ᓄᓇᕗᒻᒥ ᑭᒡᓕᓯᓂᐊᖅᑎᑦᑯᑦ

ᓄᓇᕗᒻᒥ ᑭᒡᓕᓯᓂᐊᖅᑎᑦᑯᑦ ᓄᓇᕗᑦ ᒐᕙᒪᒃᑯᖏᑦᑕ ᑐᑦᑕᕐᕕᒋᕙᐅᒃ ᑭᒡᓕᓯᓂᐊᖅᑎᒋᓪᓗᓂᐅᒃ. ᓄᐊᑦᓯᖃᖅᑕᖅᑐᑦ, ᑎᑎᕋᖅᓯᒪᔪᖁᑎᒋᔭᐅᔪᑦ, ᖃᐅᔨᓴᖃᑦᑕᖅᑐᑦ ᑐᓂᐅᖅᑲᐃᕙᑦᓱᑎᓪᓗ ᑭᒡᓕᓯᓂᐊᖅᑕᐅᓯᒪᔪᓂᑦ ᑎᑎᕋᖅᓯᒪᔪᓂᑦ ᖃᐅᔨᓴᕐᑕᐅᓂᑯᓂᑦ ᓄᓇᕗᒻᒥ ᓄᓇᕗᒻᒥᐅᓄᑦ ᑲᓇᑕᓕᒫᒥᑦ. ᑎᑎᕋᖅᓯᒪᔪᑦ ᖃᐅᔨᓴᕐᑕᐅᓂᑯᐃᑦ ᐊᑐᐃᓐᓇᐅᑎᑕᐅᕙᑦᑐᑦ ᐃᑲᔪᕐᓂᕐᒥᑦ ᒐᕙᒪᒃᑯᓐᓂᑦ ᐃᓱᒪᓕᐅᕈᑎᖏᓐᓂᑦ, ᐸᕐᓇᐅᑎᖏᓐᓂᑦ, ᐊᑐᓕᖅᑎᑦᓯᓂᕐᒥᑦ, ᖃᐅᔨᓴᕐᓂᕐᒥᓪᓗ, ᐊᒻᒪ ᑐᑭᓯᒋᐊᕈᑎᑦᓴᓂᑦ ᐊᑐᐃᓐᓇᐅᑎᑦᓯᓂᕐᒥᑦ ᑭᒃᑯᑐᐃᓐᓇᕐᓄᑦ.

ᑐᑭᓯᒋᐊᑲᓐᓂᕈᓐᓇᖅᑐᑎᑦ, ᓄᓇᕗᒻᒥ ᑭᒡᓕᓯᓂᐊᖅᑎᒃᑯᑦ ᐃᑭᐊᖅᑭᕕᖓᓄᑦ:

http://stats.gov.nu.ca/en/home.aspx

ᐸᐅᓗᓯ ᐊᕿᐊᕈᖅ

ᓯᕗᓕᖅᑎ ᓄᓇᕗᒻᒥ

ᐸᐅᓗᓯ ᐊᕿᐊᕈᖅ ᓂᕈᐊᖅᑕᐅᓚᐅᖅᑐᖅ ᓂᕈᐊᕕᔾᔪᐊᕐᓇᐅᑎᓪᓗᒍ ᐊᒃᑑᕝᕙ 25, 2021-ᒥ, ᑭᒡᒐᖅᑐᐃᓂᐊᕐᓗᓂ ᐃᖃᓗᐃᑦ−ᓂᐊᖁᓐᖒ ᓂᕈᐊᖅᑕᐅᓯᒪᕕᖓᓂᑦ 6-ᒋᔭᖓᓂ ᓄᓇᕗᑦ ᒪᓕᒐᓕᐅᖅᕕᖓᓂᑦ. ᒥᔅᑕ ᐊᕿᐊᕈᖅ ᓂᕈᐊᖅᑕᐅᓚᐅᖅᑐᖅ ᓄᓇᕗᒻᒥ ᓯᕗᓕᖅᑎᐅᓂᕐᒧᑦ ᓄᓇᕗᒻᒥ ᒪᓕᒐᓕᐅᖅᑏᑦ ᓯᕗᓕᖅᑎᒃᓴᓂᑦ ᑲᑎᒪᐅᑎᖃᖅᑎᓪᓗᒋᑦ ᓄᕕᐱᕆ 17, 2021-ᒥ. ᐊᖏᖅᑎᑕᐅᓚᐅᖅᑐᖅ ᓯᕗᓕᖅᑎᕈᖅᑐᓂ ᓄᕕᐱᕆ 19, 2021-ᒥ. ᓂᕈᐊᖅᑕᐅᓚᐅᕋᓂ ᓱᓕ, ᒥᔅᑕ ᐊᕿᐊᕈᖅ ᒪᕐᕈᐊᖅᑎᖅᑐᓂ ᐱᔨᑦᑎᕋᓚᐅᖅᑐᖅ ᐊᖏᔪᖅᑳᕆᔭᐅᓪᓗᓂ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖓᓄᑦ. ᐃᖅᑲᓇᐃᔮᓂ ᐱᓕᕆᐊᕆᓚᐅᖅᓯᒪᔭᖏᑦ ᐃᓚᖃᖅᑐᑦ ᖁᑦᑎᑦᑐᓂᒃ ᐃᖅᑲᓇᐃᔮᖃᖃᑦᑕᖅᓯᒪᓪᓗᓂ ᐊᐅᓚᑦᑎᔨᐅᖃᑕᐅᓪᓗᓂ ᓄᓇᕗᑦ ᑐᓐᖓᕕᒃ ᑎᒥᖁᑎᖓᓂ ᐊᒻᒪᓗ ᐃᓄᐃᑦ ᖃᐱᕇᒃᑯᓐᓂ ᑲᓇᑕᒥ. ᑲᑎᒪᔨᐅᖃᑦᑕᖅᓯᒪᒻᒥᔪᖅ ᓛᒐ ᕚᐱᓐᑯᓐᓂ, ᒪᑭᒋᐊᖅᑕ ᐃᓄᓐᓂᒃ ᐱᓕᒻᒪᒃᓴᐃᓂᕐᒧᑦ ᑯᐊᐳᕇᓴᓐᖓᓂ ᐊᒻᒪᓗ ᓄᓇᓯ ᑯᐊᐳᕇᓴᓐᑯᓐᓂ.

A-ᒥᑦ Z-ᒧᑦ ᐱᓕᕆᐊᑦ ᐱᔨᑦᑎᕈᑏᓪᓗ