Havaktingit

You are here

Nunavunmiut Inulrammiujut Kivgaktuijikhanut Pinahuarutit

Niqiliqivik 19, 2021

Kavamatkunnin Tuhaqtitaudjutikhaq

Nunavunmiut Inulrammiujut Kivgaktuijikhanut Pinahuarutit

Nunalingni Kavamatkunnilu Pivikhaqautikkut, Ulapqinirmun uvalu Ulapqinirmun Havagvia, piliqtut uuktuutinik uumunga Nunavunmi Inulrammiujut Kivgaktuijikhanut Pinahuarutit.

Nunavunmi Inulrammiujut Kivgaktuijikhanut pinahuarutit pidjutikhaq Nunavunmiutanun akun’ngani ukiuqaqtunut taimaa 16-mit 21-mun havagianginni ajuiqhimajumun inulrammiujumun. Ilaujut ajuirniaqtut hivuliqtiunikkut ulapkidjutikkut hulilukaarutinullu pinahuarutinin, ajuiqhainiq akiliqtauhimaittumiklu ikajuqpakjtunun nunallaamingni, avikturviinni, nunamilu. Pinahuarutikhaq atuqhimaanginaqtun ulapqidjutinik hulilukaarutiniklu napaqtitijaangat pittiarutikharnik, pittiaqhimajukharnik aturiaqaqtuniklu pitquhiqlinikkut ilituqhaidjutikharnik piqatigiiktukharniklu.

Una pinahuarutikhaq pipqarniaqtait ilaujut pidjutikhanun taimaa:

  • Ajuirjuumilugit hivuliqhurnikkut inuuhikullu ajuiqhautit ajuiqharnikkut akiliqtauhimaittumiklu ikajurnikkut.
  • Ilauqatigiilirlutik nunallaamingni ikajurnikkut akiliqtauhimaittumik akhuurutikkullu ilaulutik uuktuqtunun.
  • Akiliqtauhimaittumik ikajurlutik aallanik hulilukaaqtuni ilauniarungnaqhijut angijut ulapqidjutit uumatut Kanata Aujami Ulapqijut.

Umikvighaa uuktuutikhanun uumunga 2021-2022 pinahuarutikhamun talvani Apitilirvia 17, 2021.

Kangiqhittiarumaguvin pijumaguvilluuniin uuktuutikhamik, titiqqivigilugu SRinfo@gov.nu.ca.

###

Tuhagaqtidjutikhanut Uqaqvikhaq:

Aramide (Lola) Owoaje
Atan'ngujat Atugakhanut, Maliganut Tuhaqtitaujukharniklu
Havagviat Nunalingni Kavamatkunnilu Pivikhaqautikkut
867-975-5354
aowoaje2@gov.nu.ca