ᐅᖃᓚᐅᑎᓯᐅᑏᑦ

You are here

ᒥᓂᔅᑕ ᐋᕆᐊᖅ ᐃᖃᓗᖕᓄᑦ ᑐᙵᓱᒃᑎᑦᑎᕗᖅ ᒥᓂᔅᑕᒐᓇᖕᓂᑦ ᐃᓕᓐᓂᐊᕐᓂᓕᕆᔨᒃᑯᓐᓄᑦ

ᔪᓚᐃ 02, 2013

ᐱᕙᓪᓕᐊᔪᑦ ᓴᖅᑭᑕᑦ

ᓴᖅᑭᑕᐅᑲᐅᑎᒋᔭᕆᐊᓕᒃ

ᒥᓂᔅᑕ ᐋᕆᐊᖅ ᐃᖃᓗᖕᓄᑦ ᑐᙵᓱᒃᑎᑦᑎᕗᖅ ᒥᓂᔅᑕᒐᓇᖕᓂᑦ ᐃᓕᓐᓂᐊᕐᓂᓕᕆᔨᒃᑯᓐᓄᑦ

ᐃᖃᓗᐃᑦ (ᔪᓚᐃ 2, 2013) – ᒥᓂᔅᑕ ᐋᕆᐊᖅ ᑲᑎᒪᑎᑦᑎᓂᐊᖕᒪᑦ 101-ᒋᓕᖅᑕᖓᓐᓂᑦ ᑲᑎᒪᔨᓄᑦ ᒥᓂᔅᑕᓄᑦ ᐃᓕᓐᓂᐊᕐᓂᓕᕆᔨᒃᑯᓐᓄᑦ, ᑲᓇᑕ (CMEC) ᔪᓚᐃᑦ 4-ᒥᑦ 5-ᒥᓪᓗ. ᒥᓂᔅᑕᒐᓇᐃᑦ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᑲᓇᑕᓕᒫᒥᑦ ᐃᖃᓗᖕᓃᓐᓂᐊᖕᒪᑕ ᑲᑎᒪᔾᔪᑎᖃᖕᓂᐊᖅᖢᑎᒃ ᓱᕈᓯᓛᓄᑦ ᐃᓕᓐᓂᐊᕐᓂᓕᕆᓂᖕᓄᑦ, ᓄᓇᖃᖅᑳᖅᓯᒪᔪᑦ ᐲᖅᓯᓇᓱᐊᖕᓃᑦ ᐃᑭᐅᔪᓂᑦ ᓄᓇᖃᖅᑳᖅᑐᕕᓂᖕᓄᑦ ᐃᓕᓐᓂᐊᖕᓂᓂ ᐊᒻᒪᓗ ᐱᐅᓯᕚᓪᓕᖅᑎᑦᑎᔪᒪᓪᓗᑎᒃ ᐃᓕᓐᓂᐊᖅᑕᐅᕙᒃᑐᓂᑦ.

"ᐊᓕᐊᓇᐃᒍᓱᒃᐳᖓ ᑐᙵᓱᒃᑎᑦᑕᕆᐊᖅᓴᖅ ᐱᓕᕆᖃᑎᒃᑲᓂᑦ ᓄᓇᕗᒻᒧᑦ ᑲᔪᓯᖁᓪᓗᒋᑦ ᐱᒻᒪᕆᐅᔪᖅ ᐱᓕᕆᐊᒃᓴᕗᑦ ᐃᓕᓐᓂᐊᕐᓂᓕᕆᓂᕐᓂᑦ," ᐅᖃᖅᑐᕕᓂᖅ ᒥᓂᔅᑕ ᐋᕆᐊᖅ. "ᐊᒥᓱᒐᓚᖕᓄᑦ ᒥᓂᔅᑕᓄᑦ, ᓯᕗᓪᓕᖅᐹᒥᑦ ᑕᒪᐅᙵᕆᐅᖕᓂᐊᖅᒪᑕ ᐅᑭᐅᖅᑕᖅᑑᑉ ᑲᓇᖕᓇᖅᐸᓯᐊᓄᑦ. ᓂᕆᐅᒃᐳᖓ ᑕᑯᓇᒃᑎᑦᑕᕆᐊᖏᓐᓂᑦ ᓄᓇᑦᑎᓐᓂᑦ ᐊᒻᒪᓗ ᑕᑯᑎᑦᑕᕆᐊᖏᓐᓂᑦ ᐱᓕᕆᐊᕆᓯᒪᔭᑦᑎᓐᓂᑦ ᐊᒻᒪᓗ ᐱᓪᓚᑦᑖᓂ ᑕᑯᕙᒃᑕᑦᑎᓐᓂᑦ ᖃᐅᑕᒫᑦ"

ᑭᒡᒐᖅᑐᐃᔪᖃᖅᖢᓂ ᑲᓇᑕᐅᑉ ᐊᕕᒃᑐᖅᓯᒪᔪᓕᒫᖏᓐᓂᑦ, ᑲᑎᒪᔨᓄᑦ ᒥᓂᔅᑕᓄ ᐃᓕᓐᓂᐊᕐᓂᓕᕆᔨᒃᑯᑦ ᑲᓇᑕᒥ ᐱᕕᖃᖕᓇᖅᐳᑦ ᐱᓕᕆᖃᑎᒌᒋᐊᙱᓐᓂᑦ ᐊᕕᒃᑐᖅᓯᒪᔪᓂᖔᖅᑐᓂᑦ ᐊᒻᒪᓗ ᖃᓇᑕᒥ ᐃᓕᓐᓂᐊᕐᓂᓕᕆᓂᖅ ᐱᔾᔪᑕᐅᓪᓗᓂ. ᑲᑎᒪᔨᓄᑦ ᒥᓂᔅᑕᓄ ᐃᓕᓐᓂᐊᕐᓂᓕᕆᔨᒃᑯᑦ ᑲᓇᑕᒥ ᑲᑎᒪᖃᑦᑕᖅᐳᑦ ᐅᖃᖃᑎᒌᖏᓐᓇᖃᑦᑕᖅᖢᑎᒃ ᐊᑐᐊᒐᐃᑦ ᐊᑲᐅᙱᓕᐅᕈᑎᔪᓂᑦ, ᖃᓄᐃᓕᐅᖅᑕᐅᔪᓂᑦ ᐊᒻᒪᓗ ᐱᒋᐊᖅᑕᐅᓯᒪᔪᑦ ᑕᒪᐃᓄᑦ ᐱᔭᐅᔪᒪᔪᓂᑦ, ᐊᒻᒪᓗ ᑐᓴᐅᒪᖃᑎᒌᒍᓐᓇᖅᖢᑎᒃ ᒐᕙᒪᑕᖃᒃᑯᓐᓂᑦ ᑲᓇᑕᒥᓪᓗ ᑲᑐᔾᔨᖃᑎᒌᓄᑦ ᐃᓕᓐᓂᐊᕐᓂᓕᕆᓂᖕᓄᑦ.

"ᕿᒥᕐᕈᓇᐅᔭᖅᖢᑎᒍᑦ ᓇᖕᒥᓂᖅ ᖃᓄᐃᓐᓂᕆᔭᓂᑦ ᐊᕕᒃᑐᖅᓯᒪᔪᓂᑦ, ᑲᑎᒪᔨᓄᑦ ᒥᓂᔅᑕᓄ ᐃᓕᓐᓂᐊᕐᓂᓕᕆᔨᒃᑯᑦ ᑲᓇᑕᒥ ᐱᕕᖃᖅᑎᑦᑎᕙᒃᐳᑦ ᐱᓕᕆᖃᑎᒌᖕᓂᖕᒥᑦ. ᐱᔪᒃᓰᓐᓇᐅᔭᖅᐳᖓ ᑲᑎᖃᑎᒋᒃᑲᓐᓂᕆᐊᖏᑦ ᑖᒃᑯᐊ ᐊᒻᒪᓗ ᐱᓕᕆᖃᑎᒋᒋᐊᖏᓐᓂᑦ ᐱᒻᒪᕆᐅᔪᓂᑦ ᐊᑲᐅᙱᓕᐅᕈᑎᓂᑦ ᐊᒻᒪᓗ ᐊᑐᐊᒐᓂᑦ ᐱᓕᕆᐊᑦᑎᓐᓄᑦ ᐃᓕᓐᓂᐊᕐᓂᓕᕆᓂᖕᓂᑦ. ᑕᒪᑐᒪᓂ, ᐊᓕᐊᓇᐃᑦ ᐊᓯᔾᔨᖅᓯᒪᓚᐅᑲᖕᓂᐊᕋᑦᑕ ᑐᐊᕕᓗᖕᓂᖕᓂᑦ ᓄᓇᓕᖕᓂᑦ ᐊᒻᒪᓗ ᑕᑯᓇᒍᓐᓇᖕᓂᐊᕋᑦᑕ ᐱᓕᕆᐊᑦᑎᓐᓂᑦ ᑕᒫᓂ ᓄᓇᕗᒻᒥᑦ," ᐅᖃᖅᑐᕕᓂᖅ ᒥᓂᔅᑕ ᐋᕆᐊᖅ.

###

ᐱᕙᓪᓕᐊᔪᓄᑦ ᑐᑭᓯᒋᐊᖅᕕᒃ:

ᐅᐃᓐᑎ ᕼᐋᓗᓂᓐ

ᑐᓴᐅᒪᔪᓕᕆᔨᒻᒪᕆᒃ ᐃᓕᓐᓂᐊᕐᓂᓕᕆᔨᒃᑯᑦ

867-975-5667

whalonenEDU2@gov.nu.ca