Havaktingit

You are here

Qilaut atuujakhanik-titirarutinik akittaquti utiqtuq 2022mi

Julai 25, 2022

Kavamatkunnin Tuhaqtitaudjutikhaq

Qilaut atuujakhanik-titirarutinik akittaquti utiqtuq 2022mi

Pijumajutilluunniit atuujanik-titiraqtiujumavin? Aliagiviuk titirariami atuujariamilu atuujautingnik Inuktut?

Pitqulihiqijikkut Havagvia tadja piliqtuq tujuqtaujunik uumunga Qilaut 2022, Nunavutim ukiuq tamaat Inuktut atuujakhanik-titirarutinik akittaqutaa. Uumani ukiumi qanurinnia una ‘Kajjaarijara’.

Aullaqtirutaanin, Qilaut aliahuutigihimmaaqtaa Nunavutip aullariktuq Inuktut atuujautait akhuurhaqtaalu aturnia Inuktut. Talvuuna akittaqutikkut, Nunavunmiutat tunijun aullaringninganun, annaumanahuarninganun, taammaqtailirnirmullu Inuit pitquhiinni uqauhiinnilu. Saivanun (7) ukiunun Qilaut pilarhuqtait atuqtit atuutiniklu-titiraqtiit tamaani Nunavunmi titirariami avatquhimajumik 70nik piliungarhimajunik Inuktut atuutinik.

Nunavunmiutat pitqujaujun tujuqlugi piliurngarhimajunik Inuktut atuujautinik akimanahuarlutik maniknik taktakhanik – hivulliq taktakhaq, $5,000, tukliq taktakhaq, $2,500, unalu pingahua taktakhaq, $1,500 ukuallu saivan (7) taktakhat $500 ukununga takhijukhanullu. Akimajun tujuqtaujut nipiliuqtauniaqtun ajuittunin uvunga katitiqhimajunik naalaktakhanik tunirhaqtauniaqtuq 2023mi.

Taiguariami titiraqhimajun akittaqutimi maliktakhat, pitqujauhimajun uuktuutini ilitturijaamilu uumani ukiumi qanurinnianik, takulugu https://bit.ly/Qilaut2022-ikt. Naalagiami aippaangani akimajunik, takulugu https://www.gov.nu.ca/culture-and-heritage/information/qilaut.

Tamaita tujuutit tujuqtauttaaqtun uvunga qilaut@gmail.com. Umikvikhaa uukturiami uan Aktuupa 3, 2022.

###

Tuhaqtipkainikkut Uqaqvigijaqhaq:

Seané D’Argencourt
Tuhaqtakhanun Atanngujaq
Pitquhiliqijikkut Havavia
867-975-5508
sdargencourt-printup@gov.nu.ca