Havaktingit

You are here

2014 Uqauhirmut Quviahuutiqarniq

2013 Uqauhirmut Quviahuutiqarniq  | 2014 Uqauhirmut Quviahuutiqarniq  | 2015 Uqauhirmut Quviahuutiqarniq  | 2016 Uqauhirmut Quviahuutiqarniq  | 2017 Uqauhirmut Quviahuutiqarniq   | 2018 Uqauhirmut Quviahuutiqarniq |2019 Uqauhirmut Quviahuutiqarniq   | 2020 Uqauhirmut Quviahuutiqarniq | 2021 Uqauhirmut Quviahuutiqarniq | Mapiqviluanga

 

2014 hulilukaarutit | Inuktut Atuqtakhat | Atuuyat Qun’ngiakhallu

Qangannuaq hulidjutiliuqtat | Kingun’ngani hulidjutait| Makpirvilluangani

Uqauhirmut Quviahuutiqarniq
Iidjirurvia 17 – 21, 2014

 

Uqauhirmut Quviahuutiqarniq tautuuyanikhauvik uqauhinik Inuktut. Ayuiqhaqta ilihautilugillu. Atuuyaqta unipkaaqtalu. Hulivagluta.

 

Una 2014-mi atiqaqtuq “Uqauhiqqut pitquhiptingnut hakugidjutauvuq.” Tuhaayauhimagami inuulrammimit aturumayauyuq taamna inuktut akun’nganiittumat pitquhirmini.  Hamma ilangit hulidjutikhat ihumagiyakhatit:

  • Uqauhiqqut pitquhipta tun’ngavigiyaa. Uuktuqattaraangangni uqauhit, hakugikhiyuumiqtitpagat pitquhiit. 
  • Uqauhiqqut pitquhiqqut atautimut atayuk. Atauttimut, tammalimaittuk! 
  • Atuqpaglugu Inuktut pitquhinik atuqpagaangavit hulilukaaqhutit.
  • Atuqpaglugu Inuktut nutaqqangnut aihimablutit, ilannarnut ilruhirnut nunaffingni, havaqatingnullu havagvingni.
  • Uuktuquvaglugit tamaita Inuktut qaritauyakkut aallanut titirarviudjutikkullu! Naalagluhi naalautinik nunangni inuit unipkaanginnik atuuyaqtuniglu. Qun’ngiarluhi qun’ngiakhanik atuuyautiniglu naalagluhi. Qun’ngiarluhi Inuktut qun’ngiakhanik tiiviikkut qaritauyakuulu. Uqaqatiqaruvit titiraqhutit Inuktut titirarvigilugu qaritauyakkut. 

Una 2014-mi nivinngaqtauyukhaq takunnaqtunik Inuit atuqtunik atuqhutik uqauhirmingnik ikpiguhukhutik quviagiblugu pitquhiqtik.  

 

Huliniaqqit?

Una quviahutiuyukhaq tamainut hulilukaarut. Tamapta uuktuqtaaqtugut, ilihaittaaqtugut, atuqtauyaangani Inuktut. 

 

Iidjirurvia 21 Hilaryuami Uqauhilraanguyut Ublua!

Uqauhilraanguyut uqauhiit ikayuutauyut inuuhiqattiarnirmut nunallaaniglu naudjutauyut. Hilaryuami UqauhilraanguyutMother tongue languages support wellbeing and community development. International Mother Tongue Language Day raises awareness about this. This day is also about the value of language diversity.

Hilaryuami Uqauhilraanguyut Ublua – Iidjirurvia 21 

 

Hunauningagut Uqauhirmut Quviahuutiqarniq

Una quviahuutigivaqtaqqut ukiuqtamaat Iidjirurviani, taimaalu Hiluaryuami Uqauhilraanguyut Ublua quviahuutauvakturlu (Iidjirurvia 21).  Kinguliqni ukiungani, quviahuutikhangit nallaumavaktun atauhirmik malrungnirmun havainirnik. Aulattitiniaqtun 2015mi,  Uqauhirmut Quviahuutiqarniq  hivutuniqaqniaqtuq tatqikhiumi tamaat Iidjirurviami. 

 

Huuq taimailiuqpatugut uvuuna Uqauhirmut Quviahuutiqarnikkut aturyuumipkainahuaqhuta uqauhinik Inuktut imaalu ilituripkainiaqhuta ikpirniagut, ingilraanitaatigut, qanuriningagut aallatqiingningagut tamainni Nunavunmi. Ilitaripkaniqhugulu Inuktut kangqhidjutit atuqtauyukhallu (malikhugu Inuit Uqauhiit Tammaqtailinirmut Maligaq).

 

Inuktut atauhiuyuq pingahunit uqauhiinnit nunaqaqqaaqtut Kanatami tammallagunaittunahiyuq. Kihimi, Inuktut tammallagunaittuq hulidjutigiliruptigu. Aturnia Inuktut mikhiyuumiqtuq qaffini ukiuni aniguqtuni. Ilihimaliqtautaini Statistics Kanatami, aturnia Inuktut aimavingni ikigliyuummiqtuq uvannga 76%-mit 1996-mi uvunga 64%-mut 2006-mi. Aallanguqtirnia Inuktut aturniata aimavingni kayagiqudjutauyuq, aimavingni nutaqqat ilitqaaqpaktut uqauhinik. 

 

Atauttikkut, kingumuktitaaqtaqqut ikigliyumirnia Inuktut atuqpaktut. Uqauhiqqut hadja hakunginiqaqtuq tun’ngaviqaqtuq. Imaalu, uqauhiqqut munariyauyuq ataani avikturviup maligaini. Kihimi, huliliqtuqhauyugut – aimaviptingni, iliharivngni, havagvingni nunallaaptingnilu. 

 

Hulittaaqqita?

Ilkkut hulittaaqqit? aturlugu Inuktut ubluqtamaat. Kimulliqaak uqauhirilugu, ukunungalluarlu nutaqqanut. Uuktuqpagluhi uqarluhi titirarluhi kimuliqaak. Uqqariktunik uqaqatikhaqhiurlutit ikayuqtukhanik. Atuqpagaangangni Inuktut, ikayuqtat uqauhit pitquhiilu hakugigiangingni. 

 

Nunavut Kavamangat uqariiqtut havakpangniaqhutik aturlugu Inuktut ilitquhiptingni. Uqariiqtut atuqhugu una nutaaq uqauhiit maligaigut (Ilitariyauhimayut Uqauhiit Maligaq unalu Inuit Uqauhiinik Tammaqtainirmut Maligaq). Ilauqtauhimabluni Inungnit katimayiinillu Nunavnmit tamaanit, upalungaiyaqhiyugut ilauitunguqtumik hannaiyaunmik atuqtauyaangita nutaak uqauhinut maligak.  Hannaiyautikput atia Uqausivut. 

Qaritauyakuuqtillugu Uqausivut 2012-2016

 

Qulvatillugu nunalingnit ilitarinia ilitturinia ihumaaluutigiyauyut ilauyut hannaiyautiptingni. Qulvatuyuuminiaraotigu qanurinnia Inuktut inuuhiptingni ubluqtamaat. Amigiaqtittumablugit uqayuktuq Inuktut aimavingni, iliharviinni, nunallaaptingni, havagvingnilu. ubluqtamaat, uqauhiqqut hakugikhiyuuminiaqtuq pitquhiqqullu aulaniaqhuni. 

 

Atiagut uuma: Uqauhirmut Quviahuutiqarniq

Hivulliqpaami uukturaptigu quviahuutigiblugu Inuktut, atiqaraluaqtuq Inuktitut Uqauttin. Imaa tukiqaqhuni “uqaqtut Inuit pitquhiitut” (Igluliup uqauhiagut). 

 

Uqauttin tukia taimani amihut uqautin uumannga uqauhiq (“tainiq,” “uqauhiq”). Una atuqtauyuq huli Kalaalliisut (Greenlandic (titiraqtaubluni oqaatsit), Inupiatuttauq Inuvialuktullu (uqautchit/uqauttit), aallani ualinimiut uqauhiini Inuktut.  Una atuqtauhimayuugaluaq taimani kivataani ukiuqtaqtumi kihimi atuqtaulluarungnaiqtuq hadja.

 

Uqarvigivaktavut nunalgit Nunavunmi atiagut. Hapkua tuhaayaptingit, attiqhimangmiyaqqut imaa Uqauhirmut Quviahuutiqarniq 2005-mi. una atia piyaqqut kangiqhittauttaarmat tamainit uqauhinit. Imaa tukiqaqtuq ‘quviagiblugu uqauhiqqut.” 

 

Hunali “Inuktut”?

Nunavut Kavamangat atuliqtaat tainiq Inuktut uqariliraamikkik Inuit uqauhiit Nunavunmi. Ilauyuk ukuak Inuktitut Inuinnaqtullu. Uuma tainiup himmauhiqtaa qablunaatut taiyauvaktuq “Inuit uqauhiit.” 

Ilitturiyuumirumaguvit hulilukaarutaigut titirarnigluuniit piyumaguvit, uqarvigilugu Tocasie Burke uvani (867) 975-5528 uvvaluuniit: TBurke@gov.nu.ca.