Havaktingit

You are here

Nutaat tuhaqtakhat Qamanittuami uqhuqarviup kuviniarut

Immaktirvia 14, 2021

Kavamatkunnin Tuhaqtitaujukhaq

Nutaat tuhaqtakhat Qamanittuami uqhuqarviup kuviniarut

Havagviat Nunalingni Kavamatkunnilu Pivikhaqautikkut (CGS) halummaqtirihimmaaqtut Qamanittuami kinguagut uqhurjuaq kuvingmat tuhaqtitauhimajuq uvani April 22mi.

Avatiliqinikkut Kiudjikhangit Havaqatigiiktut tikittut Qamanittuamut ubluani April 24 imaalu havakpaktut ihuaqhaiplutik halummaqtikhugulu kuviviananik. Iliuraijut imaatut aktigijumik 3,100 cubic metres katitiqpiakhimajunik hikumik, apunmik, imaalu nunamik atuqtaullaktukhanik puukhaliuqhimajumut. Tuklianik atuqtaullaktukhamik puuqhamik hanajauliqtuq atuqtaujukhamik mahakpaluajumut imarmut nunamutlu.

Ihivriuqtaujukhat qurluarvikhaliuqhimajut imaalu algangniit algaktaujut uqhurjuaqarviit hiniraitigut, nunat nauaijaqtaujukhat katitiqtauvaktut naunairianginnik qanuqtut itinianik kuvinia hiaminnianik, imaalu nutqarvikhaliuqtut hanirakhanik hanajauliqtuq nutqaqtinahuarutikhanik aallanik ahinut ingilrannaittumik. Naunaijautingit ublumimut takunnaqtutut kiinia tikingittuq qamanittuamut imaalu tikittunaittutut ittuq tahamunga.

Kiudjikhangit Havaqatigiiktut ihivriuqhijut uqhuqarviit ikkuaqutaanik naunaiqhijumaplutik huanni ihuaqhaqtaujariaqagiakhanik. Tadja atuqtaujut uqhuqarvigjuat uqhuqarvianni imaijaqtauliqtut imaalu ihivriuqtauhimmaarniaqtutlu naunaijaijamingni himilluaq qanuqtutluarlu huanit kuvijakhanik.

Imarmik halummaqhiviat havaktingit tikinnialiqtun kuvivianut ihuaqhaijamingnik aktuqtauhimajumik mahaktirnianik. Halummaqtiqtauhimajuq imaq aullaqtitauniaqtuq ihivriuqtaudjutait ihuarniqqata aullaqtidjutikhanut naunaijautikhanginik. Unaluttauq, CGS-kut ihivriuqhiniaqtun niuqakhamik imarmik imiktarviannik Qamanittuami piqariakhanik uqhuvalukariakhanik.

Kiudjikhangit Havaqatigiiktut iniqtauniarnahugijait ihuaqhaqtaujunik ukiakhami munarijauhimmaarniaqtuq talvunga aglaat 2023mut. Havainirmi tamaat nutannguqtiqtaujunik tunijauvangniaqtun Miijamut Katimajiinutlu Hamlatkut. Aallanik kangiqhidjutikhanik tunijauniaqtun inungnut piyariaqaliqata.

###

Tuhaqtipkainikkut Uqaqatikhaq:

Mustafa Eric
Tuhaqtidjutinun Ajuittiaqhimajuq
Nunalingni Kavamatkunnilu Pivikhaqautikkut
Nunavut Kavamanga
867-975-5406
meric@gov.nu.ca