Havaktingit

You are here

Niuvaaniq uqhukhat akikhangit allanguqtiqhimayut

Maassi 29, 2019

Nunalaani Inungnun Tuhaqtitauyukhaq

Niuvaaniq uqhukhat akikhangit allanguqtiqhimayut

Havagviat Nunalingni Kavamatkunnilu Pivikhaqautikkut, Uqhuqyualiqiyut Havagviat (PPD), ilitugipkaiyumayut Nunavunmiutat ihuaqhaidjutikhangit niuvaaniq uqhukhat akikhangit taimaitunik uqhuluit, tingmitit uqhuluit, talvuuna auladjutitigun nunaqyuaptingnik uqhuqluit niuviqtaunginaqtun akikhaatigun.

Niuvailiqiyut akikhangit tamaini Nunavunmi nunalaangitni, Iqaluit kihinguqtauhimayuq, naunaiqtauniaqtun. Niuvailiqiyut akikhangit hiuqyuktuutit gaasiliingit aulalimaitun tamaini Nunavunmi 8 taalauniaqtun atauhiq qatannuaq.

Hamma ukuat akikhait ihuaqhaqhimayut liitatigun aulaniaqtun Qitiqautiyuq 1, 2019mi:

  • Uqhuqluit Unaqtuutikhat, tamaini Nunavunmi nunalaangit kihingutauniaqtuq Iqaluit: $1.0390. nguniaqtuq.
  • Uqhuqluit Akhaluutit, tamaini Nunavunmi nunalaangit kihingutauniaqtuq Iqaluit: $1.1847. nguniaqtuq.
  • Uqhuqluit Tingmidjutikhangit, tamaini Nunavunmi nunalaangit kihingutauniaqtuq Iqaluit: $1.4253. nguniaqtuq.
  • Gaasiliingit, tamaini Nunavunmi nunalaangit kihingutauniaqtuq Iqaluit: $1.0964. nguniaqtuq.
  • Uqhuqhait Tingmitit, tamaini Nunavunmi nunalaangit kihingutauniaqtuq Iqaluit: $1.5014. nguniaqtuq.

2018mi, PPDkut aituqtauvakhimayut uqhuqyuakharnik agyaqtauniaqtun talvuuna atauhirmin kaantulaaqmin Nunavunmi-tamaat. Naunaitumik akikhangit naunairutiqarnik naunaitumik uqhuqhat agyaqtauyukhat akikhangit Nunavunmi nunalaangitni. PPDkut niuvingnagiqtukharnik havaaqhangit pidjutikhaqarniaqtuq 59 pusanmik uqhuqluikhangit talvuuna 2018/19mi ukiumi tatqikhiutingni, agyaqtauyukharnik auyami 2019mi ikikhilaaqhimayumik akikhaqaqtukharnik.

PPDkut havakhimaaqtun tuniyaangat Nunavungmiutanun anginirmik ihuaqtunik uqhuqharnik aulayukharnik avatiliqiviptingnun, niuvainginaqtun ihuatqiyauyunik uqhuqharnik pigiaqaqtunik Kanatami:

  • Gaasiliingit: Kiniqtaqtutun Gaasiliingit
  • Uqhuqluiqaqtunik: Ikiniqaqtun Sulphurmik Uqhuqluit
  • Jet-nit tingmitinit Uqhuqyuat: JET A1nik

Nunavut aulahimaanginaqtuq taima akikitqianganik akiqaqtunik nunaqyuangit Kanatami niuvigianganik uqhuqluinik.

###

Tuhagaqtidjutikhanut Uqaqvikhaq:

Nasra Esak
Tuhaqtidjutinun Ayuittiaqhimayuq
Nunalingni Kavamatkunillu Pivikhaqautikkut
867-975-5342
nesak@gov.nu.ca