Havaktingit

You are here

Nunavut Nunalaani Taiguuliqiviingit

Nunavutmi Makpiraaqaqviit

Nunallaani Makpiraaqaqviit inungnut pitjuthimajut inmi pipkaingmat nakuunikhaanunutlu nunallaamingni.  Nunavunmi Makpiraaqaqviit Havagviit (NPLS mik taivagaat) pivikhaqaqtut makpiraanik, qaritaujakkut ikajuutikhait hunanutlu ikajuutikhaqariaqtut tamainnut laivaujut makpiraaqaqviqaqtut nunallaani nakuunikhaannut nakuujumik nunallaami.  Qanuriliuqtakhamingnik ikajuutikhamingnik inungnut ajuitpiaqtutlu ikajuqpaktut ikajuutikhainnik nunallaat Nunavunmi pivikhaqariaqpiagannik makpiraaqaqviit.

Nunavutim makpiraaqaqviit aanniqvikhaittuq, tun’ngahuqtittivaktut lu qanuritkaluaqtillutik inuit.  Ikajuqpaqtavut inuuqativut pittaalaqijaangginnik naunaitkutikhainnut ihariarijainnik, inmi nakuuhivikhainnutlu.  Pivikhaqagumajavut inuuqativut pittaalaqijaanginnik naunaitkutikhainnik ihuaqqutikhamingnik Nunavunmiut nunaqarmattalu nunaqjuaptingni.  Uuktukhimmaaqtugut nunallaami pivikhaqaqtittinahuaqhimaaqhugit Nunavutim inuuqatingmingnut ihuaqutikhamingnik inungmiutilluni, maniliurnikkut pitquhitigutlu pivikhaqaqtittinahuaqhugit tamaita imaa pittaalaqijaamingnik naunaitkutikhainnik tamaani nunaqjuaptingnit kihimi takulluaqtauluni ukiuqtaqtumin uqaqvigijaujaangginnik naunaiklugitlu kitut inuuhirmi hivitujumi ajuikhautigijauniaraluaqqat tairuangnitigutlu titirangnikkutlu.  

Nunavutim makpiraaqaqviit amigaittuqaqtut makpiraanik, qun’ngiararhanik, DVDs nik aadlaniklu.   Aadlat taapkuat ikajuutaugiyuqtut qaritaujakkut ajuikhainikkut, nutaqqat ajuikhautivikhainnik, qaritaujakkuurutijaamingniklu akiittumik, ikajuutigiyauyuniklu, makpiraaqaqvingmiinnaq atukkiutit hulidjutikhanunutlu atuquhimmaangginnariamingnik Nunavutim pitquhia, tairuangnik titirangnikutlu aadlatlu hunaujut.  

qaritaujakkuugutivikhaqaqtutlu uumani NPLS kut  naunaitkutikhaqaqhutik titirarhimajunik kitut nunallaat ikajuutivikhaqaqtut qaritaujakkut talvunggauyaamilu naunaitkutigijaujunut tutqukhimajunik qaritaujakkut. Kitkut piumajut talvunggaujaamingnik tutqukhimajunut qaritaujakkut NPLS naunaitkutainnut hamunggauginnariaqaqtut

Hivajariami nunallaangginni makpiraaqaqvianggannut… 

 

Hivajainnarialrit NPLS kut – Anggijuqqaaqaqviit aaffissianut Qamanittuaqmi

Hivjautaa: (867) 793-3353
Faaksiutaa: (867) 793-3360
Qaritaujakkut: rknowling@gov.nu.ca

Titiqqivilikkutluunniit hamunga:

Nunavut Public Library Services
P.O. Box 270
Baker Lake, Nunavut
X0C 0A0

www.ch.gov.nu.ca