Kanatami Akhaluutiliqinikkut Ihuaqhainikkut Upalungaiyautit

Kavamatkunnin Tuhaqtitaudjutikhaq
Kanatami Akhaluutiliqinikkut Ihuaqhainikkut Upalungaiyautit

Talvuuna umiakkut aulayukharnik kayumiktumik upautikharnik, Havakviat Nunalingni Kavamatkunnilu Pivikhaqautikkut Niuvailiqiyunik Havakviangit ilitugipkaiyumayut Nunavunmiunun niuvailiqiyunik munagidjutikharnik pigiaqaqtun akhaluutingnik niuvigianganik.

Tamna Kanaitian Akhaluutiliqiyut Ihuaqhainikkut Upalungairutikharnik (CAMVAP) nunaqyuaptingnik ihuaqhaidjutikharnik havaaqhangit ikayuutiginiaqtun niuvailiqiyunun ihuaqhaidjutikharnik ihuagiyaungitunik akhaluutinik havakhimayut. CAMVAP ikajuqpaktait kiunikkut niuviqnikkut ihumagijaujun pihimajun akhaluutinun ihuidjutauvaktunun pihimanikkullu ihuigijaujunik tadja akhaluutinun hitamanunluunniit hivuagut pidjutini ukiuni.

Tamna Ihuaqhainikkut Upalungaiyaut piyaangani ihuaqtumik uvalu aadjikiiktumik ihuiguhuutikkut ihuaqhaidjutinik imaa atuqhugit ihuaqhaiyut inmikuuqtut ilihaidjutinin. Ihuaqhiyaaqtut ilauyut ihuaqhaidjutikhat havakvikyuat akiligahait, utiqtitauyukhat ihuaqhaidjutikhat, utiqtitaulutik hilataani-akiit akiligahat, uvaluuniin akhaluutit niuviqtauyut.

CAMVAP maniliungitut katimayiit ilauyut akhaluutiliqinikkut havakvikyuat, aviktungniit uvalu aviktuqhimayut kavamat kivgaqtuqtut, niuvaayullu. Naunaiqyumirumaguvit kitut havakhimayut ilauyukharnik talvani havaaqharni, pulaaqlutin CAMVAPkutni.

Naunaittiagumaguvit, hivajaqlugu:

###
 

Tuhaqtipkainikkut Uqaqvigijaqhaq:

Hala Duale
Tuhaqtipkainirmut Ajuittiaqhimajuq
Nunalingni Kavamatkunnilu Pivikhaqautikkut
867-975-5406
hduale@gov.nu.ca