Nanminiqaqtunut Laisinggit Nutaangguffaaqtaujuqhat

Inungnut Tuhaqtitaujuqhaq

Nanminiqaqtunut Laisinggit Nutaangguffaaqtaujuqhat

Nunalingni Kavamatkunillu Pivikhaqautikkut Niuvvaaviliqidjutijunut Havagvia piliqtut hadja nanminiqaqtunut laisinggit nutaangguffaaqtaujuqhanut uuktuutinik maniliqinirmun ukiunut 2023-2024.

Nanminiqaqtut tapkua aulayut hilataani haamlatkut kiqliinni havakpaktutluunniit nanminiit tamaani Nunavunmi uuktuinnariaqaqtut Niuvvaaliqidjutijunut Havagviannit.

Uuktuqtun paqiinnariaqaqtait nanminiit laisinggit nutangguqfaaqtaqhainnut katitiqhimajunik talvanga qaritaujakkuugutaani uvani Niuvrutikhaliqiyitkut website tuqhiqlutikluunniit atauhirmik tahapkunani Niuvvaaliqiijinit. Nanminiit iniktiqtaqhait nanminiutigun uuktuutaannik akiliqtuiniagumiklu atuqlutik atukkiqtuutikkut iniktiqtaqhaat titiraq talvuunatigut. Nanminiit laisinggit naakuujut atauhirmun maniliqinirmun ukiungganni, talvanga Qitiqqautijuq 1 min Qiqaijalirvia 31 mun ukiuq tamaat.

Akiliqtittiunikkut kivraqtuqtiit, niuvvaaviit, talvainnarmilu niuviktittinahuat tunihiinnariaqaqtutlu laisiqhainnik uuktuutainnik.  Talvunggaulutik Licence Fee Schedule takujaami piinnariaqaqtunut akiqhanut.

Uuktuutit, apikkuutit, ihumagijaujunutlu tujuqtauqtaaqtut qaritaujaqvigilugit, tujuqlugit kajumiktukkut, qaritaujaqvigilugitluunniit Niuvvaaviliqidjutinut Havagviannut uvani ConsumerProtection@gov.nu.ca hivajaqlugitluunniit  867-793-3321 titiraqvigilugitluunniit P.O. Box 440, 3090 6th Street,
Baker Lake, NU, X0A 0H0.

###

Tuhaqtipkainikkut Uqaqvigijaqhaq:

Hala Duale
Tuhaqtipkainirmut Ajuittiaqhimajuq
Nunalingni Kavamatkunnilu Pivikhaqautikkut
867-975-5406
hduale@gov.nu.ca