Havaktingit

You are here

Nutaat tuhaqtakhat Qamanittuami uqhuqarviup kuviniarut

Julai 20, 2021

Kavamatkunnin Tuhaqtitaujukhaq

Nutaat tuhaqtakhat Qamanittuami uqhuqarviup kuviniarut

Nunalingni Kavamatkunnilu Pivikhaqautikkut (CGS) tuhaqtittumajait Qamanittuarmiunun nutaamik kaasiliimik kuvijuqaqtumut talvani tuhaqtidjutaanut Qitiqqautijuq 22.

Avatiliqijitkut havakatigiiktut naunaikhijut taimaakuvijuqaqhimajumut pihimajuq malrungnit kuvivianit talvani uqhuqarvingmit. Kuviviit naunaiktaat talvani uqhurjuamun tuqhuanganit talvanit Uqhurjuaqarvik 5 tuqhualluanganillu Uqhurjuaqarvik 2. Ukuat tuqhuangit himmiktaujut.

8-ngujut 9-nit uqhurjuagarviit tadja nakuujumik ihivriuqtaujut naunaiffaaqtait nakuujumik atuqtaujakhamun. Ihuaqhaffaaktaujakhat ilanginnut uqhurjuaqarvingmun iniqtirniaqtait tikiliqtuni ubluni. Piittuq uqhurjuaqarviinni kuvijuqaqtumik.

Havakhimmaaqtait halummakhivlutik nakuujumik havaktaujut. Ihuaqhaqtait iluvruanganut kuvilaitkutainut haniani uqhurjuaqarviani ihuaqhiffaariangani iluvruanganun nakuujaami taimaa huvuani kuvijuqarnaittumun. Hanirakhaq nutqaqtidjutikhamun aulajumun ikummariktut uqhukhat ilijaujuq. Havaqatigiiktut kuvijunun pijaihimmaaqtut tutquqhugillu halumaiqtumun nunamik imarmiklu malrungni atullaktainun tutqurvikhak katitirinirmullu ihuaqhaidjutikhat halumaiktunut imarmun piijaidjutikhaq ikummariktut uqhukhat havakhimmaaqtait.

Agnico Eagle Mines Limited ikajuqtut pivlugit ilangit imaqarviit halumaikhimajut immat nanminirijamingnut tutquumavikmun halummaktaujakhanik, atuqtittugillu havaqatigiiktut akhaluutinik iluvruaqhaniklu atuqtakhainik. Naunaijarhimmaaqtut ublumimut takunnaqtutut kuviniarut tikingittuq Qamanittuamut imaalu tikittunaittutut ittuq tahamunga.

Avatiliqinikkut havaqatigiiktut iniqhijumajut najurviinik ihuaqhailutik havakniaqtut ukiaqhami, munarihimmaarlugu 2023-mun. Havainirni qanurinmangaat naunaiqhihimmaarniaqtut Miijamun Atan’ngujaanullu Hamalatkunni Havakviani aallaniklu naunaitkutikhanun inungnut, pilutik pijukhaukpallu.

###

Tuhaqtipkainikkut Uqaqatikhaq:

Aramide (Lola) Owoaje
Atangujaq, Atugakhangit Maligakhanullu
Nunalingni Kavamatkunnilu Pivikhaqautikkut
867-975-5354
aowoaje2@gov.nu.ca