ᐅᖃᓚᐅᑎᓯᐅᑏᑦ

You are here

ᐱᙳᐊᖅᑎᐅᖃᑎᒌᑦ ᓄᓇᕗᒻᒥ 2013 ᑲᓇᑕᒥ ᐊᐅᔭᒃᑯᑦ ᐱᙳᐊᕕᒃᔪᐊᖅᑐᓄᙵᐅᓂᐊᖅᑐᑦ

ᐊᒐᓯ 02, 2013

ᐱᕙᓪᓕᐊᔪᖅ ᓴᖅᑭᑕᑦ

ᓴᖅᑭᑕᐅᑲᐅᑎᒋᔭᕆᐊᓖᑦ

ᐋᖓᔅᑦ 2, 2013

ᐱᙳᐊᖅᑎᐅᖃᑎᒌᑦ ᓄᓇᕗᒻᒥ 2013 ᑲᓇᑕᒥ ᐊᐅᔭᒃᑯᑦ ᐱᙳᐊᕕᒃᔪᐊᖅᑐᓄᙵᐅᓂᐊᖅᑐᑦ

14-ᖑᔪᐃᑦ ᒪᒃᑯᒃᑐᑦ ᓄᓇᕗᒻᒥᙶᖅᓯᒪᔪᑦ ᓲᑉᕈᒃ, ᑯᐃᐸᒃᒦᒻᒪᑕ ᑕᒪᑐᒪᓂ ᐱᓇᓱᐊᕈᓯᖕᒥᑦ ᐃᓚᐅᔭᖅᑐᖅᑐᐃᑦ 2013-ᒥᑦ ᑲᓇᑕᒥ ᐊᐅᔭᒃᑯᑦ ᐱᙳᐊᕕᒃᔪᐊᖕᓂᖕᓂᑦ – ᐊᖏᓛᖅ ᐱᙳᐊᕈᑎᖃᐅᖅᖢᓂ ᒪᒃᑯᒃᑐᓄᑦ ᐱᙳᐊᖅᑎᓄᑦ ᑲᓇᑕᒥᑦ.

ᐱᖓᓱᐃᑦ ᐱᙳᐊᖅᑎᐅᖃᑎᒌᑦ ᓄᓇᕗᒻᒥ ᓵᓚᖃᕋᓱᐊᖕᓂᖃᑉᒪᑕ ᐊᑐᓂ ᐅᓇᑕᙳᐊᖕᓂᖕᓂᑦ ᐱᓕᒻᒪᒃᓵᓪᓚᓚᐅᖅᖢᑎᒃ ᐃᓕᓐᓂᐊᕐᕕᒋᔭᒥᓂᒃ ᒧᕆᐊᒥᑦ ᐱᙳᐊᕐᓃᑦ ᓯᕗᕐᖓᒍᑦ.

"ᑖᒃᑯᐊ ᒪᒃᑯᒃᑐᑦ ᐱᙳᐊᖅᑏᑦ ᓄᓇᕗᒻᒧᑦ ᐊᔪᙱᓛᖑᕗᑦ ᐅᑭᐅᖏᑦ ᒪᓕᒃᖢᒋᑦ ᐊᒻᒪᓗ ᐱᓕᒻᒪᒃᓴᖃᑦᑕᒻᒪᕆᒃᖢᑎᒃ ᓵᓚᒃᓴᕋᓱᐊᖕᓂᖕᒧᑦ 2013-ᒥᑦ ᑲᓇᑕᒥ ᐊᐅᔭᒃᑯᑦ ᐱᙳᐊᕕᒃᔪᐊᖕᓂᖕᓂᑦ. ᐋᖅᑭᐅᒪᑦᑎᐊᙱᓐᓇᓚᐅᖅᐳᑦ, ᐊᖏᖅᓯᒪᑦᑎᐊᖅᖢᑎᒃᓗ ᐱᓕᕇᓐᓇᖅᖢᑎᒃᓗ ᐱᙳᐊᖕᓂᕆᔭᒥᓂᒃ ᐊᒻᒪᓗ ᐱᕚᓪᓕᖕᓂᖏᓐᓄᑦ ᐱᙳᐊᖕᓂᖏᓐᓂᑦ," ᐅᖃᖅᑐᕕᓂᖅ ᐱᙳᐊᖅᑎᓄᑦ ᓄᓇᕗᒻᒧᑦ ᑭᒡᒐᖅᑐᐃᔨᒻᒪᕆᒃ, ᔭᕝ ᓰᑎᓇᒃ.

ᓯᕗᓪᓕᖅᐹᑦᑎᐊᒥᑦ, ᓄᓇᕘᑉ ᐱᙳᐊᖅᑎᖏᑦ ᑭᒡᒐᖅᑐᖅᑕᐅᓂᐊᕆᕗᑦ 11-ᓄᑦ ᒪᒃᑯᒃᑐᓄᑦ ᑭᒡᒐᖅᑐᐃᔨᓄᑦ ᐃᑲᔪᕆᐊᖅᓯᒪᔪᑦ ᐊᔾᔨᒌᑎᑦᑐᓄᑦ ᐱᙳᐊᖕᓂᖕᓄᑦ ᐊᒻᒪᓗ ᐃᓕᖅᑯᓯᓕᕆᔪᓄᑦ ᐱᙳᐊᖅᑎᓪᓗᒋᑦ. ᓄᓇᕘᑉ ᐱᙳᐊᖅᑎᖏᑦᑕ ᒪᒃᑯᑦᑐᓄᑦ ᑭᒡᒐᖅᑐᐃᔨᖏᑦ ᓂᕈᐊᖅᑕᐅᓚᐅᖅᐳᑦ ᐃᑲᔪᖅᐸᖕᓂᖏᓐᓄᑦ ᐊᒻᒪᓗ ᑐᓐᓂᑯᑎᒥᓄᑦ ᐱᙳᐊᖕᓂᖕᓄᑦ ᓄᓇᓕᖕᒥᓂᑦ.

ᑲᑎᖅᓱᐃᓚᐅᖅᑐᑦ ᓄᓇᕘᑉ ᐱᙳᐊᖅᑎᖏᓐᓂᑦ 6-ᖑᕗᑦ ᐃᓐᓇᐃᑦ ᐱᓕᕆᐊᓄᑦ ᐃᖅᑲᓇᐃᔭᖅᑏᑦ, ᑐᑭᒧᐊᒃᑎᑦᑎᓂᐊᖅᑐᑦ ᐃᑲᔪᖅᑐᐃᓗᑎᒃᓗ ᒪᒃᑯᒃᑐᓂᑦ ᐱᙳᐊᖅᑎᓂᑦ ᑭᒡᒐᖅᑐᐃᔨᖏᓐᓂᒃᓗ ᐱᙳᐊᖅᑎᓪᓗᒋᑦ.

"ᓄᓇᕘᑉ ᐱᙳᐊᖅᑎᖏᑦ ᐋᖅᑭᒃᓯᓚᐅᖅᐳᑦ ᐃᓚᒌᓂᑦ ᐱᓕᕆᑦᑎᐊᖅᑐᓂᑦ, ᖁᕕᐊᒋᔭᖃᓪᓚᑦᑖᑐᓂᑦ ᐊᒻᒪᓗ ᐊᔪᙱᑦᑐᓂᑦ ᐱᙳᐊᖅᑎᓂᑦ, ᑭᒡᒐᖅᑐᐃᔨᓂᑦ ᐊᒻᒪᓗ ᐃᖅᑲᓇᐃᔭᖅᑎᓂᑦ ᓴᖅᑭᔮᖁᓪᓗᑎᒍᑦ ᓄᓇᕘᑉ ᐊᔪᙱᓐᓂᖏᑦ ᑲᓇᑕᐅᖅ ᓵᑦᑎᐊᖏᓐᓂᑦ. ᓄᓇᕗᒻᒥᐅᓕᒫᑦ ᐱᒃᑯᒍᓱᖕᓂᐊᓪᓚᕆᒃᑐᑦ ᓄᓇᕘᑉ ᐱᙳᐊᖅᑎᖏᑦ ᐊᐅᓚᖁᑎᑎᒃ ᖁᒻᒧᒃᑯᓂᔾᔪᒃ 2013-ᒥᑦ ᑲᓇᑕᒥ ᐊᐅᔭᒃᑯᑦ ᐱᙳᐊᕕᒃᔪᐊᖕᓂᖕᓂᑦ. ᖁᔭᒋᕙᕗᑦ ᐃᑲᔪᖕᓂᖏᓐᓄᑦ ᐊᒻᒪᓗ ᐱᙳᐊᖅᑎᐊᓛᖁᕙᕗᑦ ᓲᑉᕈᒃᒥᑦ," ᐅᖃᖅᑐᕕᓂᖅ ᒥᓂᔅᑕᒋᔭᖅ ᓄᓇᓕᖕᓂᑦ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᓐᓄᑦ, ᒪᓕᒐᓕᐅᖅᑎ ᓗᐊᓐ ᑯᓱᒐᖅ.

###

ᐱᕙᓪᓕᐊᔪᓄᑦ ᖃᐅᔨᒋᐊᕐᕕᒃ:

ᕼᐃᓗᕆ ᑲᐃᓯ ᑐᓴᐅᒪᔪᓕᕆᔨᒻᒪᕆᒃ

ᓄᓇᓕᖕᓂᑦ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ

867-975-5342

hcasey@gov.nu.ca