ᐅᖃᓚᐅᑎᓯᐅᑏᑦ

You are here

ᐊᖏᕐᕋᒥ ᓄᓇᓕᒻᒥᓗ ᐃᑲᔪᖅᑕᐅᓂᖅ

ᐊᖏᕐᕋᕆᔭᒥ ᓄᓇᓕᖕᓂᓗ ᑲᒪᔭᐅᓂᖅ

ᐊᖏᕐᕋᕆᔭᐅᔪᒥ ᓄᓇᓕᖕᓂᓗ ᑲᒪᒋᔭᐅᕙᖕᓂᕐᒧᑦ (HCC) ᐱᓕᕆᐊᖑᕙᒃᑐᖅ ᐃᑲᔪᖅᐸᒃᑐᖅ ᓄᓇᕗᒻᒥᐅᓂᒃ ᓇᖕᒥᓂᑦ ᑲᒪᒋᔪᓐᓇᕐᓂᕐᒧᑦ ᐃᑲᔪᖅᑕᐅᓗᑎᒃ ᐃᓚᒥᓂᑦ ᓄᓇᓕᖕᒥᐅᓂᓪᓗ, ᐱᓯᒪᖁᓪᓗᒋᓪᓗ ᐃᓛᒃᑰᕈᓐᓇᕐᓂᕐᒥᒃ ᖃᓄᐃᙱᑦᑎᐊᕈᓐᓇᕐᓂᕐᒥᓗ ᐃᒃᐱᒋᕙᒃᑕᖏᓐᓂᒃ. ᐊᖏᕐᕋᕆᔭᒥ ᓄᓇᓕᖕᓂᓗ ᑲᒪᔨᐅᓂᕐᒧᑦ ᐱᓕᕆᐊᖑᔪᖅ ᐊᑐᐃᓐᓇᐅᑎᑦᑎᓲᖑᕗᖅ ᐋᓐᓂᐊᖃᖅᑕᐃᓕᒪᓂᕐᒥᑦ ᐊᒻᒪ ᐃᑲᔪᖅᑐᐃᓂᕐᒧᑦ ᐱᔨᑦᑎᕋᖅᑐᐃᓂᕐᒥᑦ, ᖃᐅᔨᓴᕐᓂᖅ ᐊᑐᖅᖢᒍ, ᐊᖏᕐᕋᖅᓯᒪᑦᑎᐊᕐᓗᓂ ᑲᒪᒋᔭᐅᒃᑲᓐᓂ­­­­ᕆᐊᖃᖅᑐᖃᖅᐸᑦ ᐃᓄᖕᒥ ᐱᔾᔪᑎᒋᓗᒍ ᐋᓐᓂᐊᖃᑦᑕᕐᓂᖓᓄᑦ, ᖃᓂᒪᖃᑦᑕᕐᓂᖓᓄᑦ, ᐅᕝᕙᓘᓐᓃ ᐊᔪᕈᑎᖃᖅᐸᑦ.

ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᑎᓕᐅᕆᕗᑦ ᒪᒥᓴᕐᓂᕐᒥᑦ ᐊᖏᕐᕋᔅᓯᓐᓂ, ᐊᒻᒪ ᐊᑐᐃᓐᓇᐅᑎᑦᑎᕗᑦ ᐃᑲᔪᖅᓱᐃᓂᕐᒥᑦ ᓄᓇᕗᒻᒥᐅᓄᑦ ᐊᒻᒪ ᐃᓚᖏᓐᓄᑦ ᐃᑲᔪᖅᑕᐅᔭᕆᐊᖃᖅᑎᓪᓗᒋᑦ. ᐱᖃᓯᐅᑎᓗᒋᑦ ᐃᓚᒌᖑᔪᑦ ᑲᒪᒋᔭᐅᔪᖃᖅᑎᓪᓗᒍ ᐊᒻᒪ ᐃᑲᔪᖅᓱᑐᑦ ᐃᓚᖏᓐᓄᑦ ᐋᓐᓂᐊᖅᑐᖃᖅᑎᓪᓗᒍ, ᐊᖏᕐᕋᒥᑦ ᓄᓇᓕᖕᓂᓗ ᑲᒪᓂᕐᒧᑦ ᐱᓕᕆᐊᖅ ᒪᓂᒪᑎᑦᑎᕗᑦ ᐱᖁᓯᑦᑎᓐᓂ ᑐᕌᖅᑕᐅᓇᓱᒃᐳᖅ ᐋᓐᓂᐊᖃᓇᖏᑦᑐᓕᕆᓂᕐᒧᑦ.

 

ᐊᔪᙱᑦᑐᑦ

ᓄᓇᕗᒻᒥᐅᓕᒫᑦ ᐊᑎᓕᐅᖅᓯᒪᔪᑦ ᓄᓇᕗᑦ ᐋᓐᓂᐊᕕᓕᐊᖅᑐᖅᓯᐅᑎᖏᓐᓄᑦ ᐱᔪᓐᓇᖅᑐᑦ ᑕᐃᒪᐃᑦᑐᓂᑦ ᐊᖏᕐᕋᒥ ᓄᓇᓕᓐᓂᓪᓗ ᑲᒪᒋᔭᐅᓂᕐᒧᑦ ᐱᓕᕆᐊᒧᑦ.

 

ᐅᕗᖓ ᓇᕿᑦᑎᓗᑎᑦ ᑐᑭᓯᒋᐊᒃᑲᓐᓂᕈᒪᒍᕕᑦ ᓄᓇᕗᑦ ᐋᓐᓂᐊᕐᕕᓕᐊᕈᓐᓇᐅᑎᒧᑦ.

ᐋᓐᓂᐊᖃᓲᔭᖃᑦᑕᕈᕕᑦ, ᐅᕝᕙᓘᓐᓃ ᐃᑲᔪᖅᑕᐅᔭᕆᐊᖃᖃᑦᑕᕈᕕᑦ ᖃᐅᑕᒫᖅ, ᐊᔪᖏᑎᑕᐅᔪᓐᓇᕋᔭᖅᑐᑎᑦ ᐱᔨᑦᑎᕋᖅᑕᐅᔾᔪᑎᒥᑦ ᐊᖏᕐᕋᒥᑦ ᓄᓇᓕᖕᓂᓘᓐᓃ ᑲᒪᒋᔭᐅᓂᕐᒧᑦ ᐱᓕᕆᐊᒥᑦ.

ᑭᓇᑐᐃᓐᓇᖅ ᐊᐱᕆᒃᐸᑦ ᐸᖅᑭᔭᐅᔪᒪᓪᓗᓂ ᐋᓐᓂᐊᕕᑎᒍᑦ ᐅᕝᕙᓘᓐᓃᑦ ᐊᖏᕐᕋᒥ ᐸᖅᑭᑦᑎᔨᓄᑦ ᑲᒪᔨᒥᑦ ᐱᔪᓐᓇᖅᑐᖅ. ᐋᓐᓂᐊᓯᐅᖅᑎᓪᓚᕆᖕᒥᑦ ᐱᔪᓐᓇᐅᑎᑖᕆᐊᖃᖏᑦᑐᑎᑦ ᐅᕙᓘᓐᓃ ᑕᑯᔭᐅᕝᕕᒃᓴᖅᑖᕆᐊᖃᖏᑦᑐᑎᑦ.

ᑐᔅᓯᕋᐅᑎᒃ ᐱᔭᐅᓯᒪᓕᖅᐸᑦ ᐊᖏᕐᕋᒥ ᑲᒪᒋᔭᐅᔾᔪᑎᒧᑦ, ᖃᐅᔨᓴᖅᑕᐅᖅᑳᕋᔭᖅᑐ ᐋᓐᓂᐊᓯᐅᖅᑎᒧᑦ ᖃᓄᖅ ᐃᑲᔪᖅᑕᐅᒍᓐᓇᖃᑦᑕᕋᔭᕐᒪᖔᖅ ᐊᒻᒪᓗ ᐊᖏᕐᕋᒥ ᐸᖅᑭᔭᐅᖃᑦᑕᕐᓗᑎᓘᓐᓃ ᖃᓄᕐᓗ ᓈᒻᒪᓂᖅᐹᖑᒐᔭᕐᒪᖔᖅ, ᑖᔅᓱᒧᖓ ᐃᓚᖏᓐᓄᓪᓘᓐᓃᑦ.

 

ᐱᔨᑦᑎᕋᖅᑎᑦ

ᐊᖏᕐᕋᒥᑦ ᓄᓇᓕᖕᓂᓗ ᑲᒪᒋᔭᐅᓂᖅ ᐱᓕᕆᐊᖅ ᐊᑐᐃᓐᓇᐅᑎᑦᑎᕙᒃᑐᖅ ᐊᔾᔨᒌᖏᑦᑐᓂ ᐱᔨᑦᑎᕋᕐᓂᕐᒥ, ᐱᖃᓯᐅᑎᓗᒋᑦ:

  • ᐊᖏᕐᕋᓕᕆᓂᖅ − ᐊᖏᕐᕋᒥᑦ ᓴᓗᒻᒪᖅᓴᐃᓂᖅ ᐊᒻᒪ ᐃᑲᔪᖅᐸᒡᓗᓂ ᓂᕿᓕᐅᕐᓂᕐᒥ ᐊᒻᒪ/ᐅᕝᕙᓘᓐᓃ ᓂᕿᓂ ᓂᐅᕕᕆᐊᕈᔾᔨᕙᖕᓂᖅ.
  • ᐃᒻᒥᓅᖓᔪᒧᑦ ᑲᒪᒋᔭᐅᓂᖅ − ᐅᕕᓂᖕᓂᐊᕐᓂᕐᒧᑦ ᐊᒻᒪ ᐊᓐᓄᕌᓂᕐᒧᑦ
  • ᐋᓐᓂᐊᖅᑐᓕᕆᓂᕐᒧᑦ ᑲᒪᒋᔭᐅᓂᖅ − ᑲᐱᔭᐅᔭᕆᐊᖃᕐᓂᖅ ᐊᒻᒪ ᒪᑦᑐᑎᖅᑕᐅᔭᕆᐊᖃᕐᓂᖅ
  • ᑕᖃᐃᖅᓯᕈᓐᓇᕐᓂᕐᒧᖅ ᐃᑲᔪᖅᑕᐅᓂᖅ - ᐃᓚᒋᔭᐅᔪᒧᑦ ᐃᓇᖏᖅᓯᓂᖅ ᐃᑲᔪᕐᓂᕐᒧᑦ
  • ᐃᖃᐃᓕᓴᕐᓂᖅ - ᒪᒥᓴᕐᓂᕐᒧᑦ ᐃᖃᐃᓕᓴᕐᓂᖅ

 

ᑐᑭᓯᒋᐊᒃᑲᓐᓂᕈᒪᒍᕕᑦ

ᑐᑭᓯᒋᐊᒃᑲᓐᓂᕈᒪᒍᕕᑦ, ᓄᓇᓕᖕᓂ ᑐᓴᐅᒪᑎᑦᑎᔨᒧᑦ ᐊᐱᕆᔪᓐᓇᖅᐳᑎᑦ ᐅᕝᕙᓘᓐᓃ:

ᐅᖃᓗᒡᕕᒋᓗᒍ ᓄᓇᕗᑦᒥᑦ ᐊᖏᕐᕋᒥᑦ ᓄᓇᓕᖕᓂᓗ ᑲᒪᒋᔭᐅᓂᕐᒧᑦ ᐱᓕᕆᐊᖅ (867)975-5776 ᐅᕝᕙᓘᓐᓃ (867)975-5709
ᐃᕐᖐᓐᓇᒃᑯᑦ LTC@gov.nu.ca

 

ᐃᓐᓇᑯᕖᑦ

ᐊᐃᕆᓕ 1, 2017−ᒥᑦ ᐃᓄᓕᕆᔨᒃᑯᑦ ᑲᒪᒋᔭᖃᖕᓂᖕᒥᑦ ᓄᓇᕗᑦ ᐱᖓᓱᑦ ᐃᓐᓇᒃᑯᕕᖏᓐᓂᑦ ᐋᓐᓂᐊᖃᖕᓇᖏᑦᑐᓕᕆᔨᒃᑯᓐᓄᐊᖅᓯᓚᐅᖅᐳᑦ. ᑕᒪᓐᓇ ᓅᑦᑎᓂᐅᕗᖅ ᐱᔨᑦᑎᕋᐅᑎᓂᑦ ᑕᒪᒃᑯᐊᓗ ᐃᓐᓇᐃᑦ ᐱᐅᓛᓂᑦ ᐸᖅᑭᔭᐅᖏᓐᓇᕋᓗᐊᕆᐊᒃᓴᖏᓐᓂᑦ.

ᑕᒪᓐᓇ ᓅᑦᑎᓂᖅ ᑲᒪᒋᔭᖃᖕᓂᖅ ᐃᓐᓇᒃᑯᕕᖕᓂᑦ ᐱᕕᖃᓕᕈᑕᐅᕗᖅ ᐃᓄᓕᕆᔨᒃᑯᓐᓂᑦ ᐱᓇᓱᐊᑦᑎᐊᒃᑲᓐᓂᕐᓂᕐᓴᐅᓕᕐᓗᑎᒃ ᓴᐳᔾᔨᓂᕐᓂᑦ ᐱᔭᕆᐊᑭᓛᓂᑦ ᓄᓇᕗᒻᒥᐅᓂᑦ, ᐃᓚᐅᓪᓗᑎᒃ ᐃᓐᓇᐃᑦ, ᐱᑦᑎᐊᖅᑕᐅᙱᓐᓂᖕᓂᑦ, ᐃᒃᓯᓐᓇᑰᓂᖕᓂᑦ, ᑮᓇᐅᔭᖃᑦᑎᐊᙱᓐᓂᖕᒥᒡᓘᓐᓃᑦ.

ᐋᓐᓂᐊᖃᖕᓇᙱᑦᑐᓕᕆᔨᒃᑯᓪᓗ ᐱᓇᓱᐊᖅᑐᑦ ᐸᖅᑭᑦᑎᐊᓛᖕᓂᖕᓂᑦ ᐃᓐᓇᖁᑎᑦᑎᓐᓂᑦ. ᒪᕐᕉᔪᑦ ᐃᓐᓇᕐᓄ ᐃᖏᕐᕋᐅᔪᑦ (ᐊᕐᕕᐊᓂ ᐃᖃᓗᖕᓂᓗ) ᐊᕐᕕᓂᓕᖕᓂ ᐱᖓᓲᔪᖅᑐᓂ ᐃᒡᓕᖃᕈᓐᓇᖅᖢᓂ ᐊᑐᓂ ᐋᕿᒃᓯᒪᔪᑦ ᐊᑐᐃᓐᓇᐅᓪᓗᑎᒃ ᒪᕐᕈᑦ ᐅᕝᕙᓘᓐᓃ ᐱᖓᓱᓂᒃ ᐱᔨᑦᑎᕋᖅᑕᐅᓂᕐᒧᑦ ᐃᒡᓗᒋᔭᐅᔪᓐᓇᖅᑐᑦ ᑲᒪᒋᔭᐅᔭᕆᐊᖃᖅᑐᓄᑦ ᐃᓐᓇᕐᓄᑦ ᓄᓇᕗᒥᑦ.

  • ᖁᑦᑎᖕᓂᓕᒃ ᒪᕐᕈᑦ ᑲᒪᒋᔭᐅᓂᕐᒧᑦ: ᐃᓐᓇᐃᑦ ᑖᒃᑯᐊ ᐃᓅᓕᓴᓗᐊᕆᐊᖃᙱᑦᑐᑦ, ᐱᓱᑲᑕᒍᓐᓇᑐᑦ ᐃᒻᒥᓂᒃ ᐅᔭᐅᑉᐱᐊᓄᓪᓘᓐᓃᑦ, ᐅᖃᓪᓚᒍᓐᓇᑦᑎᐊᙱᑐᐃᓐᓇᕆᐊᓕᒃ ᐃᑲᔪᖅᑕᐅᓗᐊᕆᐊᖃᙱᑦᑐᑦ ᐅᓪᓗᓕᒫᖅ − ᐊᖏᕐᕋᕆᔭᓂᑦ ᐸᖅᑭᔨᓂᑦ ᐃᒡᓗᕐᔪᐊᒥᓪᓘᓐᓃᑦ ᐃᑲᔪᖅᑐᐃᕕᓕᖕᓂᑦ.
  • ᖁᑦᑎᖕᓂᓕᒃ 3 ᑲᒪᒋᔭᐅᓂᕐᒧᑦ: ᐃᓄᐃᑦ ᐋᓐᓂᐊᓪᓚᕆᒃᑐᑦ ᐊᔪᓕᖅᐸᓪᓕᐊᑐᐃᓐᓇᕆᐊᓖᑦ, ᐱᓲᑎᖃᖅᑐᑦ, ᐅᖃᓪᓚᒍᓐᓇᙱᑐᐃᓐᓇᕆᐊᓕᒃ ᐆᒃᑐᕋᐅᑎᖃᕐᓗᓂ ᑭᓯᐊᓂ, ᖃᐅᑕᒫᓪᓗ ᐃᑲᔪᖅᑕᐅᔭᕆᐊᖃᖅᖢᑎᒃ ᐊᖏᕐᕋᒥᑦ ᐸᖅᑭᔨᐅᔪᓂᑦ ᐃᑲᔪᖅᑐᐃᓲᖑᔪᓂᑦ.

 

ᐊᔪᙱᑦᑐᑦ

ᐱᔪᓐᓇᖅᑐᑐᐊᑦ ᓄᓇᕗᒻᒥᐅᑦ ᓄᓇᕗᒻᒥᐅᓂᑦ ᐋᓐᓂᐊᕕᓕᐊᕈᓐᓇᐅᑎᓖᑦ ᖃᐅᔨᓴᖅᑕᐅᕌᓂᒃᓯᒪᔪᑦ ᖁᑦᑎᖕᓂᓕᒃ 2−ᒥᑦ ᖁᑦᑎᖕᓂᓕᒃ 3−ᒧᑦ ᐸᖅᑭᔭᐅᔭᕆᐊᖃᖕᒪᖔᑦ ᑭᒡᒐᖅᑐᖅᑎᓄᑦ ᐋᓐᓂᐊᖃᖕᓇᙱᒃᑐᓕᕆᔨᒃᑯᓐᓂᑦ, ᐊᑐᕐᓗᑎᒃ ᐃᓄᓕᕆᔨᒃᑯᑦ ᐸᖅᑭᓂᖕᒧᑦ ᖃᐅᔨᓴᕈᑎᖏᓐᓂᑦ.

 
ᓯᕗᓂᑦᑎᓐᓂᖅ ᐸᖅᑭᓂᖅ

ᐋᓐᓂᐊᖃᖕᓇᙱᑦᑐᓕᕆᔨᒃᑯᑦ ᐃᓚᒋᐊᖅᓯᔪᒪᔪᑦ ᐃᒡᓕᕐᓂᑦ ᐃᓐᓇᒃᑯᕕᐅᔪᓄᑦ ᓄᓇᕗᒻᒥᑦ ᓯᕗᓂᒃᓴᑦᑎᓐᓂᑦ ᐅᐃᒍᒋᐊᕈᑎᒃᓴᓂᑦ ᐊᑭᑐᓗᐊᙱᑦᑐᒃᑯᑦ.

ᐸᕐᓇᒃᐸᓪᓕᐊᓂᖅ ᐃᓐᓇᕐᓄᑦ ᑲᒪᒋᔭᐅᕈᑎᐅᓛᖅᑐᓂ ᐃᑲᔪᖅᑕᐅᓗᓂ ᓄᓇᕗᑦ ᒐᕙᒪᒃᑯᑦ ᒫᓐᓇᐅᔪᒧᑦ ᐱᓕᕆᐊᒃᓴᒧᑦ ᓯᕗᒧᑦ ᐊᓪᓗᖅᑕ; ᑕᒪᑦᑕ ᐊᓪᓗᕐᓂᖅ ᓯᕗᒧᑦ, 2014−2018 ᐃᓗᓕᖃᖅᖢᓂ: ᑐᕌᖅᐸᓪᓕᐊᓂᐊᖅᑐᖅ ᐋᖅᑭᑦᓱᐃᓂᕐᒥᒃ ᐃᑯᒪᓯᐅᑎᓂ ᐊᑐᓗᐊᙱᑦᑐᓂ, ᐊᑭᑐᓗᐊᙱᑦᑐᒥᓗ ᐃᓪᓗᖃᕈᓐᓇᕐᓂᕐᒥᒃ ᐊᑐᐃᓐᓇᐅᓗᑎᒃ ᐃᓄᐃᑦ ᐱᒋᐊᖃᖅᑕᖏᓐᓄᑦ, ᐃᓚᒋᓪᓗᓂᐅᑉ ᐊᒥᓱᕈᖅᐸᓪᓕᐊᓂᖏᑦ ᐃᓐᓇᐅᓕᖅᑐᑦ.

 

ᑐᑭᓯᒋᐊᒃᑲᓐᓂᕈᒪᒍᕕᑦ

ᑐᑭᓯᒋᐊᒃᑲᓐᓂᕈᒪᒍᕕᑦ, ᓄᓇᓕᖕᓂ ᑐᓴᐅᒪᑎᑦᑎᔨᒧᑦ ᐊᐱᕆᔪᓐᓇᖅᐳᑎᑦ ᐅᕝᕙᓘᓐᓃ:

  • ᐅᖃᓗᒡᕕᒋᓗᒍ ᓄᓇᕗᑦᒥᑦ ᐊᖏᕐᕋᒥᑦ ᓄᓇᓕᖕᓂᓗ ᑲᒪᒋᔭᐅᓂᕐᒧᑦ ᐱᓕᕆᐊᖅ (867)975-5776 ᐅᕝᕙᓘᓐᓃ (867)975-5709
  • ᐃᕐᖐᓐᓇᒃᑯᑦ LTC@gov.nu.ca

 

ᐊᑯᓂᐅᔪᑯᒃ ᑲᒪᒋᔭᖃᕐᓂᖅ

ᐋᓐᓂᐊᖃᖕᓇᙱᑦᑐᓕᕆᔨᒃᑯᓪᓗ ᐱᓇᓱᐊᖅᑐᑦ ᐸᖅᑭᑦᑎᐊᓛᖕᓂᖕᓂᑦ ᐃᓐᓇᖁᑎᑦᑎᓐᓂᑦ. ᑖᒃᑯᐊ ᐋᓐᓂᐊᖃᖕᓇᙱᑦᑐᓕᕆᔨᒃᑯᑦ ᐃᓂᖃᖅᑎᑦᑎᕙᒃᐳᑦ ᐊᑯᓂᐅᔪᒥᑦ ᐸᖅᑭᔭᕆᐊᓕᖕᓂᑦ ᓄᓇᕗᒻᒥᐅᓄᑦ ᐱᔭᕆᐊᑐᔪᓂᑦ ᐸᖅᑭᔭᐅᔾᔪᑎᖃᕆᐊᓕᖕᓂᑦ, ᖁᑦᑎᖕᓂᓕᒃ 4 5−ᒥᓪᓘᓐᓃᑦ ᐸᖅᑭᔭᐅᔭᕆᐊᓕᒃ ᐃᑲᔪᖅᑕᐅᔪᓐᓇᐃᓪᓕᓗᓂᓗ ᐊᖏᕐᕋᒥᓂᑦ ᐃᓐᓇᒃᑯᕕᖕᓂᓪᓘᓐᓃᑦ.
ᑖᒃᑯᐊ ᐱᖓᓱᑦ ᐸᖅᑭᔭᐅᙱᓐᓇᖅᑐᒃᑯᕖᑦ (ᐃᖃᓗᒃᑑᑦᑎᐊᒥᑦ; ᐃᒡᓗᓕᖕᒥᑦ; ᐅᖅᓱᖅᑑᒥᓪᓗ) ᑲᑎᓕᒫᖅᖢᒋᑦ 28−ᓂᑦ ᐃᒡᓕᓖᑦ. ᐅᒃᑯᐃᖅᑕᐅᓂᖃᓚᐅᖅᐳᖅ ᓄᑖᙳᕆᐊᖅᑕᐅᔪᖅ ᐃᓐᓇᒃᑯᕕᐊᓂ ᕿᑎᖕᒥᐅᑦ ᐋᓐᓂᐊᕕᐊᓂᑦ ᒫᑦᓯᐅᑉ ᕿᑎᖅᐸᓯᐊᓂᐅᓚᐅᖅᐳᖅ 2017−ᒥᑦ.ᐅᒃᑯᐃᖅᑕᐅᓂᖃᓚᐅᖅᐳᖅ ᓄᑖᙳᕆᐊᖅᑕᐅᔪᖅ ᐃᓐᓇᒃᑯᕕᐊᓂ ᕿᑎᖕᒥᐅᑦ ᐋᓐᓂᐊᕕᐊᓂᑦ ᒫᑦᓯᐅᑉ ᕿᑎᖅᐸᓯᐊᓂᐅᓚᐅᖅᐳᖅ 2017−ᒥᑦ.
 

ᐊᔪᙱᑦᑐᑦ

ᐱᔪᓐᓇᖅᑐᑐᐊᑦ ᓄᓇᕗᒻᒥᐅᑦ ᓄᓇᕗᒻᒥᑦ ᐋᓐᓂᐊᕕᓕᐊᕈᓐᓇᐅᑎᓖᑦ ᖃᐅᔨᓴᖅᑕᐅᕌᓂᒃᓯᒪᔪᑦ ᖁᑦᑎᖕᓂᓕᒃ 2−ᒥᑦ 3−ᒧᑦ ᐸᖅᑭᔭᕆᐊᓕᖕᓄᑦ ᑭᒡᒐᖅᑐᐃᔨᓂᑦ ᐋᓐᓂᐊᖃᖕᓇᙱᑦᑐᓕᕆᔨᒃᑯᓐᓂᑦ, ᐊᑐᖅᖢᑎᒃ ᐃᓄᓕᕆᔨᒃᑯᑦ ᖃᐅᔨᓴᕈᑎᖏᓐᓂᑦ.

ᐃᓐᓇᒃᑯᕕᖕᒧᐊᖅᑎᑦᑎᔩᑦ ᓄᓇᕘᑉ ᐱᖓᓱᓄᑦ ᐸᖅᑭᔭᐅᖏᓐᓇᖅᑐᒃᑯᕕᖏᓐᓄᑦ; ᐃᓐᓇᒃᑯᕕᖕᓄᓪᓘᓐᓃᑦ ᓯᓚᑖᓅᕆᐊᓕᑦ ᓄᓇᕘᑉ ᑲᑐᔾᔨᔾᔪᑕᐅᕙᒃᐳᑦ ᐃᓐᓇᖕᒧᑦ ᐃᓚᖏᓐᓄᓪᓗ/ᐸᖅᑭᔨᐊᓄᓪᓗ; ᐊᕕᒃᑐᖅᓯᒪᔪᓂᑦ ᐸᖅᑭᓂᖕᒧᑦ ᐱᓕᕆᖃᑎᒌᖑᔪᓂᑦ, ᐋᓐᓂᐊᖃᖕᓇᙱᑦᑐᓕᕆᔨᒃᑯᑦ ᓄᓇᕗᒻᒥᑦ ᐸᖅᑭᔭᐅᑯᑖᒋᐊᓕᖕᓄᑦ ᑐᑭᒧᐊᖅᑎᑦᑎᔨᓂᑦ, ᒪᓕᒡᓗᑎᒃ ᓯᕗᓪᓕᐅᔾᔭᐅᔭᕆᐊᓕᖕᓄᑦ ᐅᓂᒃᑎᑦᑎᓂᖕᒧᑦ ᓄᓇᕗᒻᒥᐅᓂᑦ ᐃᓐᓇᒃᑯᕕᖕᓄᑦ.

ᓄᓇᕗᒻᒥᐅᑦ ᐱᔭᕆᐊᑐᔪᓂᑦ ᐸᖅᑭᔭᐅᔭᕆᐊᓖᑦ, ᐱᓗᐊᖅᑐᒥᑦ ᐃᓱᒪᖃᕈᓐᓃᖅᐸᓪᓕᐊᓂᖕᒧᑦ ᖃᓂᒻᒪᓯᓖᑦ, ᐃᓐᓇᖅᑎᑕᐅᖃᑦᑕᖅᐳᑦ ᐃᒻᒪᓯ ᐅᐃᔅᑦ ᐃᓐᓇᒃᑯᕕᐊᓄᑦ (EWSL) ᐋᑐᕚᒥᑦ ᑕᐃᖕᓇ ᐃᓱᒪᖃᕈᓐᓃᓕᖅᑐᓂᑦ ᐸᖅᑭᔨᐅᕙᖕᓂᖏᓐᓄᑦ. EWSL−ᒥᐅᑦ ᐃᓕᓐᓂᐊᕐᓯᒪᔪᓂᑦ ᐃᖅᑲᓇᐃᔭᖅᑎᖃᖅᐳᑦ ᑕᒪᒃᑯᓂᖓᓗ ᐸᖅᑭᓂᖕᒧᑦ ᐊᑐᐃᓐᓇᖃᖅᖢᑎᒃ ᐃᓐᓇᐃᑦ ᐊᑦᑕᖕᓇᖅᑐᒦᖁᓇᒋᑦ ᑲᒪᒋᔭᐅᑦᑎᐊᕐᓗᑎᒡᓗ. ᓄᓇᕘᑉ ᓯᓚᑖᓅᖅᑕᐅᓂᐊᖅᑐᑦ ᐋᖅᑭᒃᑕᐅᕙᒃᐳᑦ ᐅᖃᖃᑎᖃᖕᓂᒃᑯᑦ ᐃᓐᓇᐅᑉ ᐃᓚᖏᓐᓂᑦ ᒪᓕᒐᑎᒍᓪᓘᓐᓃᑦ ᐸᖅᑭᔨᖓᒍᑦ.

  • ᖁᑦᑎᖕᓂᓕᒃ 4−ᒥᑦ ᐸᖅᑭᔭᕆᐊᓖᑦ ᐃᑲᔪᖅᑕᐅᔭᕆᐊᖃᓪᓚᕆᒃᑐᑦ ᖃᓄᑐᐃᓐᓇᖅ, ᐅᖃᓪᓚᒍᓐᓇᓗᐊᙱᑦᑐᑦ, ᐋᓐᓂᐊᓯᑎᓄᓪᓗ ᐸᖅᑭᔭᐅᔭᕆᐊᖃᖅᖢᑎᒃ – ᐸᖅᑭᔭᐅᙱᓐᓇᖅᑐᒃᑯᕕᖕᓄᑦ ᐊᖅᑭᔭᑦ.  ᑕᒪᓐᓇ ᐸᖅᑭᓂᕆᔭᖅ ᐊᖏᕐᕋᒥᑦ ᐊᑐᕐᑕᐅᓗᐊᙱᑦᑐᖅ ᓇᒥᑐᐃᓐᓇᖅ ᐱᓕᕆᐊᒃᓴᕆᔭᐅᓇᑎᒡᓗ ᐊᖏᕐᕋᒥᑦ ᐸᖅᑭᓂᖕᓂᑦ ᓄᓇᕗᒻᒥᑦ.
  • ᖁᑦᑎᖕᓂᓕᒃ 5−ᒥᑦ ᐃᓄᐃᑦ ᐃᓅᓕᓴᐅᑎᑎᒍᑦ ᐋᓐᓂᐊᓯᐅᑎᓄᓪᓗ ᐱᒻᒪᑐᒃᑕᐅᔭᕆᐊᓖᑦ ᐃᓱᒪᐃᕈᑎᕙᓪᓕᐊᓂᖕᒧᓪᓗ ᖃᓂᒻᒪᓯᖅᑖᖅᓯᒪᓂᕋᖅᑕᐅᓗᑎᒃ.

 

ᑐᑭᓯᒋᐊᒃᑲᓐᓂᕈᒪᒍᕕᑦ

ᑐᑭᓯᒋᐊᒃᑲᓐᓂᕈᒪᒍᕕᑦ, ᓄᓇᓕᖕᓂ ᑐᓴᐅᒪᑎᑦᑎᔨᒧᑦ ᐊᐱᕆᔪᓐᓇᖅᐳᑎᑦ ᐅᕝᕙᓘᓐᓃ:

  • ᐅᖃᓗᒡᕕᒋᓗᒍ ᓄᓇᕗᑦᒥᑦ ᐊᖏᕐᕋᒥᑦ ᓄᓇᓕᖕᓂᓗ ᑲᒪᒋᔭᐅᓂᕐᒧᑦ ᐱᓕᕆᐊᖅ (867)975-5776 ᐅᕝᕙᓘᓐᓃ (867)975-5709
  • Email LTC@gov.nu.ca

 

ᓄᓇᕗᒥᑦ ᐃᓐᓇᕐᓄᑦ ᑐᓴᐅᒪᔾᔪᑎᒧᑦ ᖃᐅᔨᒋᐊᕈᑎ 

ᖃᐅᔨᒋᐊᕈᑎᐅᔪᖅ ᓴᕿᑕᐅᓚᐅᖅᐳᖅ ᐱᔾᔪᑎᒃᓴᐅᓪᓗᓂ ᐊᑐᐃᓐᓇᐅᑎᑦᑎᓗᓂ ᖃᐅᔨᒋᐊᕐᕕᒃᓴᒧᑦ ᑲᓇᑕᓕᒫᒧᑦ, ᓄᓇᕗᓕᒫᒧᑦ ᓄᓇᓕᖕᓄᓪᓗ ᐊᑐᐃᓐᓇᐅᕙᒃᖢᑎᒃ ᐱᔨᑦᑎᕋᖅᑕᐅᔾᔪᑏᑦ ᐃᓐᓇᕐᓄᑦ ᐊᒻᒪ  ᐸᕿᔨᖏᓐᓄᑦ ᓄᓇᕗᒥᑦ. ᐊᑐᐃᓐᓇᐅᑎᑦᑎᓇᓱᐊᖅᑐᑦ ᐱᔨᑦᑎᕋᐅᑎᓂᑦ ᐃᓐᓇᕐᓄᑦ ᐸᖅᑭᑦᑎᔨᖏᓐᓄᓪᓗ ᐃᑲᔫᑎᐅᔪᓐᓇᖅᑐᓂᑦ ᕿᓂᕈᑎᒃ ᐱᔨᑦᑎᕋᐅᑎᓂᓪᓗ ᐃᓅᓇᓱᐊᑦᑎᐊᒃᑲᓐᓂᕈᓐᓇᐅᑎᓂᒃ, ᐊᑦᑕᓇᖅᑐᒦᖁᓇᒋᑦ ᐃᓅᓯᖃᑦᑎᐊᕈᓐᓇᖁᓪᓗᒋᑦ. 

ᐊᔾᔨᖑᐊᖅ ᓇᕿᓪᓗᒍ ᖃᐅᔨᒋᐊᕈᑎ ᐱᔾᔪᑎᒃᓴᖅ ᖃᐅᔨᒋᐊᕈᒪᒍᕕᐅ.