Havaktingit

You are here

2016 Qanurittut Hulilukaarutiillu

Qanurittut Hulilukaarutiillu | Qilaut 2016 | Inuktut Aturutikhat
Atuqtuuyat Piksasuuliurnikkullu | Nunallaani Havaktauyukhat | Aihimaviat Makpirvia

2016 Qanurittuq: Inuit Aannuraangit
(Inuit Clothing)

Qanurittukhaq Uqauhirmut Quviahuutiqarniq 2016 una Inuit Aannuraangit (“Inuit clothing”). Inuit aannuraangit pipkaqtitpaktait hivulivut inuuttiapkarhugit ukiuqtaqtumi. Pitquhikkut nutaallu aannuraakkut iliktirutivut anginiqaqtuq pitquhikkut piliurnikkullu takupkaitjutinik, tautungnaqtut ilaqatigiikniin, angaatjuutitigut, ihumagitjutiptikniklu nunaryuamik. 

Aannuraatigut havagutivut pitjutiqaqpiaqtut uqauhiptiknun. Inuktut, naunaiqtipkaqpatavut ayuirhimaniit, qauyihimaniit, uppiritjutillu ilauyut aannuraaliurnikkut, ilauyullu ayurnaqtut havagutit, hanalrutit, iliktirutit, qanuriliurutikhallu. Inuktut, naunaiqtipkaqpatavullu inuuqatigiikniit ayuirlirnikkullu aturutit ilauyut aannuraaliurutikkut pitquhiptikni. 

Talvani Uqauhirmut Quviahuutiqarniq 2016, ilihailutit aallanik iliharyuummirlutillu aannuraaliurutiptigut pitquhiptiknik aallakkiiktunilu Inuktut aannuraaliurutikkut taitjutinik. Atuqlutit Inuktut nutaqqanun uqautikkut aanuraanik atimayainnik. Uqaqatigilugit inirnikhat qauyimayainnik angunikkut upalungaiyarnikkut aminik, iliktirnikkut aannuraaliurnikkullu, itqaumayainniklu aannuraanik tamaat inuuhirmingni. Uqaqatigilugit inuit tamaanin Nunavunmin aallakkiikniqaqtuni aannuraaliurutini, iliktirutini, taitjutinilu avikturhimanirni.

Ihumagiyauyut Hulilukaarutikhat
Huliniaqqit uvani ukiumi? Hamma ilangit ihumagiyauyukhat aliahuutimi 2016mi qanurittumi, Inuit Aannuraangit (“Inuit clothing”): 

  • Nunallaami naalautikkuuqluni – Qaitqulugi inirnighat aallallu ilihimayut nunallaamiutat uqaqtukhat naalautikkut ukunuuna Inuit aannuraangitigut, ilauyullu havagutait upalungaiyarnikkut aminik, uuktuutikkut upalungaiyarnikkullu iliktirutikhanik, mirhurnikkut, pinniarharnikkullu iliktirutikhanik, itqaumatjutainniklu mirhurnikkut pitquhikkut aannuraanik tamaani inuuhirmikni. 
  • Taitjutikkut Qauyiharniit – Ihuarhailuni nunallaami katimayunik nipiliuqtukhat nunallaamin aanuraakkut taitjutinik tunilugillu inirutit havakviknun iliharviknunlu, naalautikkut, nunallaamilu mirhuqviknun. 
  • Aannuraanik Qunngiaqtipkaivikhaq – Pipkailuni “aanuraanik qunngaiqtipkaivikhamik” aliahuutigilugit nunallaami aannuraaliuqtauhimayut tamainniklu inungnik ilauvaktunik aanuraaliurnikkut. Qaitqulugi kitkut uqaqtukhat aannuraanik qangaraalungmin uplumilu. 
  • Iliharluni Amigaqyuummiqtunik Aannuraatigut Taitjutiknik! Akhuurharlugit aallat aturnikkut Inuktut aannuraakkut taitjutinik aihimavikni, iliharvikni, havakviknilu. Atuqlugit aannuraakkut taitjutinik nutaqqanun uvani tatqiqhiutimi. Nivinghaqlugu taitjutikhat titiraqhimayut havakvikmi. 
  • Niripkainiq – Pipkailuni nunallaami niripkainirmik qaitqulugillu ilihimayut nunaallamiutat uqaqtukhat aannuraanik pitquhiinnik ilihaiyukhallu ayuirhimayamiknik, taitjutinik, unipkaaniklu. 
  • Ayuirhainikkut Katimapkaitjutit – Pipkailuni ayuirhainikkut katimapkaiviknik, imaakiaq aminik upalungaiyarnirnik pualuliurnirnikluunniit, hanalrutiliurnirnik, ikayurlugillu ilauyut ayuirharnikkut taitjutikhanik pitjutiqaqtut aannuraaliurnikkut katimapkainirni. 
  • Inungnun Tuhaumapkaitjutini – Iliuraqlutit piksanik pitquhikkut nutaaniklu aannuraanik ukunani inungnun tuhaumapkaitjutinun. Aallanguqtirluni tuhaumapkaitjutingni piksaa iliuraqlugit Inuit aannuraatit. Atuqlugit naunaitkutit (hash tags) #InuitClothing unalu #Aannuraangit. 

Aallallu Hulilukaarutikhat Uqauhirmut Quviahuutiqarnirmun

Hamma ilangit aallat aturutikhat Pitquhiliqiyitkunni iliuraqtaaqtatit qaritauyarnun atuqlugillu uvani Uqauhirmut Quviahuutiqarniq 2016mi. 

Ilitturiyuumirumaguvit hulilukaarutaigut titirarnigluuniit piyumaguvit, uqarvigilugu Tocasie Burke uvani (867) 975-5528 uvvaluuniit tburke@gov.nu.ca.
 

Iglarnaqtut!

Iglarnaqtut! taiguaq iyurinnaqtut unipkaat titiraqhimayait Nunavunmiut. Titirauyakhimayaa Babah Kalluk, titirauyaqti Qausuittuqmin. Makpiraaliuqhimayut titiraqhimayuq Inuktitut qablunaat titirauhiagullu. 

Qaritauyanut pittaaqtuq Iglarnaqtut! (PDF) 

 

Timimi Kituuyaakhait Tainiit

Qaritauyakkut pittaaqtauyuq hivulliqpaaq Nunavunmit kalalik tainiit timipta. Iluaniitut avatqumayut 400 tainiit Inuktitut, Inuinnaqtun, Uiviititut, Qablunaatullu. Tainiit katitiqtauhimayut inirnikhaanit, ikayuqtauyullu aanniaqtuliriyit numiktiriyiit, numiktiriyit, aanniaqtulirinirmullu qauyimattiaqtut Nunavunmi. 

Qaritauyanut pittaaqtuq: Terminology on Human Anatomy (PDF) 

 

Aliagiyauyut Piannauyat Taiguaktakhaliuqtauffaaniaqtut

Uvani ukiumi, taiguaqtakhaliuffaatavut piannauyat. Ilauyut 45-nguyut ayurnaittut hunaliqaat atiit. Havaktauyut initatuyut tuyuutauniaqtut iliharvingnut taiguaqarviinullu. atuqtaaqtut PDF-nguyut ilingnik piyaarni piannauyanik kalaliqtauyukhanigluuniit. 

Qaritauyanit pittaaqtuq tamangnik: ᐃᓄᒃᑎᑐᑦ | Inuinnaqtun 

More Activities to Download

 

Piannauyat – Ubluqtamaat Inuuhiit

Aippaangani, nuittitiyugut Inuktutit piannannuanik tainilingnik ubluqtamaat inuuhiitigut. 

Qaritauyanit pittaaqtuq Daily Life Flashcards 

 

 Tulugaryuaq Ivitaaruyarvikhaq

Qangaraaluk, tulugait uqayuktillugit inuktut... quviagilugu taiguaruk hulidjutait inuulrammit inuit unalu uqaqtaaqtuq tulugaryuaq uvani kalaliqtuqtakhami unipkaatuqauyunit pihimayuq. Titiraqhimayuqnjoy Inuktitut Inuinnaqtullu.

Qaritauyanit pittaaqtuq: Raven Colouring Book