᑦ ᖃᓂᒪᑲᑕᙱᓐᓂᖓᓂᒃ;
  • ᓄᓇᕗᒻᒧᐊᕌᖓᑕ ᐱᓕᕆᔨᒻᒪᕇᑦ ᑕᒪᕐᒥᒃ ᒪᓕᒋᐊᖃᖅᐳᑦ ᐃᓅᖃᑎᒌᑦ ᖃᓂᒌᓗᐊᕆᐊᖃᙱᑦᑐᑦ ᒪᓕᒋᐊᖃᓪᓚᕆᒃᑕᖏᓐᓂᒃ. ᖃᐅᑕᒫ ᑐᓴᖅᑎᑦᑎᖃᑦᑕᕆᐊᖃᖅᐳᑦ ᐊᐅᓚᑦᑎᔨᒥᓄᑦ, ᖃᓄᐃᙱᒃᑲᓗᐊᕐᒪᖔᑦ ᖃᐅᔨᓴᐃᓐᓇᕐᓗᑎᒃ ᖃᓂᒪᔾᔪᑕᐅᓕᑐᐃᓐᓇᕆᐊᓕᖕᓄᑦ, ᐊᒻᒪ ᐃᓅᖃᑎᒥᓂᒃ ᖃᓂᒃᓴᖅᑕᐃᓕᒪᐃᓐᓇᕐᓗᑎᒃ ᐃᖅᑲᓇᐃᔭᕐᕕᖕᒦᖏᑎᓪᓗᒋᑦ.
  • ᐱᓕᕆᔨᒻᒪᕇᑦ ᐱᒻᒪᕆᐅᕗᑦ ᓄᓇᕗᒻᒥ ᐊᐅᓚᓂᕆᔭᖏᓐᓄᑦ ᓴᐳᔾᔨᓯᒪᓇᓱᒃᖢᑎᒃ ᖃᓄᐃᙱᑦᑐᓂᒃ ᐊᑦᑕᕐᓇᖅᑐᓂᓪᓗ. ᐱᓕᕆᔨᒻᒪᕇᑦ ᑭᒡᓕᖃᖅᑎᑕᐅᒃᑲᓐᓂᖅᐸᑕ ᓄᓇᕗᒻᒥᐅᑦ ᐃᓅᓯᖏᓐᓂᒃ ᐊᑦᑕᕐᓇᖅᑐᒦᑎᑦᑎᑐᐃᓐᓇᕆᐊᖃᖅᐳᑦ.
close
ᐊᐅᓪᓚᖅᓯᒪᓚᐅᖅᖢᑎᒃ ᐊᖏᕐᕋᖅᓯᒪᓕᕌᖓᑕ ᐅᓪᓗᓄᑦ 14−ᓄᑦ ᐊᓂᑦᑕᐃᓕᒪᓚᐅᖅᖢᑎᒃ ᖃᓪᓗᓈᓂ, ᐅᓪᓗᓄᑦ 14−ᑲᓐᓂᕐᓄᑦ ᐊᓂᑦᑕᐃᓕᒪᒃᑲᓐᓂᓕᓲᖑᕙᑦ?

ᐋᒃᑲ, ᐊᐅᓪᓚᖅᓯᒪᔪᑦ ᐅᓪᓗᓄᑦ 14-ᓄᑦ ᐃᓄᑑᔭᕆᐊᖃᖅᑎᑕᐅᔪᑦ ᐊᓂᒍᐃᑦᑎᐊᖅᑐᑦ ᖃᓪᓗᓈᓂ ᐊᒻᒪ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒥᑦ ᐊᓂᑎᑕᐅᔪᓐᓇᕐᓂᕋᐃᔾᔪᑎᒥᒃ ᐱᑎᑕᐅᓗᓂ, ᓄᓇᕗᒻᒧᑦ ᐅᑎᕈᓐᓇᖅᑎᑕᐅᓕᖃᑦᑕᖅᐳᑦ. ᐊᖏᕐᕋᒥᓄᑦ ᑎᑭᒃᑯᑎᒃ, ᑖᒃᑯᐊ ᐅᓪᓗᓄᑦ 14-ᑲᓐᓂᕐᓄᑦ ᐃᓄᑑᒃᑲᓐᓂᕆᐊᖃᕋᔭᙱᑦᑐᑦ. ᑭᓯᐊᓂ, ᒪᓕᒐᕐᓂᒃ ᓱᓕ ᒪᓕᒋᐊᖃᕋᔭᖅᑐᑦ ᐃᓅᖃᑎᒥᓂᒃ ᖃᓂᒃᓴᓗᐊᖅᑕᐃᓕᒪᓗᑎᒃ ᐊᒻᒪ ᐃᒻᒥᓂᒃ−ᓇᐅᑦᑎᖅᓱᕐᓗᑎᒃ ᖃᓂᒻᒪᒃᐸᓪᓕᐊᙱᒃᑲᓗᐊᕐᒪᖔᑦ.

close
ᓄᓇᕗᒻᒥᐅᑕᐅᙱᑦᑐᖓ ᑭᓯᐊᓂ ᓂᐅᕐᕈᔪᒪᓪᓗᖓ ᓄᓇᕗᒻᒧᑦ. ᖃᓄᐃᓕᐅᕆᐊᖃᕋᔭᖅᐳᖓ?

ᒫᓐᓇᐅᔪᖅ, ᓄᓇᕗᒻᒥᐅᑐᐊᑦ ᐊᒻᒪ ᐱᓕᕆᔨᒻᒪᕇᑦ (ᒪᓕᒋᐊᖃᓪᓚᕆᒃᖢᑎᒃ) ᓄᓇᕗᑦᓕᐊᕈᓐᓇᖅᐳᑦ.

close
ᖃᖓᑦᑕᐅᑎᒃᓴᒧᑦ ᐃᓂᒃᓴᓕᐅᕆᐊᖃᖅᐳᖓ ᐱᓇᔪᓚᐅᙱᓐᓂᓐᓂ ᐃᓄᑑᔭᕆᐊᖃᕐᓂᕐᒧᑦ?

ᓄᓇᕗᒻᒥᐅᑦ ᐊᖏᕐᕋᐅᓂᐊᖅᑐᑦ ᓇᖕᒥᓂᖅ ᖃᖓᑦᑕᐅᑎᒃᓴᒥᓂᒃ ᐃᓂᒃᓴᓕᐅᕆᐊᖃᖅᑐᑦ. ᖃᖓᑦᑕᐅᑎᒃᓴᖏᑦ ᐃᓂᒃᓴᓕᐅᖅᑕᐅᔭᕆᐊᓖᑦ ᐊᑕᐅᑦᑎᒃᑰᖃᑎᖃᕐᓗᓂ ᐅᓪᓗᓄᑦ 14-ᓄᑦ ᐃᓅᑐᔭᕆᐊᖃᕐᓂᖓᑕ ᐃᓱᓕᕝᕕᐊᓄᑦ.

close
ᓄᓇᕗᒻᒥᙶᖅᖢᖓ ᐊᓯᐊᓄᑦ ᓄᓇᓕᖕᓄᑦ ᓄᓇᕗᒻᒥ ᓂᐅᕐᕈᓂᐊᕋᒪ ᑭᓯᐊᓂ ᖃᓪᓗᓈᓄᑦ ᐊᖅᑯᓵᕆᐊᖃᖅᖢᖓ. ᐃᓄᑑᔭᕆᐊᖃᖅᑎᑕᐅᓇᔭᖅᐳᖓ? (ᐆᒃᑑᑎᒋᓗᒍ, ᓴᓂᑭᓗᐊᕐᒥᙶᕐᓗᖓ ᐃᖃᓗᒃᑑᑦᑎᐊᒧᑦ- ᐅᐃᓂᐹᒡᑰᕆᐊᖃᕐᓗᖓ ᐊᒻᒪᐃᓛᒃ ᔭᓗᓇᐃᒧᑦ ᐊᖅᑯᓵᓕᕐᒥᓗᖓ) ᑕᐃᒪᐃᒃᑯᒪ, ᓇᓕᐊᖕᓄᑦ ᐃᓄᑑᔭᕆᐊᖃᕋᔭᖅᐳᖓ?

o ᐅᓇ ᖃᐅᔨᒪᔭᕆᐊᓕᒃ: ᓄᓇᕗᒻᒥᐅᑦ ᐱᔭᕆᐊᖃᓪᓚᕆᙱᑦᑐᓂᒃ ᐊᐅᓪᓚᑲᑕᖁᔭᐅᙱᑦᑎᐊᖅᐳᑦ. ᓄᓇᕗᑦ ᓯᓚᑖᓄᑦ ᐊᐅᓪᓚᕆᐊᖃᕈᕕᑦ, ᐃᓄᑑᔭᕆᐊᖃᖅᑎᑕᐅᓇᔭᖅᑐᑎᑦ ᓄᓇᕗᒻᒧᑦ ᐅᑎᓚᐅᙱᑎᓪᓗᑎᑦ. ᐅᕗᖓ ᖃᐅᔨᒋᐊᕐᓗᑎᑦ CPHOtravelrequests@gov.nu.ca ᑐᑭᓯᓇᓱᒡᓗᑎᑦ ᐃᓄᑑᔭᕆᐊᖃᕐᓂᕐᒧᑦ ᒪᓕᒋᐊᓕᖕᓂᒃ ᐊᒻᒪ ᖃᓄᖅ ᐊᑲᐅᓛᖑᓇᔭᕐᒪᖔᑦ ᖃᖓᑦᑕᐅᑎᒃᓴᕐᓂᒃ ᐋᖅᑭᒃᓯᓂᐊᕐᓗᑎᑦ.

close
24. ᓇᓕᐊᒃ ᖃᖓᑕᓂᐊᖅᑐᓄᑦ ᑎᑎᕋᕆᐊᓕᒃ ᑎᑎᕋᕆᐊᖃᕋᒃᑯ? (ᖃᓄᕐᓕ ᖃᐅᔨᒪᓂᐊᕋᒪ ᐱᓕᕆᔨᒻᒪᕆᐅᓂᓐᓂᒃ)?

ᐱᓕᕆᔨᒻᒪᕇᑦ ᑐᑭᖓ ᐊᒻᒪᓗᑦᑕᐅᖅ ᑎᑎᕋᖅᑕᐅᔭᕆᐊᓖᑦ ᐱᓕᕆᔨᒻᒪᕆᖕᓄᑦ ᓄᓇᕗᒻᒥᐅᓄᓪᓗ ᐱᓇᔫᑏᑦ ᐅᕙᓂ ᓇᓂᔭᐅᔪᓐᓇᖅᐳᑦ https://gov.nu.ca/health/information/covid-19-novel-coronavirus. ᖃᐅᔨᒪᑦᑎᐊᙱᒃᑯᕕᑦ ᐱᓕᕆᔨᒻᒪᕆᐅᖃᑕᐅᔪᓐᓇᕐᒪᖔᖅᐱᑦ ᐅᕗᖓ ᖃᐅᔨᒋᐊᕐᓗᑎᑦ CPHOtravelrequests@gov.nu.ca. .

close
ᓄᓇᕗᒻᒥᐅᑕᐅᙱᑦᑐᖓ ᑭᓯᐊᓂ ᓄᓇᕗᑦᓕᐊᖃᑦᑕᕋᒪ ᐃᖅᑲᓇᐃᔭᕆᐊᖅᖢᖓ. ᖃᖓᑦᑕᐅᑎᒃᓴᓐᓂᒃ ᐋᖅᑭᒃᓯᓚᐅᙱᑎᓪᓗᖓ, ᐃᓄᑑᑎᑕᐅᔭᕆᐊᖃᕋᔭᕐᒪᖔᕐᒪ ᖃᐅᔨᔪᒪᔪᖓ?

ᓄᓇᕗᒻᒧᑦ ᓅᓐᓂᐊᓕᕈᕕᑦ ᐃᖅᑲᓇᐃᔭᕆᐊᕐᓗᑎᑦ ᐃᖅᑲᓇᐃᔮᒃᓴᖅᑖᖅᑎᑕᐅᓗᑎᓪᓗ, ᐱᓇᔪᒍᓐᓇᖅᑐᑎᑦ ᐊᐅᓪᓚᕐᓂᕐᒧᑦ ᓄᓇᕗᒻᒥᐅᑕᐅᓪᓗᑎᑦ, ᐃᑲᔪᖅᑐᐃᔾᔪᑎᑦ ᑎᑎᖅᑲᑦ ᐊᑐᕐᓗᒋᑦ. ᐊᔪᖅᑎᑕᐅᒍᕕᑦ ᐱᓕᕆᔨᒻᒪᕆᖕᓄᑦ ᑭᑭᑕᐅᓯᒪᔪᓄᑦ, ᐃᓄᑑᔭᕆᐊᖃᖅᑎᑕᐅᓇᔭᖅᑐᑎᑦ ᓇᓗᓇᐃᖅᑕᐅᓯᒪᔪᒥᑦ ᐃᓄᑑᑎᑕᐅᔪᑦ ᐃᓂᖓᓂᑦ.