ᐅᖃᓚᐅᑎᓯᐅᑏᑦ

You are here

ᐊᑲᐅᓯᓴᕐᕕᒃ ᐃᓱᒪᓕᕆᓂᕐᒧᑦ ᐃᑲᔪᖅᑕᐅᕕᒃ ᐊᒥᓲᓂᖅᓴᓂᑦ ᐱᔨᑦᓯᕋᐅᑎᓂᑦ ᐊᑐᐃᓐᓇᐅᑎᑦᓯᓂᐊᖅᑐᑦ ᐊᒥᓲᓂᖅᓴᓄᑦ ᐃᑲᔪᖅᑕᐅᔭᕆᐊᓕᓐᓄᑦ

ᒪᐃ 17, 2013

ᐱᕙᓪᓕᐊᔪᑦ ᓴᖅᑭᑕᑦ

ᓴᖅᑭᑕᐅᑲᐅᑎᒋᔭᕆᐊᓕᒃ

ᐊᑲᐅᓯᓴᕐᕕᒃ ᐃᓱᒪᓕᕆᓂᕐᒧᑦ ᐃᑲᔪᖅᑕᐅᕕᒃ ᐊᒥᓲᓂᖅᓴᓂᑦ ᐱᔨᑦᓯᕋᐅᑎᓂᑦ ᐊᑐᐃᓐᓇᐅᑎᑦᓯᓂᐊᖅᑐᑦ ᐊᒥᓲᓂᖅᓴᓄᑦ ᐃᑲᔪᖅᑕᐅᔭᕆᐊᓕᓐᓄᑦ

ᐃᖃᓗᐃᑦ, ᓄᓇᕗᑦ (ᒪᐃ 17, 2013) – ᓄᓇᕗᑦ ᒐᕙᒪᖓ ᐊᑲᐅᓯᓴᕐᕕᒃ ᐃᓱᒪᓕᕆᓂᕐᒧᑦ ᐃᑲᔪᖅᑕᐅᕕᖓᓂ ᓅᑎᕆᓚᐅᕐᒪᑕ ᓄᑖᙳᖅᑎᑕᐅᓯᒪᔪᒧᑦ ᐱᓕᕆᕝᕕᐅᔪᒧᑦ ᐱᐅᓂᖅᓴᓂᑦ ᐊᒥᓲᓂᖅᓴᓂᓪᓗ ᐱᔨᑦᓯᕋᐅᑎᓂᑦ ᐊᑐᐃᓐᓇᐅᖃᕈᓐᓇᕐᓂᐊᖅᑐᑦ ᐃᑲᔪᖅᑕᐅᔭᕆᐊᓕᓐᓄᑦ.

ᓅᑕᐅᓂᖓ ᓄᑖᙳᖅᑎᑕᐅᓂᖓᓗ ᐊᑲᐅᓯᓴᕐᕕᒻᒥᑦ ᐅᓪᓗᒥ ᖁᕕᐊᓲᑕᐅᖅᑲᐅᒻᒪᑦ ᓇᑦᓯᐅᑉ ᕿᓯᖓᓂ ᑭᐱᓯᔪᖃᖅᑐᓂ ᒪᑐᐃᖅᑕᐅᓂᖓᓄᑦ ᓄᓇᕘᑉ ᐃᓱᒪᓕᕆᓂᕐᒧᑦ ᐃᑲᔪᖅᑕᐅᕕᒃ ᐃᖃᓗᓐᓂ.

"ᐊᑲᐅᓯᓴᕐᕕᐅᑉ ᓅᑕᐅᓂᖓ ᐊᑕᐅᓯᕐᒥᑦ ᐊᓪᓗᕆᐊᕈᑕᐅᕗᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑲᒪᑦᑎᐊᓂᕐᒧᑦ ᐊᖏᓪᓕᑎᕆᓂᕐᒥᓪᓗ ᐃᓱᒪᓕᕆᓂᕐᒨᖓᔪᑦ ᐱᓕᕆᐊᑦᓴᑦ ᐱᔨᑦᓯᕋᐅᑏᓪᓗ," ᐅᖃᖅᑐᖅ ᑮᔅ ᐲᑐᓴᓐ, ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ. "ᓄᓇᕗᑦ ᒐᕙᒪᖓ ᖄᒃᑲᓐᓂᐊᒍᑦ $860,000ᓂᑦ ᑐᓂᓯᓂᐊᖅᑐᑦ ᐊᖏᓪᓕᒋᐊᖅᑕᐅᓂᐊᕐᒪᑦ ᐃᓱᒪᓕᕆᓂᕐᒨᖓᔪᖅ ᐱᓕᕆᐊᑦᓴᖅ ᐊᑲᐅᓯᓴᕐᕕᒻᒥ ᐅᑭᐅᖑᔪᒥ."

ᐊᑲᐅᓯᓴᕐᕕᒃ ᐃᓱᒪᓕᕆᓂᕐᒧᑦ ᐃᑲᔪᖅᑕᐅᕕᒃ ᓅᑕᐅᓚᐅᖅᑐᖅ ᑕᒻᒫᑎᕝᕕᒥᓂᕐᒧᑦ. $2.4 ᒥᓕᐊᓐᓂ ᐊᑭᖃᓚᐅᖅᑐᖅ ᐃᑲᕐᕋᓄᑦ 24ᓄᑦ, ᖃᐅᑕᒫᑦᑎᐊᖅ ᐱᓇᓱᐊᕈᓯᕐᒥᑦ ᑲᒪᒍᓐᓇᖅᑐᑦ 15ᓂ ᑕᐃᑲᓂᕐᒥᐅᑕᐅᔪᓂ ᐊᒻᒪ 40ᓂ ᐅᐸᒍᑎᖃᑦᑕᖅᑐᓂ ᐃᓱᒪᓕᕆᓂᕐᒧᑦ ᐃᑲᔪᖅᑕᐅᔭᕆᐊᓕᓐᓂᑦ.

ᐃᖅᑲᓇᐃᔭᖅᑎᖏᑦ ᓈᒪᓕᖅᐸᑕ, ᐃᓱᒪᓕᕆᕝᕕᒃ ᐃᖅᑲᓇᐃᔭᖅᑎᖃᕐᓂᐊᖅᑐᖅ ᐊᐅᓚᑦᓯᔨᒥ ᐃᓱᒪᓕᕆᓂᕐᒧᑦ ᐋᓐᓂᐊᓯᐅᖅᑎᖕᒥ, ᒪᕐᕉᖕᓂᒃ ᐃᓱᒪᓕᕆᓂᕐᒧᑦ ᐋᓐᓂᐊᓯᐅᖅᑏᖕᓂᒃ, ᐱᖓᓱᓂᑦ ᖃᓄᐃᙱᑦᓯᐊᕐᓂᕐᒧᑦ ᐅᖃᓪᓚᖃᑎᖃᓲᓂᑦ, ᖁᓕᓂᑦ ᐃᓅᓯᕐᒥᑦ ᐱᓕᕆᔪᓐᓇᕐᓂᕐᒥᑦ ᐃᖅᑲᓇᐃᔭᖅᑎᓂᑦ, ᑭᐅᔨ-ᑐᓵᔨ, ᑰᖃᕐᕕᖕᒥ ᐊᐅᓚᑦᑎᔨ ᐊᒻᒪ ᑲᒪᒋᔭᖃᓲᒥᑦ.

###

ᐱᕙᓪᓕᐊᔪᓄᑦ ᖃᐅᔨᒋᐊᕐᕕᒃ:

ᕌᓐ ᐅᐊᓯᖕᒃ

ᑐᓴᒐᒃᓴᓕᕆᓂᕐᒧᑦ ᖃᐅᔨᒪᔨᑕᖅ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ

ᐅᖃᓘᑖ: (867) 975-5710

rwassink@gov.nu.ca