ᐊᔾᔨᙳᐊᒃᑯᕕᒃ

ᐊᓄᑉᕼᐊ ᒧᒥᓐ, ᓄᓕᐊᕐᓂᒃᑯᑦ ᖃᓄᐃᙱᑦᑎᐊᕐᓂᕐᒧᑦ ᐱᓕᕆᐊᖑᔫᑉ ᑲᒪᔨᖓ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ, ᓄᓇᕗᑦ ᒐᕙᒪᒃᑯᖏᓐᓄᑦ, ᐅᖃᓪᓚᒋᐊᖅᑐᖅᓯᒪᓐᓂᕐᖓᑦ ᓰᐲᓰ ᓈᓚᐅᑎᖓᒍᑦ ᖁᓪᓕᒃᑯᑦ ᑕᓪᓕᕐᒥᐅᑎᓪᓗᒍ, ᓄᕕᐱᕆ 29, 2013ᒥ. ᐊᓄᑉᕼᐊ ᐊᔾᔨᙳᐊᕐᒦᑦᑐᖅ ᐅᖃᓪᓚᒃᑎᐅᔪᖅ ᕉᓯ ᓴᐃᒪᓐᕚᓪᕕᓗ, ᓴᐅᒥᕐᒥᑦ. ᐅᖃᐅᓯᖃᓚᐅᖅᑐᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐋᖅᑭᒋᐊᖅᓯᒪᓕᖅᑕᖓᓂ www.irespectmyself.ca ᐃᑭᐊᖅᑭᕕᒃᑯᑦ ᑐᑭᓯᒋᐊᕐᕕᐅᔪᖅ, ᑖᓐᓇ ᓇᖕᒥᓂᖅ ᐃᒃᐱᒋᑦᑎᐊᕈᓐᓇᖅᐳᖓ ᓴᖅᑭᑕᐅᓯᒪᔪᖅ, ᐊᒻᒪᓗ ᑐᑭᓯᒋᐊᖅᑎᑦᑎᓪᓗᓂ ᓄᓇᕐᔪᐊᓕᒫᒥᑦ ᐊᓴᐱᓕᕆᓂᕐᒧᑦ ᐅᓪᓗᖓᓐᓂᒃ (ᑎᓯᐱᕆ 1), ᐊᒻᒪ ᓄᓇᖃᖅᑳᖅᓯᒪᔪᑦ ᐊᓴᐱᒥᑦ ᐅᔾᔨᕈᓱᓐᓇᐅᑉ ᐱᓇᓱᐊᕈᓯᖓᓂ. ᓄᓕᐊᕐᓂᒃᑯᑦ ᖁᐱᕐᕆᓃᑦ ᖁᑦᑎᓗᐊᕐᒪᑕ ᓄᓇᕗᒻᒥ. ᑖᓐᓇwww.irespectmyself.ca ᐃᑭᐊᖅᑭᕕᒃᑯᑦ ᑐᑭᓯᒋᐊᕐᕕᐅᔪᖅ ᖃᐅᔨᔪᒥᓇᖅᑐᒃᑯᑦ ᐱᓕᕆᐊᖃᕐᒪᑦ ᖃᓄᐃᙱᑦᑎᐊᕐᓂᒃᑯᑦ ᓄᓕᐊᕐᓂᕐᒥᑦ ᐊᒻᒪᓗ ᐊᐃᑉᐸᖃᕐᓂᕐᒥᑦ, ᐊᒻᒪᓗ ᐅᖃᐅᓯᖃᒃᑲᓐᓂᓲᖑᓪᓗᓂ ᓄᓕᐊᕐᓂᒃᑯᑦ ᖃᓄᐃᙱᑦᑎᐊᕈᓐᓇᕐᓂᕐᒥᑦ ᐱᓕᕆᐊᖑᔫᑉ ᐊᔾᔨᒌᙱᓐᓂᖏᓐᓂᒃ ᓇᖕᒥᓂᖅ ᐃᒃᐱᒍᓱᑦᑎᐊᕈᓐᓇᕐᓂᕐᒥᑦ ᐊᓯᓐᓂᓗ.

ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ, ᒐᕙᒪᒃᑯᑦ ᓄᓇᕗᒻᒥ, ᐊᒻᒪᓗ ᓄᓘᔮᓂᑦ ᐅᔭᕋᓐᓂᐊᕐᓂᕐᒧᑦ ᑯᐊᐳᕇᓴᒃᑯᑦ ᐊᑎᓕᐅᖅᓯᒪᔪᑦ ᑐᑭᓯᐊᖃᑦᑕᐅᑎᓂᕐᒧᑦ ᐊᖏᖃᑎᒌᒍᑎᒥᑦ (MOA) ᓇᒡᒐᔾᔭᐅᒥ, ᓅᕙᐃᒻᕙ 25, 2013. ᐊᓯᖏᐅᒐᓗᐊᖅᑎᓪᓗᒋᑦ ᐃᓱᒪᒋᔭᑦᓴᑦ, ᑐᑭᓯᐊᖃᑦᑕᐅᑎᓂᕐᒧᑦ ᐊᖏᖃᑎᒌᒍᑎ ᐋᖅᑭᑦᓯᓯᒪᔪᖅ ᑎᑭᐅᒪᔭᐅᒋᐊᓕᓐᓄᑦ ᒪᓕᒐᐃᑦ ᐊᐅᓚᑦᓯᓂᕐᒥᑦ ᑐᐊᕕᕐᓇᖅᑐᒥᑦ ᓇᒧᖖᒐᕆᐊᖃᕐᓂᖏᓐᓄᑦ ᓄᓘᔮᓂᑦ ᐱᓕᕆᐊᓄᑦ ᐃᖅᑲᓇᐃᔭᕐᕕᒻᒥᑦ. ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᑐᓪᓕᐊ ᒥᓂᔅᑕᐅᑉ ᐲᑕ ᒫ, ᓯᕗᓂᐊᓂᑦ ᓴᐅᒥᐊᓃᖅᑐᖅ ᐊᒻᒪᓗ ᐃᐅᓕᒃ ᒫᑎᓴᓐ, ᓄᓘᔮᓂᑦ ᐊᖓᔪᖅᑳᑉ ᑐᓪᓕᐊ ᐱᕙᓪᓕᐊᔪᓕᕆᓂᕐᒧᑦ, ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ, ᖁᐊᓵᖅᑕᐃᓕᒪᓂᖅᒧᑦ ᐊᒻᒪᓗ ᐊᕙᓗᓕᕆᓂᕐᒧᑦ, ᓯᕗᓂᐊᓂᑦ ᑕᓕᕐᐱᒻᒥᑦ, ᐊᑎᓕᐅᖅᓯᒪᔪᑦ ᑐᑭᓯᒋᐊᖃᑦᑕᐅᑎᓂᕐᒧᑦ ᐊᖏᖃᑎᒌᒍᑎᒥᑦ (MOA). ᑕᑯᓐᓇᖅᓯᒪᔪᑦ ᐃᓚᒋᔭᐅᔪᑦ, ᐅᖓᑖᓂᑦ ᓴᐅᒥᐊᓂᑦ: ᑕᑦ ᑲᓴᓐᔅ, ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓄᑦ ᐊᑐᐊᒐᓕᕆᔨ, ᕉᔅᒥᐊᓕ ᑮᓇᐃᓐᓇᖅ, ᐋᓐᓂᐊᖃᕐᓇᖏᑦᑐᓕᕆᔨᒃᑯᓐᓄᑦ ᒥᓂᔅᑕᐅᑉ ᑐᓪᓕᐊ, ᐊᒻᒪᓗ ᒋᓚᓐ ᕼᐊᐄᓐ, ᓄᓘᔮᓄᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ, ᖁᐊᓵᖅᑕᐃᓕᒪᓂᖅᒧᓪᓗ ᐊᐅᓚᑦᓯᔨ.

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ, ᓄᓇᕗᑦ ᒐᕙᒪᒃᑯᓐᓂ, ᑐᓂᓯᓚᐅᕐᒪᑕ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᖅᓴᕐᕕᖓᓂ ᐋᓐᓂᐊᓯᐅᖅᑎᐅᓂᕐᒧᑦ ᐃᓕᓐᓂᐊᖅᑐᓂᒃ ᑖᔅᓱᒥᖓ $3,000 ᐃᓕᓴᐱ II ᐃᓕᓴᕆᔭᐅᔾᔪᑎᓂ ᑮᓇᐅᔭᖅᑖᕈᓯᐊᕐᓂᒃ. ᑮᓇᐅᔭᖅᑖᕈᓯᐊᑦ ᐃᓕᓴᖅᓯᔪᑦ ᓄᓇᑖᖃᑕᐅᓯᒪᔪᓂᒃ ᐊᒻᒪᓗ ᓄᓇᑖᖃᑕᐅᓯᒪᙱᑦᑐᓂᒃ ᐃᓕᓐᓂᐊᖅᑎᐅᔪᓂᒃ ᖁᑦᑎᓛᓂᒃ ᓈᓴᐅᑎᑖᖅᓯᒪᔪᓂᑦ ᐊᕐᕌᒍ ᒪᕐᕉᖕᓂᒃ, ᐱᖓᓱᓂᒃ ᑎᓴᒪᓂᓪᓗ ᐃᓕᓐᓂᐊᖅᑐᓂᒃ. ᑮᓇᐅᔭᖅᑖᕈᓯᐊᖑᔪᑦ ᑐᓂᔭᐅᓚᐅᖅᑐᑦ ᑕᓪᓕᕐᒥᒃ, ᓄᕕᐱᕆ 1, 2013ᒥ. ᐊᔾᔨᙳᐊᕐᒦᑦᑐᑦ, ᓴᐅᒥᖅᐸᓯᖕᒥᑦ: ᐃᐅᕆᒃ ᑯᐊᕐᓅ, ᓯᓚᑦᑐᖅᓴᕐᕕᓕᕆᔨ ᓄᓇᑦᑕ ᐅᓪᓕᕕᖁᑖᓂ, ᓯᓚᑦᑐᖅᓴᕐᕕᖕᒥᑦ, ᐃᖃᓗᓐᓂ; ᓄᕝᕕᔭ ᐃᓄᐊᕋᖅ (ᐊᕐᕌᒍᓄᑦ ᒪᕐᕉᖕᓄᑦ); ᑖᓯ ᒪᓴᓐ (ᐊᕐᕌᒍ ᑎᓴᒪᖓᓃᑦᑐᖅ); ᒫᒃ ᐴᓯ (ᐊᕐᕌᒍᓄ ᒪᕐᕉᖕᓄᑦ); ᑕᐃᔮᓐ ᐃᔭᐃᒍ (ᐊᕐᕌᒍ ᑎᓴᒪᖓᓃᑦᑐᖅ); ᐊᒻᒪᓗ ᐲᑕ ᒫ, ᒥᓂᔅᑕᐅᑉ ᑐᒡᓕᐊ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ, ᑐᓐᓂᖅᓴᐃᓚᐅᖅᑐᖅ ᑮᓇᐅᔭᖅᑖᕈᓯᐊᕐᓂᒃ. (ᐊᔾᔨᙳᐊᕐᒦᖏᑦᑐᖅ: ᕆᐱᑲ ᕙᐃᑕ, ᐊᕐᕌᒍ ᐱᖓᔪᖓᓃᓕᖅᑐᖅ.)