ᐅᖃᓚᐅᑎᓯᐅᑏᑦ

You are here

ᐃᖃᓗᐃᑦ ᖃᖓᑕᔫᒃᑯᕕᖓ ᐱᐅᓯᒋᐊᖅᑕᐅᓂᖓᓄᑦ ᐱᓕᕆᐊᖅ ᑲᔪᓯᒋᐊᕐᓂᐊᖅᑐᖅ ᓂᕈᐊᕐᓂᖃᖅᓱᑎᒃ ᑐᑦᓯᕋᐅᑕᐅᓯᒪᔪᓂᑦ

ᔪᓚᐃ 03, 2013

ᐱᕙᓪᓕᐊᔪᑦ ᓴᖅᑭᑕᑦ

ᓴᖅᑭᑕᐅᓴᐅᑎᒋᒋᐊᓕᒃ

ᐃᖃᓗᐃᑦ ᖃᖓᑕᔫᒃᑯᕕᖓ ᐱᐅᓯᒋᐊᖅᑕᐅᓂᖓᓄᑦ ᐱᓕᕆᐊᖅ ᑲᔪᓯᒋᐊᕐᓂᐊᖅᑐᖅ ᓂᕈᐊᕐᓂᖃᖅᓱᑎᒃ ᑐᑦᓯᕋᐅᑕᐅᓯᒪᔪᓂᑦ

ᐃᖃᓗᐃᑦ, ᓄᓇᕗᑦ (ᔪᓚᐃ 3, 2013) - ᒐᕙᒪᒃᑯᑦ ᓄᓇᕘᒥ ᐅᖃᖅᑐᑦ ᐅᓪᓗᒥ ᐅᑭᐅᖅᑕᖅᑐᒥᑦ ᓄᓇᓖᑦ ᐊᑐᖅᐸᑦᑕᖏᑦ ᐊᐅᓚᔪᓐᓇᖁᓪᓗᒋᑦ ᑲᑐᔾᔨᖃᑎᒌᑦ ᓂᕈᐊᖅᑕᐅᓯᒪᓕᖅᑐᑦ ᑐᑦᓯᕋᐅᑕᐅᓯᒪᔪᓂᑦ ᑎᑎᕋᐅᔭᕐᓂᕐᒥᑦ, ᓴᓇᓂᕐᒥᑦ, ᑮᓇᐅᔭᓕᕆᓂᕐᒥᑦ, ᐊᐅᓚᑦᓯᓂᕐᒥᑦ ᐊᒻᒪᓗ ᑲᒪᒋᔭᖃᕐᓂᕐᒥᑦ ᐃᖃᓗᐃᑦ ᖃᖓᑕᔫᒃᑯᕕᖓᓂᑦ ᐱᐅᓯᒋᐊᖅᑕᐅᓂᖓᓄᑦ ᐱᓕᕆᐊᖅᒥᑦ.

ᒪᓕᑦᓱᑎᑦ ᓴᓇᔪᒪᓂᕐᒧᑦ ᑐᑦᓯᕋᐅᑎᑎᒍᑦ (RFP) ᑐᓂᔭᐅᓯᒪᔪᓂᑦ ᖃᐅᔨᓴᕐᓂᕐᒥᓪᓗ ᐊᑭᑦᑐᕋᐅᑎᔪᓂᑦ ᓂᕈᐊᕐᓂᕐᒧᑦ ᑲᔪᓯᕙᓪᓕᐊᓂᕐᒥᑦ, ᐅᑭᐅᖅᑕᖅᑐᒥᑦ ᓄᓇᓖᑦ ᐊᑐᖅᐸᑦᑕᖏᑦ ᐊᐅᓚᔪᓐᓇᖁᓪᓗᒋᑦ ᑲᑐᔾᔨᖃᑎᒌᑦ ᓂᕈᐊᖅᑕᐅᓯᒪᔪᑦ ᑲᔪᓯᖏᓐᓇᓂᕐᒥᑦ ᐅᖃᖃᑎᒌᓐᓂᕐᒥᑦ ᓄᓇᕘᒥ ᒐᕙᒪᒃᑯᑦ ᑎᑭᐅᑎᓂᕐᒥᑦ ᑳᓐᑐᕌᓕᕆᓂᕐᒧᑦ ᐅᐱᕐᖔᖑᓚᒐᔪᒥᑦ. ᓂᕆᐅᒋᔭᐅᔪᖅ ᐱᓕᕆᔾᔪᑏᑦ ᐱᖁᑏᓪᓗ ᑎᑭᓛᖅᑐᑦ 2013 ᐅᒥᐊᕐᔪᐊᖃᕐᓇᕐᒥᑦ ᐊᒻᒪᓗ ᓴᓇᔭᐅᓂᖓ ᐱᒋᐊᓛᖅᑐᖅ ᐅᐱᕐᖓᑦᓵᖓᓂᑦ 2014. ᐱᓕᕆᐊᕆᔭᐅᓇᓱᑦᑐᑦ ᓂᕆᐅᒋᔭᐅᔪᖅ ᐱᔭᕇᓛᕆᐊᖓᓂᑦ ᓄᓐᖑᐊᓂᑦ ᐊᕐᕌᒎᑉ 2017.

ᐃᖃᓗᐃᑦ ᖃᖓᑕᔫᒃᑯᕕᖓ ᐱᐅᓯᒋᐊᖅᑕᐅᓂᖓᓄᑦ ᐱᓕᕆᐊᖅ ᐃᓚᖃᕐᓂᐊᖅᑐᖅ ᓄᑖᒥᑦ ᖃᖓᑕᔫᒃᑯᕕᒻᒥᑦ ᐃᓪᓗᔪᐊᖅᒥᑦ; ᐊᖏᓪᓕᒋᐊᖅᓯᒪᔪᒥᑦ ᖃᖓᑕᔫᓄᑦ ᓄᖅᑲᖓᕕᐅᓂᐊᖅᑐᓂᑦ; ᓄᑖᑦ ᖃᐅᒻᒪᖅᑯᑎᓄᑦ ᐊᑐᖅᑕᐅᕙᑦᑐᑦ; ᓄᑖᖑᕆᐊᖅᓯᒪᔪᖅ ᒥᑦᑕᕐᕕᒃ; ᐊᒻᒪᓗ ᓄᑖᖅ ᐱᔨᑦᓯᕋᕐᕕᒃ ᐃᓪᓗᕐᔪᐊᖅ ᐃᓂᒋᔭᐅᓂᐊᖅᑐᖅ ᖃᑦᑎᕆᔨᒃᑯᑦ ᐃᖏᕐᕌᔪᑎᖏᓐᓄᑦ/ᐃᑲᔪᕈᑏᑦ ᐱᖁᑎᖏᑦ ᐅᖁᒪᐃᑦᑐᕐᓂᐅᑏᓪᓗ ᑲᒪᒋᔭᖃᕐᓂᐊᖅᑐᑦ ᒥᑦᑕᕐᕕᒻᒥᑦ ᐊᒻᒪᓗ ᓄᖅᑲᖓᕕᓐᓂᑦ. ᐱᓕᕆᐊᖅ ᐃᓚᖓᒍᑦ ᑮᓇᐅᔭᖃᖅᑎᑕᐅᔪᖅ ᑭᒃᑯᑐᐃᓐᓇᕐᓄᑦ-ᐃᓛᒃᑰᖅᑐᓄᑦ ᑲᑐᔾᔨᖃᑎᒌᑦ ᑲᓇᑕᒥᑦ, ᒐᕙᒪᑐᖃᒃᑯᑦ ᑯᐊᐳᕇᓴᖓᑦ.

ᐊᔾᔨᒌᑎᑦᓯᓂᕐᒧᑦ ᐅᖃᐅᔾᔨᒋᐊᖅᑎ, ᔭᐃᓐ ᓵᒃᑯᓪ ᖃᓄᐃᓐᓂᖏᓐᓂᑦ ᐱᓕᕆᔾᔪᑎᓕᒫᓂᑦ, ᑎᒃᑯᐊᖅᑕᐅᓯᒪᔪᖅ ᖃᐅᔨᓴᕐᓂᐊᖅᑎᓪᓗᒍ ᐊᑭᑦᑐᕋᐅᑎᔪᓂᑦ ᓂᕈᐊᕐᓂᕐᒧᑦ ᑲᔪᓯᕙᓪᓕᐊᓂᕐᒥᑦ--ᐃᓚᖃᑦᓱᓂ ᖃᐅᔨᓴᕐᓂᕐᒥᑦ ᓴᓇᔪᒪᓂᕐᒧᑦ ᑐᑦᓯᕋᐅᑎᑎᒍᑦ ᑭᐅᔾᔪᑎᓂᑦ--ᐊᒻᒪᓗ ᖃᐅᔨᑦᓱᓂ ᖃᐅᔨᓴᕐᓂᖅ ᐊᔾᔨᒌᑎᑦᓯᓂᐅᒋᐊᖓᓂᑦ. ᐊᔾᔨᒌᑎᑦᓯᓂᕐᒧᑦ ᐅᖃᐅᔾᔨᒋᐊᖅᑎᐅᑉ ᐅᓂᒃᑳᓕᐊᒥᓂᖓ ᐊᑐᐃᓐᓇᐅᑎᑕᐅᓂᐊᖅᑐᖅ ᐱᔭᕇᖅᓯᒪᓕᖅᐸᑦ, ᐅᕙᓂ: http://www.edt.gov.nu.ca/apps/Authoring/dspPage.aspx?page=airport_improv...

###

ᐱᕙᓪᓕᐊᔪᓄᑦ ᖃᐅᔨᒋᐊᕐᕕᒃᓴᖅ:

ᐹᒻ ᑰᓪᑐ

ᑐᓴᕋᑦᓴᓕᕆᓂᕐᒧᑦ ᑐᑭᒧᐊᖅᑎᑦᓯᔨ

ᒐᕙᒪᓕᕆᔨᒃᑯᑦ

867-975-6049

ᐃᕐᖐᓈᖅᑕᐅᑦ: pcoulter2@gov.nu.ca