ᐅᖃᓚᐅᑎᓯᐅᑏᑦ

You are here

ᓄᕙᒡᔪᐊᕐᓇᖅᑐᒧᑦ ᐊᑐᖅᑕᐅᕙᒃᑐᖅ ᓄᓇᕘᒥ

ᔭᓐᓄᐊᓕ 14, 2014

ᐅᖃᐅᓯᐅᔪᖅ

ᓄᕙᒡᔪᐊᕐᓇᖅᑐᒧᑦ ᐊᑐᖅᑕᐅᕙᒃᑐᖅ ᓄᓇᕘᒥ

ᔭᓄᐊᕆ 14, 2014

ᐃᖃᓗᐃᑦ, ᓄᓇᕗᑦ

ᒨᕇᓐ ᐸᐃᑭ, ᐃᓗᐊᖅᓴᐃᕙᖕᓂᕐᒧᑦ ᐱᓕᕆᔨᓪᓗᐊᑕᖅ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ, ᓴᖅᑭᑎᑦᑎᓚᐅᖅᑐᖅ ᐆᒥᖓ ᐅᖃᐅᓯᕆᔭᐅᔪᒥᒃ:

"ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓴᖅᑭᑎᑦᑎᓯᒪᓕᖅᐳᑦ ᖃᖓᑦᑎᐊᓵᖅ ᑭᒃᑯᓕᒫᓄᑦ ᐱᔨᑦᑎᕋᕐᕕᖃᖅᐸᖕᓂᕐᒧᑦ ᑐᓴᖅᑎᑦᑎᔾᔪᑎᓂᒃ ᐱᕙᓪᓕᐊᔪᑎᒍᓪᓗ ᐅᖃᖃᑎᖃᖃᑦᑕᖅᓯᒪᓪᓗᑎᒃ ᑎᓕᐅᕆᔪᓂᒃ ᓄᓇᕘᒥᐅᓂᒃ ᓄᕙᒡᔪᐊᕐᓇᖅᑐᒧᑦ ᑲᐱᔭᐅᖁᓪᓗᒋᑦ.

ᐃᓂᒋᔭᐅᔪᓂ ᑲᓇᑕᓕᒫᒥ, ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐱᔪᓐᓇᐅᑎᓖᑦ ᐊᓯᖏᓐᓂ ᐊᕕᒃᓯᒪᓂᐅᔪᓂ ᑲᓇᑕᒥ ᐅᑭᐅᖅᑕᖅᑐᒥᓗ ᐅᖃᖃᑦᑕᖅᓯᒪᓕᖅᐳᑦ ᐊᒥᒐᖅᓯᓕᕐᓂᕐᒥᓂᒃ ᓄᕙᒡᔪᐊᕐᓇᖅᑐᒧᑦ ᑲᐱᔭᐅᔾᔪᑕᐅᕙᒃᑐᓂᒃ. ᑕᒪᓐᓇᓕ ᒫᓐᓇ ᓱᓕ ᑕᐃᒪᐃᙱᓚᖅ ᓄᓇᕘᒥ.

ᓄᕙᒡᔪᐊᕐᓇᖅᑐᒧᑦ ᐃᓗᐊᖅᓴᖅᑕᐅᓂᖅ, ᓲᕐᓗ FluMist-ᒧᑦ, ᐊᑐᖅᑕᐅᔭᕆᐊᖃᖅᐳᖅ ᐃᓱᓕᕝᕕᒃᓴᖃᖅᑎᑕᐅᕙᒃᖢᓂ ᐅᓪᓗᐊᑕ ᓴᓇᔭᐅᓚᐅᕐᓂᖓᓄᑦ. ᓇᓗᙱᑦᑎᐊᕈᒪᓂᕐᒧᑦ ᑕᒪᒃᑯᐊ ᐊᑐᖅᑕᐅᕙᒃᑐᑦ ᑎᑭᐅᑎᙱᒃᑲᓗᐊᕐᒪᖔᑕ ᐊᑐᖅᑕᐅᔪᓐᓇᕐᓂᖏᑕ ᐃᓱᓕᕝᕕᒃᓴᖏᓐᓄᑦ, ᖃᓄᖅ ᐊᕐᕌᒍᖃᖅᑎᒋᔪᓐᓇᕐᓂᖏᑦ FluMist-ᒧᑦ ᐃᓗᐊᖅᓴᐅᑎᒧᑦ ᐊᑐᕈᓐᓇᖅᑐᑦ ᐅᓄᖅᓯᒋᐊᖅᑎᑕᐅᓂᐊᖅᐳᑦ ᐃᓚᓕᐅᔾᔭ.ᐅᓂᐊᖅᖢᑎᒃ ᑭᒃᑯᑐᐃᓐᓇᐃᑦ ᐊᕐᕌᒍᓕᖕᓄᑦ 2-ᒥᑦ 59-ᓄᑦ ᔭᓄᐊᕆ 20, 2014-ᖑᕋᓱᖕᓂᖓᓂ. ᑖᓐᓇ FluMist ᐃᓗᐊᖅᓴᖅᑕᐅᔾᔪᑎ ᑎᖕᒥᑳᖅᑎᑕᐅᕙᒃᐳᖅ ᓱᕐᓗᒧᑦ.

ᑭᒃᑯᑐᐃᓐᓇᐃᑦ ᐃᖅᑲᐃᑎᑦᑐᒪᕙᒃᑲ ᐃᓕᖕᓂᒃ ᓴᐳᑎᓯᒪᔪᓐᓇᕐᓂᕐᓂᒃ ᐊᑐᕐᓗᑎᑦ ᐱᐅᔪᓂᒃ ᐋᓐᓂᐊᖃᕐᓇᙱᑦᑐᓐᓇᕐᓂᕐᒧᑦ ᐊᑐᖅᑕᐅᕙᒃᑐᓂᒃ:

• ᐃᓕᖕᓂᒃ ᑲᐱᔭᐅᑎᓪᓗᑎᑦ ᐃᓗᐊᖅᓴᖅᑕᐅᑎᓪᓗᑎᑦ

• ᖃᓃᑦ ᒪᑐᕙᒡᓗᒍ ᖁᐃᖅᓱᓕᕌᖓᕕᑦ ᑕᒋᐅᓕᕌᖓᕕᓪᓘᓐᓃᑦ

• ᐊᒡᒐᑎᑦ ᐅᐊᓴᕋᔪᒃᐸᒡᓗᒋᑦ

ᐋᓐᓂᐊᕌᖓᕕᑦ ᐊᖏᕐᕋᖅᓯᒪᖁᔭᐅᓇᔭᖅᐳᑎᑦ, ᐊᖏᕐᕋᖅᓯᒪᓗᑎᑦ ᑕᒪᓐᓇ ᓄᕙᒡᔪᐊᕐᓇᖅ ᓯᐊᒻᒪᒃᑎᑉᐸᓪᓕᐊᖁᓇᒍ.

ᓄᕙᒡᔪᐊᕐᓇᕐᒧᑦ ᑲᐱᔭᐅᔪᓐᓇᖅᐳᑎᑦ ᐃᓗᐊᖅᓴᖅᑕᐅᔪᓐᓇᖅᐳᑎᑦ ᓄᓇᔅᓯᓐᓂ ᐋᓐᓂᐊᕕᓕᐊᕐᕕᔅᓯᓐᓂ."

###

ᐱᕙᓪᓕᐊᔪᓄᑦ ᖃᐅᔨᒋᐊᕐᕕᒃᓴᖅ:

ᕌᓐ ᐅᐊᓯᖕᒃ

ᑐᓴᐅᒪᑎᑦᑎᕙᖕᓂᕐᒧᑦ ᐱᓕᕆᔨᒻᒪᕆᒃ

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ

867-975-5710

rwassink@gov.nu.ca