ᒥᓂᔅᑕᒨᖓᔪᑦ

ᓄᓇᕗᒻᒥ ᓯᕗᓕᖅᑏᑦ ᑲᑎᒪᓂᖓ ᓂᕈᐊᓚᐅᕐᐳᑦ ᒪᐃᓐ ᐱᔨᑦᑎᕋᖁᓪᓗᒍ ᓯᕗᓕᖅᑏᑦ ᑲᑎᒪᔨᖏᓐᓄᑦ ᓄᕕᐱᕆ 2021−ᒥ. ᐊᖏᖅᑎᑕᐅᓚᐅᖅᑐᖅ ᑲᑎᒪᔨᐅᖃᑕᐅᓂᖕᒧᑦ ᓄᕕᐱᕆ 19, 2021-ᒥᑦ. ᒫᓐᓇ ᒥᓂᔅᑕᐅᔪᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᐊᒻᒪ ᒥᓂᔅᑕ ᑲᒪᒋᔭᓕᒃ ᐃᓅᓯᕐᒥᑦ ᑭᐱᓯᑦᑕᐃᓕᑎᑦᑎᓂᕐᒧᑦ

ᒪᓕᒐᓕᐅᕐᑎᐅᖃᑕᐅᓪᓗᓂ 5−ᒋᓕᖅᑕᖓᓄᑦ ᒪᓕᒐᓕᐅᕐᕕᖕᒥ, ᒥᔅᑕ ᒪᐃᓐ ᐃᒃᓯᕙᐅᑕᕆᔭᐅᓚᐅᖅᐳᖅ ᑲᑎᒪᔨᕋᓛᓄᑦ ᒪᓕᒐᓕᐊᖑᔪᒪᔪᓄᑦ, ᑲᑎᒪᑎᑦᑎᔨᐅᓪᓗᓂ ᑲᑎᒪᔨᕋᓛᓄᑦ ᒐᕙᒪᒃᑯᑦ ᐊᐅᓚᓂᕆᔭᖏᓐᓄᑦ ᐊᒻᒪ ᒐᕙᒪᒃᑯᑦ ᑮᓇᐅᔭᓕᕆᔾᔪᑎᖏᓐᓄᑦ, ᐊᒻᒪ ᑲᑎᒪᑎᑦᑎᔨᐅᓪᓗᓂ ᒪᓕᒐᓕᐅᖅᑎᑐᐃᓐᓇᕐᓄᑦ.

ᒥᔅᑕ ᒪᐃᓐ ᐱᕈᖅᓴᓚᐅᖅᑐᖅ ᐊᕐᕕᐊᓂ. ᐱᔭᕇᓚᐅᖅᑎᓪᓗᒍ ᐃᓕᓐᓂᐊᕐᕕᐊᓗᒻᒥ, ᐃᓕᓐᓂᐊᓚᐅᖅᑐᖅ ᒪᐅᓐᑦ ᐋᓕᓴᓐ ᐃᓕᓐᓂᐊᕐᕕᔾᔪᐊᖓᓂ, ᐱᔭᕇᖅᑐᓂ 2002-ᒥ ᐸᐃᑉᐹᑖᖅᑐᓂ ᑮᓇᐅᔭᓕᐅᕋᓱᐊᕐᓂᕐᒧᑦ. ᒪᐃᓐ ᓄᓇᕐᔪᐊᕐᒥ ᐃᓕᓐᓂᐊᕐᓂᕐᒧᑦ ᐊᑐᖃᑦᑕᖅᓯᒪᔭᖏᑦ ᐃᓚᖃᖅᑐᑦ ᐃᓕᓐᓂᐊᕐᓂᕐᒥᒃ ᐋᔅᓗ, ᓄᐊᕙᐃᒥ, ᐊᒻᒪᓗ ᐃᖅᑲᓇᐃᔭᖅᓯᓐᓈᑦ ᐃᓕᓐᓂᐊᖅᑐᒥᒃ ᓄᓇᕐᔪᐊᕐᒥ ᑲᑐᔾᔨᖃᑎᒌᑦ ᐃᓕᓐᓂᐊᕐᓂᓕᕆᓂᕐᒧᑦ, ᖃᐅᔨᓴᖅᑐᓕᕆᓂᕐᒧᑦ ᐊᒻᒪ ᐃᓕᖅᑯᓯᓕᕆᓂᕐᒧᑦ ᑲᑐᔾᔨᖃᑎᒌᓂᒃ (UNESCO) ᐱᐅᕆᔅ, ᕗᕌᓐᓯᒥ.

ᒪᐃᓐ ᖃᔅᓯᒐᓚᖕᓂᑦ ᐱᓕᕆᔨᒻᒪᕆᐅᓂᕐᒧᑦ ᐃᖅᑲᓇᐃᔮᖃᖅᓯᒪᔪᖅ, ᐃᓚᐅᓪᓗᓂ ᐃᖅᑲᓇᐃᔮᖅ ᑕᓚᕕᓴᒃᑯᑦ ᐱᕙᓪᓕᐊᔪᓕᕆᔨ ᑲᓇᑕᒥ ᑕᑯᓐᓇᒐᒃᓴᓕᕆᔨᒃᑯᑦ ᐅᑭᐅᖅᑕᖅᑐᒥ ᑭᒡᒐᖅᑐᕐᕕᖓᓂ, ᐱᕙᓪᓕᐊᔪᓕᕆᔨ ᐊᕐᕕᐊᓂ ᕼᐋᒻᒪᓚᒃᑯᓐᓂ, ᐊᒻᒪ ᐊᕕᒃᑐᖅᓯᒪᔪᓂ ᓇᖕᒥᓂᖃᖅᑎᐅᔪᓄᑦ ᒥᓂᔅᑕ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ Minister of Health Ministaat Aanniaqtailinirmut Ministre de la Santé P.O. Box 2410 Iqaluit, Nunavut X0A 0H0 C. P. 2410 Iqaluit, Nunavut X0A 0H0 867-975-5151 867-975-5051 Titiqakuvia 2410 Iqaluit, Nunavut X0A 0H0 ᑎᑎᖃᑯᕕᐊ 2410 ᐃᖃᓗᐃᑦ. ᓄᓇᕗᑦ X0A 0H0 ᑎᑎᕋᖅᑎᐅᓪᓗᓂ ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ. ᓂᕈᐊᖅᑕᐅᓚᐅᙱᑎᓪᓗᒍ, ᒪᐃᓐ ᓇᖕᒥᓂᖅ−ᐃᖅᑲᓇᐃᔭᖅᑎᐅᓚᐅᖅᑐᖅ ᐱᕙᓪᓕᐊᔪᓕᕆᓂᕐᒧᑦ ᖃᐅᔨᒃᑲᐃᔨᐅᓪᓗᓂ.

ᒪᐃᓐ ᐊᖓᔪᖅᑳᖑᓚᐅᖅᓯᒪᔪᖅ ᑭᕙᓪᓕᕐᒥ ᓇᖕᒥᓂᖅ ᐃᖅᑲᓇᐃᔭᕐᕕᓖᑦ ᑲᑐᔾᔨᖃᑎᒌᖏᓐᓄᑦ ᐃᓚᒋᔭᐅᓂᑯᓗ ᑲᑎᒪᔨᓄᑦ ᓄᓇᕗᒻᒥ ᐱᕙᓪᓕᐊᔪᓕᕆᔨᒃᑯᑦ ᑯᐊᐳᕇᓴᒃᑯᓐᓄᑦ

ᒥᔅᑕ ᒪᐃᓐ ᓄᓕᐊᖓᓗ ᐊᒫᓐᑕ ᕼᐊᓐᓴᓐ, ᐅᐱᒋᔭᐅᓪᓗᑎᒃ ᐊᖏᔪᖅᑳᕆᔭᐅᔪᑦ ᐋᒐᔅᑕᔅ ᐊᖕᒫᖅ, ᐆᑎᓐ ᐃᕼᐅᒪᑕᓈᖅ ᐊᒻᒪᓗ ᒪᐃᕝ ᐊᕐᓇᕼᐊᐅᖓᖅ.