ᐅᖃᓚᐅᑎᓯᐅᑏᑦ

You are here

ᓄᓇᕐᔪᐊᓕᒫᒥ ᐃᒻᒥᓃᖅᑐᖃᖅᐸᖕᓂᖓᓄᑦ ᐅᓪᓗᕆᔭᐅᔪᖅ

ᓄᓇᕘᒥ, ᓄᓇᕗᑦ ᒐᕙᒪᖓᓂ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᑎᓕᐅᕆᕗᑦ ᓄᓇᕘᒥᐅᓂᒃ ᐃᒪᐃᖁᓪᓗᒋᑦ, “ᓂᐸᐃᑐᐃᓐᓇᕈᓐᓃᓚᐅᕐᓕᑦ.” ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓴᓇᓯᒪᕗᖅ ᒪᕐᕉᖕᓂᒃ ᑕᕐᕆᔭᒐᒃᓵᖕᓂᒃ (ᒪᓕᒡᓗᒋᑦ YouTube-ᒧᑦ ᐊᑕᓕᕐᓇᖅᑐᑦ) ᑎᓕᐅᕆᔪᑦ ᐃᓄᖕᓂᒃ ᐅᖃᐅᓯᖃᖃᑦᑕᖁᓪᓗᒋᑦ ᐃᒻᒥᓃᑐᖃᖅᐸᖕᓂᖓᓄᑦ. ᐱᖃᑖᓂ ᑕᕐᕆᔭᒐᒃᓴᒥ ᐅᖃᐅᓯᖃᕈᓘᔭᕐᕕᖃᖅᐳᒍᑦ ᐊᒥᓱᓂᒃ ᑕᐃᒪᐃᓪᓚᕆᒃᐸᙱᑦᑐᓂᒃ ᐱᐅᙱᓐᓂᕋᖅᑕᐅᕙᒃᑐᓂᒡᓗ ᐊᒃᑐᐊᓂᖃᕋᔪᒃᑐᓂᒃ ᐃᒻᒥᓃᖅᑐᖃᖅᐸᖕᓂᖓᓄᑦ.

ᐊᐃᑉᐸᖓ ᑕᕐᕆᔭᒐᒃᓴᖅ ᑕᑯᑎᑦᑎᕗᖅ ᐱᒻᒪᕆᐊᓘᓂᖓᓂᒃ ᐅᖃᓪᓚᒃᐸᖕᓂᖅ ᓂᐸᐃᑐᐃᓐᓇᕈᓐᓃᕐᓂᕐᓗ. ᐊᐃᑉᐸᖓ ᑕᕐᕆᔭᒐᒃᓴᖅ ᐃᓅᑦ ᐊᑕᐅᓯᐅᑉ ᐅᓂᒃᑳᕐᕕᒋᕙᐅᒃ ᖃᓄᕐᓗ ᐊᒃᑐᖅᑕᐅᓯᒪᖕᒪᖔᕐᒥᓂᒃ ᐃᒻᒥᓃᖅᑐᖃᖅᓯᒪᓂᖓᓄᑦ. ᐊᓯᔾᔨᖅᓯᒪᑎᑦᑎᔪᓐᓇᖅᐳᒍᑦ ᐅᖃᐅᓯᖃᖃᑦᑕᕈᑦᑕ ᐊᓯᑦᑎᓐᓂᒡᓗ ᓈᓚᖃᑦᑕᕈᑦᑕ.

 

 

 

(To access a video link - click on a photo)

 

 

 

 

 

(To access a video link - click on a photo)

 

ᕿᓂᕐᓗᑎᑦ ᐊᔾᔨᒌᙱᑦᑐᓄᑦ ᐱᓕᕆᐊᒃᓴᓄᑦ ᐱᓕᕆᐊᖑᔪᓄᑦ ᓄᓇᑦᑎᓐᓂ ᓯᑎᐱᕆ 10-ᖑᓕᖅᐸᑦ ᐱᕙᒌᕚᕐᓗᑎᓪᓗ ᐱᓕᕆᖃᑕᐅᓕᕋᔭᕐᓂᕐᒥᒃ ᑕᒪᑐᒧᖓ. ᐅᕙᑦᑎᓐᓄᑦ ᐃᓚᓕᐅᑎᒋᑦ ᐊᒻᒪᓗ “ᓂᐸᐃᑐᐃᓐᓇᕈᓐᓃᕐᓗᑎᑦ.”

ᑕᑯᓗᒋᑦ ᑎᑎᕋᖅᓯᒪᔪᑦ ᐊᑖᓂ ᐱᓕᕆᐊᒃᓴᓄᑦ ᐱᓕᕆᐊᖑᔪᓄᑦ  ᓄᓇᕘᒥ ᓄᓇᓕᖕᓂ:

ᐃᖃᓗᒃᑑᑦᑎᐊᖅ – ᐱᓕᕆᖃᑎᒋᓗᒋᑦ ᐃᓅᓯᕐᒥᒃ ᐃᓵᒃᓯᒪᒋᒃᑯᑦ ᑲᑎᒪᔨᖏᑦ ᖃᔅᓯᑲᓪᓚᖕᓂᒃ ᐊᔾᔨᒌᙱᑦᑐᓂᒃ ᐱᓕᕆᐊᖑᕙᒃᑐᓂᒃ ᐅᑯᓂᖓ ᐃᓚᖃᕐᓗᑎᒃ:

  • 9-ᖑᓕᖅᐸᑦ ᓯᑎᐱᕆᒥ – ᐅᓂᒃᑳᕐᕕᐅᓗᑎᒃ ᐃᓐᓇᐃᑦ ᕿᒃᓵᕐᓂᕐᒧᑦ ᐃᑲᔪᖅᑐᖅᑕᐅᓂᕐᒧᑦ;
  • 10-ᐅᓕᖅᐸᑦ ᓯᑎᐱᕆᒥ – ᐅᓐᓄᒃ ᐅᑎᖅᑎᑐᒪᓪᓗᒍ ᐱᓱᖃᑎᒌᖕᓂᖅ ᐅᓐᓄᒃᓴᒃᑯᓪᓗ ᓇᑉᐸᖅᑕᕐᒥᒃ ᐃᑯᒪᑎᑦᑎᖃᑎᒌᖕᓂᕐᒧᑦ ᐱᓕᕆᖃᑎᒌᖕᓂᖅ;
  • 11-ᐅᓕᖅᐸᑦ ᓯᑎᐱᕆᒥ – ᖁᐊᖅᓵᕐᓇᙱᑎᑦᑎᔪᓐᓇᕐᓂᕐᒧᑦ ᐅᖃᖃᑎᒌᖕᓂᕐᒧᑦ ᐅᓂᒃᑳᕐᕕᐅᓂᖅ ᐃᓕᓐᓂᐊᕐᕕᖕᒥ
  • 12-ᓕᖅᐸᑦ ᓯᑎᐱᕆᒥ – ᖃᓅᓇᓱᒋᓐᓈᕙᖕᓂᕐᒧᑦ ᕿᒃᓵᖕᓂᕐᒧᓪᓗ ᐅᓂᒃᑳᕐᕕᐅᓂᖅ ᐱᐊᓂᒃᐸᓪᓗ ᓄᓇᓕᖕᒥᐅᑦ ᓂᕆᕕᒡᔪᐊᖃᑎᒌᒡᓗᑎᒃ
  • 13-ᖑᓕᖅᐸᑦ ᓯᑎᐱᕆᒥ – ᓲᖑᔪᖃᖅᐸᖕᓂᖓᓄᑦ ᐅᓂᒃᑲᐅᓯᖃᕐᓂᖅ ᐊᔪᙱᓐᓂᓕᖕᓄᑦ 7-ᒥᒃ ᖃᕆᑕᐅᔭᒃᑯᓪᓗ ᓲᖑᓴᒃᑐᖃᖅᐸᖕᓂᖓᓄᑦ ᐅᓂᒃᑳᕐᓂᖅ ᐊᔪᙱᓐᓂᓕᖕᓄᑦ 6-ᒥᒃ.

ᐅᖅᓱᖅᑑᖅ – ᓄᓇᓕᖕᒥᐅᑦ ᓂᕆᕕᒡᔪᐊᖃᑎᒌᒡᓗᑎᒃ ᐅᕙᓂ, ᒋᑎᐅᓂ ᕿᑦᓱᐊᓕᒃ ᐃᖅᑲᐅᒪᔭᐅᓂᖓᓄᑦ ᐃᓂᒋᔭᐅᔪᖅ ᑭᒃᑯᑐᐃᓐᓇᓄᑦ ᓄᓇᓕᖕᒥᐅᓄᑦ, ᓇᑉᐸᖅᑕᒥᒃ ᐃᑯᒪᑎᑦᑎᖃᑎᒌᖕᓂᖅ ᓴᖅᑭᑎᑦᑎᓂᕐᒧᓪᓗ ᓇᐹᖅᑐᒥᒃ ᐊᒡᒐᒧᑦ ᑎᑎᕋᖅᓯᒪᔪᖅᑕᖃᕐᓗᓂ ᖃᐃᖁᔭᐅᓯᒪᔪᒥᒡᓗ ᐅᖃᓪᓚᒋᐊᖅᑐᖅᓯᒪᔪᖃᕐᓗᓂ ᐅᖃᐅᓯᖃᕆᐊᖅᑐᕐᓗᓂ ᐃᒻᒥᓃᖅᑐᓕᕆᓂᕐᒥᒃ. ᐹᑦ ᒪᑐᐃᕐᓂᐊᖅᑐᑦ 7-ᒧᐊᖅᐸᑦ ᐅᓐᓄᒃᑯᑦ.

ᐃᒡᓗᓕᒃ – ᓄᓇᓕᖕᒥᐅᑦ ᐱᓱᖃᑎᒌᒡᓗᑎᒃ ᓄᓇᓕᖕᒥᐅᑦ ᐱᙳᐊᕐᕕᖓᓂᑦ ᓯᒡᔭᒧᑦ ᓇᑉᐸᖅᑕᓂᒡᓗ ᐃᑭᑎᑦᑎᓗᑎᒃ ᓯᒡᔭᒦᓕᕈᑎᒃ

ᒥᑦᑎᒪᑕᓕᒃ – ᑐᒃᓯᐊᕐᓗᑎᒃ ᐱᓱᖃᑎᒌᖕᓂᖅ ᑭᖑᓂᑦᑎᐊᖓᒍᓪᓗ ᓯᓚᒥ ᐆᑕᐅᔪᓂᒃ ᓂᕆᖃᑎᒌᓕᕐᓗᑎᒃ ᑕᒧᓗᕐᓗᑎᒃ ᓂᐅᖅᑲᓗᖕᓗᑎᒡᓗ ᐊᔪᕆᖅᓱᐃᔨᒃᑯᑦ ᑐᒃᓯᐊᕐᕕᖓᓂ.

 ᖁᕐᓗᖅᑐᖅ – ᐃᒻᒥᓃᖅᑐᖃᖅᐸᖕᓂᖓᓄᑦ ᐱᓱᖃᑎᒌᖕᓂᖅ (2-ᒧᐊᖅᐸᑦ ᐅᓐᓄᒃᓴᒃᑯᑦ ᖁᑦᑎᒃᑐᒦᓐᓂᖅᓴᐃᑦ ᐃᓕᓐᓂᐊᕐᕕᖓᓂᑦ) ᐃᖅᑲᐅᒪᔭᖃᕐᓂᕐᒧᓪᓘᓐᓃᑦ ᑐᒃᓯᐊᖃᑎᒌᖕᓂᖅ ᐊᔪᕆᖅᓱᐃᔨᒃᑯᑦ ᑐᒃᓯᐊᕐᕕᖓᓂ. ᑐᓴᖅᑕᐅᔪᒃᓴᐃᑦ, ᓂᐅᖅᑲᒐᐃᑦ ᐸᓚᐅᒑᓪᓗ ᐃᓐᓇᐃᑦ ᐃᓂᖓᓂ.

ᓄᓇᕐᔪᐊᓕᒫᒥ ᑲᑐᔾᔨᖃᑎᒌᑦ ᐃᒻᒥᓃᖅᑎᑦᑎᑦᑕᐃᓕᒪᕙᖕᓂᕐᒧᑦ (IASP-ᑯᑦ) ᒐᕙᒪᒃᑯᓐᓂᕐᒥᐅᑕᐅᙱᖦᖢᑎᒃ ᑲᑐᔾᔨᖃᑎᒌᖑᓪᓗᑎᒃ ᐱᓕᕆᐊᖃᑎᖃᓪᓚᑦᑖᖅᐸᒃᖢᑎᒃ ᓄᓇᕐᔪᐊᓕᒫᒥ ᖃᓄᐃᙱᑦᑎᐊᕈᓐᓇᕐᓂᕐᒧᑦ ᑲᑐᔾᔨᖃᑎᒌᓂ ᐃᓱᒪᒋᔭᖃᖅᐸᒃᑐᓂᒃ ᐃᒻᒥᓃᖅᑎᑦᑎᑦᑕᐃᓕᒪᓂᕐᒥᒃ. IASP-ᒧᑦ ᐱᓕᕆᐊᖑᕙᓪᓕᐊᔪᖅ ᑎᓕᐅᕈᑕᐅᓪᓗᓂ ᓄᓇᕘᓕᒫᒥ ᐅᓇᐅᕗᖅ, “ᓇᑉᐸᖅᑕᒥᒃ ᐃᑭᑎᑦᑎᓗᑎᒃ” ᐃᒐᓛᑉ ᖃᓂᒋᔮᓂ 8-ᒧᐊᖅᐸᑦ ᐅᓐᓄᒃᑯᑦ, ᓯᑎᐱᕆ 10-ᖑᓕᖅᐸᑦ, ᑕᑯᑎᑦᑎᔪᒪᓗᑎᑦ ᐃᑲᔪᖅᑐᐃᓯᒪᓂᕐᓂᒃ ᐃᒻᒥᓃᖅᑎᑦᑎᑦᑕᐃᓕᒪᓂᕐᒥᒃ, ᐃᖅᑲᐅᒪᔪᒪᓗᑎᑦ ᓇᒡᓕᒋᓚᐅᖅᑕᕐᓂᒃ ᐊᓯᐅᔨᓚᐅᖅᑕᕐᓂᒃ, ᐃᒻᒥᓃᕐᓂᕐᒧᓪᓗ ᐊᓂᒍᐃᓯᒪᔪᓄᑦ ᓱᓕ ᐆᒪᓪᓗᑎᒃ.

ᑲᒪᑦᓯᐊᖅᑐᒃᑯᑦ ᐃᑲᔪᖅᑕᐅᓂᕐᒧᑦ ᐅᖄᓚᕕᒋᓗᒍ
(1-800-265-3333) ᐅᕝᕙᓘᓐᓃᑦ ᐸᓖᓯᒃᑯᑦ ᐅᕝᕙᓘᓐᓃᑦ ᐅᖁᒪᐃᓐᓂᓂᐊᕐᕕᐅᔪᑦ