ᐅᖃᓚᐅᑎᓯᐅᑏᑦ

You are here

ᓯᕗᓕᖅᑎᒃᓴᑦ

ᑭᓲᕙ ᓯᕗᓕᖅᑎᒃᓴᑦ ᐱᓕᕆᐊᖓ?

ᓯᕗᓕᖅᑎᒃᓴᑦ ᐃᖅᑲᓇᐃᔭᖅᓯᓐᓈ ᐃᓕᓐᓂᐊᕐᓂᐅᕗᖅ ᓴᖅᑭᑎᑕᐅᓯᒪᓪᓗᓂ ᐃᓄᐃᑦ ᓄᓇᖃᖅᑳᖅᓯᒪᔪᑦ ᐊᐅᓚᑦᑎᔨᐅᓂᕐᒧᑦ ᐃᖅᑲᓇᐃᔮᓖᑦ ᐅᓄᖅᓯᒋᐊᖁᓪᓗᒋᑦ (ᑐᑭᒧᐊᒃᑎᑦᑎᔨᑦ, ᐊᐅᓚᑦᑎᔨᑦ, ᐊᖓᒧᖅᑳᑦ ᐊᓯᖏᓪᓗ) ᐊᒻᒪ ᖃᐅᔨᒪᔨᑕᒻᒪᕆᑦ (ᐊᔾᔨᖃᙱᑦᑐᖅ ᐱᓕᕆᕝᕕᖕᒧᑦ) ᓄᓇᕗᑦ ᒐᕙᒪᖓᑦ.

ᐃᖅᑲᓇᐃᔭᖅᑎᙳᕆᐅᖅᓴᔪᑦ ᐅᑭᐅᒥᒃ ᐊᑕᐅᓯᕐᒥᑦ ᐱᒋᐊᖅᖢᓂ ᐱᖓᓱᓄᑦ ᑎᑭᖦᖢᒍ ᑕᑭᓂᖃᒐᔪᒃᐳᑦ (ᐃᖅᑲᓇᐃᔮᒃᓴᖅ ᒪᓕᒃᖢᒍ ᐊᒻᒪ ᐃᖅᑲᓇᐃᔭᖅᑎᙳᕆᐅᖅᓴᔫᑉ ᐊᔪᙱᓕᕆᐊᖃᖅᑕᖏᑦ ᐋᖅᑭᒃᓯᒪᔪᑦ ᐊᒻᒪ ᐱᓕᕆᖃᑦᑕᖅᓯᒪᔭᖏᑦ) ᐊᒻᒪ ᐃᑲᔪᖅᑕᐅᓪᓗᑎᒃ ᑎᓕᔭᐅᓯᒪᔪᒥᑦ ᐱᓕᒻᒪᒃᓴᐃᔨᒥᑦ ᐃᖅᑲᓇᐃᔭᖅᑎᙳᕆᐅᖅᓴᕐᓇᖅᑎᓪᓗᒍ, ᐋᖅᑭᒋᐊᖅᓯᒪᔪᒥ ᐃᓕᓐᓂᐊᒐᒃᓴᒥᒃ ᐸᕐᓇᐅᒻᒥᒃ ᐊᒻᒪ ᑲᑎᙵᔪᓄᑦ ᐊᒻᒪ ᐃᓛᒃᑰᖅᑐᓄᑦ ᐃᓕᓐᓂᐊᒐᒃᓴᓂᒃ.

ᒐᕙᒪᓕᕆᔨᒃᑯᑦ ᑲᒪᒋᔭᒃᓴᖃᖅᐳᑦ ᐱᓕᕆᐊᒃᓴᑦ ᑮᓇᐅᔭᖏᓐᓂᒃ ᐊᒻᒪ ᐊᒡᓚᕝᕕᓕᕆᔾᔪᑎᖏᓐᓂᒃ, ᐃᑲᔪᖅᑐᐃᓪᓗᑎᒃ 16-ᓂᒃ ᐃᖅᑲᓇᐃᔭᖅᑎᙳᕆᐅᖅᓴᔪᑦ ᐃᓂᓂᒃ. ᐊᑕᐅᓯᖅ ᐅᓪᓗᓕᒫᖅ ᐃᖅᑲᓇᐃᔭᖃᑦᑕᕐᓂᐊᖅᑐᖅ ᐱᓕᕆᐊᒃᓴᓕᕆᔨ (ᓯᕗᓕᖅᑎᒃᓴᓄᑦ ᐊᐅᓚᑦᑎᔨ) ᐊᑐᐃᓐᓇᐅᔪᖃᖅᐳᖅ ᐃᑲᔪᖃᑦᑕᕐᓂᐊᖅᑐᒥᒃ ᐱᓕᕆᕝᕕᖕᓂ, ᐃᖅᑲᓇᐃᔭᖅᑎᙳᕆᐅᖅᓴᔪᓂᒃ, ᑎᓕᔭᐅᓯᒪᔪᒥᒃ ᐱᓕᒻᒪᒃᓴᐃᔨᒥᒃ ᐊᒻᒪ ᐊᐅᓚᑎᔨᓂᒃ ᓇᓂᑐᐃᓐᓇᑦᑎᐊᖅ ᐱᓕᕆᐊᖑᔪᒥ.

ᓱᓕᒃᑲᓐᓂᖅ.

 

ᐊᒫᖅᑖᕐᓂᖅ ᐃᓕᓐᓂᐊᕐᓂᕐᒧᑦ ᐱᓕᕆᐊᒃᓴᖅ

ᐊᒫᖅᑖᕐᓂᖅ ᑮᓇᐅᔭᖃᖅᑎᑦᑎᓲᑦ ᐃᓕᓐᓂᐊᕆᐊᖅᓯᒪᑯᑖᖕᓂᐊᖅᑐᓂᑦ ᓯᓚᑦᑐᖅᓴᕐᕕᖕᒧᑦ ᓄᖅᑲᖓᒋᐊᓕᖕᓄᑦ ᐃᓕᓐᓂᐊᕆᐊᕐᓗᑎᒃ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᐃᓄᖕᓂᑦ ᐱᓇᓱᐊᕈᒪᔪᓄᑦ ᐃᖅᑲᓇᐃᔮᒃᓴᒥᑦ ᐃᓐᓄᒃᑕᐅᔪᓐᓇᐃᓕᐅᖅᑲᖃᑦᑕᖅᑐᓄᑦ ᐱᓕᕆᕝᕕᖏᓐᓂᑦ ᐃᖅᑲᓇᐃᔭᕐᕕᒋᔭᖏᓐᓂᑦ. ᐃᖅᑲᓇᐃᔭᖅᑎᑦ ᐃᓚᐅᔪᓐᓇᖅᑐᑦ ᓴᓈᒃᓴᓂᒃ ᓴᓇᕝᕕᒃᑯᒥᒋᔭᖏᓐᓂᒃ ᓇᓗᓇᐃᖅᓯᓗᑎᒃ, ᐃᓕᓐᓂᐊᒃᑲᓐᓂᕈᒪᑐᐊᖅᐸᒍ. 

ᐃᖅᑲᓇᐃᔮᓂᒃ ᐱᕙᓪᓕᐊᑎᑦᑎᓂᕐᒥᒃ ᐃᓕᓐᓂᐊᖅᑕᐅᔪᒃᓴᖅ

ᐃᖅᑲᓇᐃᔮᓂᒃ ᐱᕙᓪᓕᐊᑎᑦᑎᓂᕐᒥᒃ ᐱᓕᕆᐊᒃᓴᑦ ᑐᕌᖓᑎᑕᐅᔪᑦ ᐊᔾᔨᒌᙱᑦᑐᓂᑦ ᐃᖅᑲᓇᐃᔮᒃᓴᓂᑦ ᐱᓕᕆᖃᑦᑕᖅᓯᒪᖁᓪᓗᒋᑦ ᓄᓇᕗᒻᒥ ᐃᓄᐃᑦ ᐃᖅᑲᓇᐃᔭᖅᑎᖏᑦ. ᐱᓕᕆᐊᖑᑎᓪᓗᒋᑦ ᐃᓕᓐᓂᐊᖃᑕᐅᔪᓂᑦ ᐱᓕᕆᖃᑕᐅᑎᑦᑎᖃᑦᑕᖅᐳᑦ ᓂᕈᐊᕆᔭᒥᓂᒃ ᑕᖅᑭᑦ 12-ᓄᑦ ᑎᑭᖦᖢᒍ ᐊᑐᓂ ᐱᓕᕆᐊᒃᓴᓂᑦ ᐊᒻᒪ ᐱᓕᕆᖃᑕᐅᔪᖅ ᐱᖓᓱᓄᑦ ᑎᑭᓪᓗᒍ ᐱᓕᕆᐊᒃᓴᖃᕈᓐᓇᖅᖢᓂ. ᐊᑐᓂ ᐱᓕᕆᐊᒃᓴᖏᑦ ᒪᓕᒃᐳᑦ ᐃᓕᓐᓂᐊᒐᒃᓴᑦ ᐸᕐᓇᒃᑕᐅᓯᒪᔪᓂᑦ ᐊᒻᒪ ᓴᖅᑭᑦᑎᒋᓪᓗᓂ ᐃᖅᑲᓇᐃᔭᖅᑎᐅᑉ ᐊᔪᕈᓐᓃᖅᓴᕈᒪᔭᖏᓐᓂᒃ ᖃᐅᔨᒪᓕᕈᒪᔭᖏᓐᓂᒡᓗ.

ᐃᓕᓐᓂᐊᕆᐊᖅᑐᓄᑦ ᖃᖓᑦᑕᐅᑎᓄᑦ ᑮᓇᐅᔭᑦ

ᐃᓕᓐᓂᐊᕆᐊᖅᑐᓄᑦ ᖃᖓᑦᑕᐅᑎᑦ ᑮᓇᐅᔭᖏᑦ ᐋᖅᑭᒃᑕᐅᓚᐅᖅᐳᑦ ᖃᖓᑦᑕᐅᑎᒃᓴᓄᑦ ᐊᑭᓕᐅᑕᐅᖃᑦᑕᖁᓪᓗᒋᑦ ᓄᓇᕗᒻᒥ ᐃᓄᐃᑦ ᐃᖅᑲᓇᐃᔭᖅᑎᖏᓐᓄᑦ ᐱᓕᕆᐊᒥᓄᑦ ᐊᒃᑐᐊᓂᓕᖕᓂᒃ ᐃᓕᓐᓂᐊᕆᐊᖅᑐᓄᑦ ᓄᓇᖓᑕ ᓯᓚᑖᓄᑦ.  ᑐᕌᒐᖃᖅᐳᑦ ᐅᓄᖅᓯᒋᐊᖅᑎᑦᑎᔪᒪᓪᓗᑎᒃ ᐃᓄᖕᓂᑦ ᐃᓕᓐᓂᐊᖅᑎᓂᑦ ᐃᖅᑲᓇᐃᔮᓄᑦ ᐊᒃᑐᐊᓂᓕᖕᓂᑦ ᐃᓕᓐᓂᐊᖅᑐᓄᑦ ᐊᒻᒪ ᑲᑎᖦᖢᒋᑦ ᐃᓕᓐᓂᐊᖅᓯᒪᔭᖏᑦ.  ᐱᓕᕆᕝᕕᒋᔭᐅᔪᑦ ᑐᒃᓯᕋᖅᑕᖓ ᖃᖓᑦᑕᐅᑎᓄᑦ ᐅᑎᖅᑎᑕᐅᔾᔪᑎᓂᒃ ᐊᒻᒪᓗ ᑐᒃᓯᕋᖅᑐᑦ ᑕᑯᑎᑦᑎᔭᕆᐊᖃᖅᐳᑦ ᐱᓇᔪᒍᓐᓇᖅᑎᑕᐅᓗᓂ ᐊᑐᕆᐊᓕᖏᑦ ᒪᓕᒃᑕᐅᓂᖏᓐᓂᒃ ᐊᒻᒪ ᓇᓗᓇᐃᖅᓯᔾᔪᑕᐅᔪᓐᓇᖅᑐᓂᑦ ᓴᖅᑭᑎᑦᑎᓗᓂ ᖃᖓᑦᑕᐅᑎᓄᑦ ᐊᑭᓕᕆᐊᓕᖕᓄᑦ.

ᐊᑐᐊᒐᓕᕆᓂᕐᒧᑦ ᑐᙵᕕᖏᑦ ᐱᓕᕆᐊᒃᓴᑦ

ᐊᑐᐊᒐᓕᕆᓂᕐᒧᑦ ᑐᙵᕕᖏᑦ ᐱᓕᕆᐊᒃᓴᑦ ᑐᕌᖓᑎᑕᐅᔪᖅ ᓄᓇᕗᑦ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᐃᓕᓐᓂᐊᖃᑕᐅᔪᒪᓇᔭᖅᑐᓄᑦ ᑭᓱᑦ ᐃᓚᓕᐅᔾᔭᐅᓯᒪᖕᒪᖔᑕ ᐊᑐᐊᒐᓕᕆᓂᕐᒥ, ᐃᖅᑲᓇᐃᔮᒃᓴᖅᓯᐅᖅᐸᒃᑐᓄᓪᓗ ᐃᓄᖕᓄᑦ ᐊᑐᐊᒐᓕᕆᔪᓂᒃ.  ᑖᓐᓇ ᐱᓕᕆᐊᖑᔪᖅ ᓂᕆᐅᒋᔭᐅᕗᖅ ᓈᒪᔪᓂᒃ ᐊᒻᒪ ᐱᒻᒪᕆᐅᔪᓂᑦ ᐃᑲᔫᑎᖃᖁᓪᓗᒋᑦ ᓄᓇᕗᒻᒥ ᒐᕙᒪᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᐅᓄᖅᓯᒋᐊᕈᒪᓪᓗᒋᓪᓗ ᑭᒡᒐᖅᑐᐃᔨᑦ ᐃᓄᖕᓄᑦ ᐊᑐᐊᒐᓕᕆᓂᕐᒧᑦ ᐃᓂᖃᖅᑐᓂᑦ.