Nunavunmi Ujaraghiuqtiujuni Pinahuarut pigiaqaliqtun uukturutit

Kavamatkunnin Tuhaqtitaudjutikhaq

Nunavunmi Ujaraghiuqtiujuni Pinahuarut pigiaqaliqtun uukturutit

Ujararhiuqtiuvit? Ihumavakpin aalanik ujaqqanik?

Pivalliajuliqijikkut Ingilrajuliqijikkullu Havagvia (EDT) piliqtun uukturutiknik uumunga Nunavunmi Ujaraghiurnikkut Pinahuarutimi. Pittaarungnarhivutin imaatun $8,000-mun ikajuriami akiliriami maniqqami akiliqtakhanun, qaujiharnikkut naunaijarnikkut akiinnik, ikajuqtinun akiliuhiakhanik, tamajanik, tamajaniklu havaktaujarnun.

Uuktuqtaaqtut imaatun:

• Nunavunmiutaujukhaq.
• 18 nik ukiuqaqtukhaq avatqumajumikluuniin.
• Piqarluni ujaraghiurnikkut ajuirhimajukhaq iniqhihimaluniluunniit uuminnga Naunaijarnikkut Ujaraghiurnikkut iliharutimik.

Uuktuqtinatik, uuktuqtut akhuuqhajaujut hivajaqlugit havagviit ihuaqhaqlugu uqaqatigilugit ukua Nunalingni Nunaliqijit upalungaijariangini tamaita pijakhat laisit uvalu aalat uuktuutit pijakhat. Umikvikhaa uukturvikhaq Qitiqqautijuq 28, 2023.

Kangiqhittiarumaguvin, hivajaqlugu 1-888-975-5999, qagitaujakkut minerals@gov.nu.ca uvaluuniin pulaaqlugu https://www.gov.nu.ca/in/programs-services/nunavunmi-uyarakhiurnikkut-ha.... Hivutunirmik ikajuutikharnik piumaguvit, uqaqvigittaaqtan avikturvingni EDT kut hamalatkutluunniit ikajuqtaujumaguvit.

###

Tuhaqtipkainikkut Uqarvigijakhaq:

Weichien Chan
Atan'ngujaq, Tuhagakhanut
Pivalliajuliqijitkut Ingilrajuliqijitkullu
867-975-7818
edt@gov.nu.ca