ᐅᖃᓚᐅᑎᓯᐅᑏᑦ

You are here

ᓄᓇᕗᒻᒥ ᐸᕐᓇᐃᓂᕐᒧᑦ ᖃᐅᔨᓴᕐᓂᕐᒧᓪᓗ ᐱᖁᔭᖅ ᓴᙱᒃᑎᒋᐊᖅᑎᑦᑎᔪᖅ ᑲᒪᒋᔭᑦᑎᐊᕐᓂᒃᑯᑦ ᓄᓇᒦᑦᑐᓂ ᐱᕙᓪᓕᐊᔾᔪᑕᐅᔪᓐᓇᖅᑐᓂᒃ

ᔫᓂ 19, 2013

ᐱᕙᓪᓕᐊᔪᑦ ᓴᖅᑭᑕᑦ

ᓴᖅᑭᑕᐅᑲᐅᑎᒋᔭᕆᐊᓕᒃ

ᓄᓇᕗᒻᒥ ᐸᕐᓇᐃᓂᕐᒧᑦ ᖃᐅᔨᓴᕐᓂᕐᒧᓪᓗ ᐱᖁᔭᖅ ᓴᙱᒃᑎᒋᐊᖅᑎᑦᑎᔪᖅ ᑲᒪᒋᔭᑦᑎᐊᕐᓂᒃᑯᑦ ᓄᓇᒦᑦᑐᓂ ᐱᕙᓪᓕᐊᔾᔪᑕᐅᔪᓐᓇᖅᑐᓂᒃ

ᐃᖃᓗᐃᑦ, ᓄᓇᕗᑦ, (ᔫᓂ 19, 2013) – ᐊᑐᓕᖅᑎᑕᐅᓂᖓ ᓄᓇᕗᒻᒥ ᓄᓇᑖᕈᑎᓂᒃ ᐊᖏᕈᑎᓂ ᐱᒻᒪᕆᐅᔪᒥᑦ ᓯᕗᒻᒧᐊᑦᑎᐊᒃᑲᓐᓂᖅᑐᖅ ᓄᑖᖑᔪᒥᑦ ᒐᕙᒪᑐᖃᒃᑯᓐᓂ ᒪᓕᒐᑎᒍᑦ ᓴᙱᒃᑎᒋᐊᕈᑕᐅᓂᐊᖅᑐᖅ ᐱᓕᕆᔭᐅᓂᖓᓄᑦ ᐊᑑᑎᖃᕐᓂᖓᓗ ᕿᒥᕐᕈᔭᐅᓂᖏᑦ ᐱᕙᓪᓕᐊᔾᔪᑕᐅᔪᑦ ᐱᓕᕆᐊᒃᓴᑦ ᓄᓇᕘᓕᒫᒥᑦ.

ᑖᓐᓇ ᓄᓇᕗᒻᒥ ᐸᕐᓇᐃᓂᕐᒧᑦ ᖃᐅᔨᓴᕐᓂᕐᒧᓪᓗ ᐱᖁᔭᖅ ᐃᓚᒋᔭᐅᔪᖅ ᐱᖁᔭᒃᓴᖅ-47ᒥᑦ ᐅᓪᓗᒥᐅᔪᖅ ᑲᔪᓯᑎᑕᐅᖅᑲᐅᔪᖅ. ᐃᑲᔪᖅᓱᐃᕗᖅ ᐱᓕᕆᓂᕆᕙᒃᑕᖓ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᑦ ᐊᒻᒪᓗ ᓄᓇᕘᒥ ᐸᕐᓇᐃᔨᒃᑯᓐᓂ - ᒪᕐᕉᖑᔫᒃ ᐱᓕᕆᕝᕖᑦ ᐊᑐᑎᖃᓪᓚᕆᑦᑐᑦ ᐃᓚᐅᑎᑦᓯᓂᕐᒥᑦ ᓄᓇᕗᒻᒥᐅᓂᑦ ᐃᓱᒪᓕᐅᓇᓱᑦᑎᓪᓗᒋᑦ ᓄᓇᖏᓐᓂ ᓄᓇᒦᑦᑐᓂᓪᓗ.

"ᑖᓐᓇ ᓄᓇᕗᒻᒥ ᐸᕐᓇᐃᓂᕐᒧᑦ ᖃᐅᔨᓴᕐᓂᕐᒧᓪᓗ ᐱᖁᔭᖅ ᐱᓕᕆᓂᕐᒧᑦ ᐱᓪᓚᕆᓐᓂᐊᕐᓂᕐᒧᓪᓗ ᓄᓇᕗᑦ ᒐᕙᒪᖓ ᐊᐅᓚᑦᑎᓂᐊᕐᒪᑕ ᓄᓇᖏᓐᓂ ᓄᓇᒥᐅᑕᖏᓐᓂᓪᓗ ᐊᕝᕕᐊᕈᑕᐅᖏᓪᓗᓂ ᐱᕙᓪᓕᐊᑎᑦᓯᓂᕐᒧᑦ ᐃᑲᔫᑎᑦᓴᓂᓪᓗ ᓴᖅᑭᑎᓐᓂᐊᖅᑕᖏᓐᓂ," ᐅᖃᖅᐳᖅ ᓯᕗᓕᖅᑎ ᐄᕙ ᐋᕆᐊᒃ. "ᐊᓕᐊᓇᐃᒍᓱᓚᐅᖅᐳᒍᑦ ᐃᓚᐅᔪᓐᓇᓚᐅᕋᑦᑕ ᐱᕙᓪᓕᐊᑎᑕᐅᑎᓪᓗᓂ ᑖᓐᓇ ᒐᕙᒪᑐᖃᒃᑯᓐᓂᙶᖅᑐᖅ ᒪᓕᒐᖅ."

ᑖᓐᓇ ᒪᓕᒐᖅ ᐊᒥᓲᙱᓐᓂᖅᓴᐅᑎᑦᑎᖕᒪᑦ ᒪᕐᕈᐃᖅᓱᕆᐊᖃᙱᓪᓗᑎᑦ ᓴᖅᑮᖓᕐᓗᑎᑦ ᐊᑕᐅᓯᕐᒧᑦ ᑲᒪᒋᔭᐅᓗᓂ ᑖᒃᑯᓄᖓ ᓄᓇᕘᒥ ᐸᕐᓇᐃᔨᒃᑯᓐᓂ ᐊᒻᒪᓗ ᓄᓇᕘᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ ᕿᒥᕐᕈᐊᕐᓗᑎ ᐱᕙᓪᓕᐊᓂᕐᒧᑦ ᑐᒃᓯᕋᐅᑎᓂᑦ. ᓴᖅᑭᔮᖅᑎᑦᓯᔪᖅ ᐱᔪᓐᓇᐅᑎᖏᓐᓂ ᖁᓄᑎᒋᓗ ᑲᒪᒋᐊᖃᕐᒪᖔᑦ ᐊᖏᓐᓇᓱᓐᓂᐊᖅᑎᓪᓗᒋᑦ ᐱᒻᒪᕆᐅᔪᓄᑦ. ᐱᖁᔭᒃᓴᐅᔪᖅ ᐊᑐᖅᑎᑦᑎᒻᒪᕆᖕᒪᑦ ᓄᓇᕗᑦ ᒐᕙᒪᖓ ᐃᓄᐃᓪᓗ ᐱᓕᕆᓂᖃᕈᓐᓇᕐᒪᑕ ᐊᖏᖅᑎᐅᓇᓱᓪᓗᑎ ᓄᓇᒨᖓᔪᓂᑦ ᐸᕐᓇᐅᑎᓂᑦ ᓄᓇᕘᒥ.

"ᓄᑖᖅ ᒪᓕᒐᐅᔪᖅ ᖁᕝᕙᕆᐊᕈᑕᐅᔪᖅ ᑲᒪᑦᑎᐊᓂᕐᒥᑦ ᓄᓇᒦᙶᖅᑐᓂᑦ ᐱᕙᓪᓕᐊᑎᑦᑎᓂᕐᒥᑦ ᐊᒻᒪᓗ ᑮᓇᐅᔭᓕᐅᓂᕐᒧᑦ ᓄᓇᕘᒥ," ᐅᖃᖅᐳᖅ ᐲᑕ ᑕᑉᑑᓇ, ᒥᓂᔅᑕ ᐱᕙᓪᓕᐊᔪᓕᕆᔨᒃᑯᓐᓄᑦ ᐃᖏᕐᕋᔪᓕᕆᔨᒃᑯᓐᓄᓪᓗ." "ᓄᓇᓖᑦ ᐃᖅᑲᓇᐃᔭᕐᕖᓪᓗ ᖃᐅᔨᒪᓂᖃᕐᓂᖅᓴᐅᓂᐊᓕᖅᐳᑦ ᖃᓄᖅ ᐋᖅᑭᑦᓯᓇᓱᓲᖑᒻᒪᖔᑦ ᖃᓄᑎᒋᐅᓂᐊᕐᒪᖔᕐᓗ. ᓄᑖᓂ ᑮᓇᐅᔭᓕᐅᕈᑎᖃᕐᓂᐊᓕᕐᒪᑦ ᐃᖅᑲᓇᐃᔮᑦᓴᓂᓪᓗ."

###

ᐱᕙᓪᓕᐊᔪᓄᑦ ᖃᐅᔨᒋᐊᕐᕕᒃ:

ᐹᒻ ᑰᓪᑐ ᑐᑭᒧᐊᑎᑦᓯᔨ ᑐᓴᒐᒃᓴᓕᕆᓂᕐᒧᑦ

ᒐᕙᒪᓕᕆᔨᒃᑯᑦ

867-975-6049

pcoulter2@gov.nu.ca