Havaktingit

You are here

Kanadami Ulapqipkaijiinni Havainiq unalu Hajuktitaujumik-qaritarmi Qaujihimanikkut Havainiq

Saptaipa 21, 2021

Kavamatkunnin Tuhaqtitaudjutikhaq

Kanadami Ulapqipkaijiinni Havainiq unalu Hajuktitaujumik-qaritarmi Qaujihimanikkut Havainiq

Uumani ukiumi, Kanadami Ulapqipkaijiinni Havainiq pijuq Saptaipa 18-26, maliktaupluni uumannga Hajuktitaujumik-qaritarmi Qaujihimanikkut Havainiq, Saptaipa 26-Aktuupa 2. Nunavunmiut akhuurhaqtaujun qujagitkuplugin ukununga nakuujunik hulaqudjutinik ulapqipkaijiit pidjutainun ulapqijinun nunallaanullu. Malikhautigilugin ulapqipkaijivun, anginiqaqtuq hiamitirnikkut qaujihimanirnikkut uvani hajuktitaujuq-qaritarmik talvuunga ilitturijaami hivulliqpaangjujunik ilitarijami takunirnik, ihuaqtunik aanniaqtumun qaujiharutinik, ihuaqtuniklu munaridjutinik hajuktitaujunik-qaritanik.

Tautuktipkaqpiarlavun ulapqipkaijivun havaqatigilugillu iliharutikhaptiknik tamaptiknun mighaagun hajuktitaujunik-qaritanik. Atuqlugu una naunaitkuti #ThanksCoach ukunani inungnun tuhaumapkaidjutinun ilitarijaami ulapqipkaidjutinik Nunavunmi unaluunniit #NUConcussionAwareness hiamitirnikkut qaujihimadjutikhanik akhuurhainirniklu aanniqtailinirnik ulapqidjutini.

Ikajurnikkut ilitarinikkut Kanadami Ulapqipkaijiinni Havainiq unaluunniit Hajuktitaujumik-qaritarmi Qaujihimanikkut Havainiq, Nunavut Kavamangani Ulapqijuliqinirmut Iqaijaghainirmullu Havagvia manimapkaijuq akiittunik ajuiqhattiarumajanik pivalliadjutikhanut uuktuqvikhanik. Aallanik pijumaguvin ilitturipkaidjutikhanik, hivajadjavn 1-888-765-5506 qaritaujakkulluunniit titiqqilugu srinfo@gov.nu.ca.

###

Tuhaqtipkaivikhanut Uqaqvigijaqhaq:

Maurice Fontaine
Tuhaqtipkainikkut Ajuittuq
Nunalingni Kavamatkunillu Pivikhaqautikkut
867-975-5406
mfontaine@gov.nu.ca