Havaktingit

You are here

Ikayuqhugit nunallaat tamaita Nunavunmi

Julai 26, 2021

Tuhaqtitaujukhaq

Ikayuqhugit nunallaat tamaita Nunavunmi

Iqaluit, Nunavut, Taaqhivalirvia 26 2021— Ukua Aanniaqtailinirmun qayangnautikullu tamainun Kanatamiunun quuliuyut hivuliuyughat hapkununga Kavamatkut Kanatami. Nunallaat tamaini nunaqyuap hivuliuyut qalagyuarnirmun COVID-19 aanniarunmun nunaqyuami, ihariagiyaqaqtut qilamik ikayurnirmun piyaangini inmi inungnun igluqpatigut qayangnaitumik ihuaqtumiklu. Taimaali Kavamatkut Kanatami ihumaliurutikkut hulidjutinik ikayuutighanik nunallaanun ihuaqhiyuumiqlugulu maniliurutit.

Ublumi, Nan'ngariyauyuq Catherine McKenna, Minista Igluqpatigut Nunallaanunlu, tuhaqtitiyuq tapkua Nunavunmi tuniyauyut $17.25 miliataalamik haffumuunga nutaamun Kanatami-Igluqpatigut Manikhanin (CCBF) haffumunga 2021–22 maniliqinikkut ukiungani, unalu ilaliutihimayuq $16.5 miliataala. Una ilaliutihimayuq qaffitaalaunia manip tapkua Nunavunmi nunallaat tuniyauyut haffumuunga pinahurutikkut uvani 2020-21, pidjutigiliqtaat havaklugit iglupinikkut havaaghat tapkua ikayuutauyut inuuhiqatiarutikkut inungnun.

Una CCBFkut tunihiyut nunallaanun aulahimaaqtumik aalanguqtaaqtumik manikhamik inmi igluqpatigut hivuliuyughanun tamaini angiyunun qanuriniinun. Uuktuutigilugu, maniliqtuut ikayuutauyut nunanganun Pangnirtung ihuaqhaqtauyuq haakirvia unalu nunallaat katimavia ikayuutauyut aanniaqailinirmun aulahimaarutighaqlu inuuhirmingnun inungnun tamainun ukiuqaqtunun. Quanaqqut ukua CCBFkut ikayuutainun, nunallanga Sanikiluaq unalu Iqaluktuuttiaq piyaaliqtut ihuaqhaqlugit nunamingni apqutitik ikaaqtarviillu ihuaqhiyuumiriangini qayangnaiqlugillu ihuarutighait inmi inungnun.

Talvanga Imaruqtirvia 29, 2021, huna ilihimayauyuugaluaq Gaasiliirmun Taksiit atiffaaqtauyuq imaa Kanatami Nunallaanun-Havauhighakkut Manik. Una atia aalanguqtirutaa nakuutqiamik pidjutauyut pinahuarutinun aalanguqtilaimik ihuaqhaqhimaitumikluuniin pinahuarutit piyaghaluuniin pinahuarutinun.

Qaptigiyiit aghaluutiqarviit igluqpait ilaliutihimayut maniliurutinun qanuriniitigut pinahuarutit. Una ilaliutihimayuq ikayuutauniaqtuq pinahuarutit tikinahuarutainun havaklugit hakugitqianik ihuatqianiklu nunallaanun.
Pipkarlugit nunallaat upalungaiyailutik inmi tadjamin hivunirmingnunlu ihariagiyamingnik, havaklugit ihuaqhiyuumiqlugiluuniin igluqpat tapkua ikayuutiginiaqtait quyaginaq qanuriniitigut, ukua CCBFkut aghuungnaqtut ikayuutit tapkua ikayuutauniaqtut Nunavunmiut nakuutqiyat nayugat nunaqyuami inuuvikhaat ukiuqaqtuni qaiyuni.

Uqaqtaujun

"Kanatap akvamait kangiqhimayait aghuurutit ikayuqlugit nunallaat maniliurutigilugit igluqpait imaatun halumayumik niuqagahamik, angikliyut ukualu ulapqivikhat nayugait. Taimaali havaqatigiliqtavut Nunavut haffumuunga Kanatami Nunallaanun-Havauhighakkut Manikhaq ikayuutighaq havaaghanun tamaini aviktuqhimayup tapkua nakuuyunik havaaghaniknirmun, havaliqlugit hilap aalanguqtirniranun uvalu havaklugit ilauqatigiingnikkut nunallaat."

Nanngagiyauyuq Catherine McKenna, Minista hapkununga Igluqpinikkut Nunallaanun

“Kavamatkut Kanatami Nunallaanun-Havauhighakkut Manikhaq ikayuutauyuq kavamaptinun aghuurutainun havagiangini nunamingni igluqpinikkut tapkua ikayuutauyut nakuunikkut hivunighainun Nunavunmiut. Maniliurutit Qaptiriyiit aghaluutiqarviit igluqpait ungahiktunik nunallaani pidjutauniaqtut munaridjutinun ikayuutaulutik qayangnaitumik inuuhiqatiarnirmunlu tamaini aviktuqhimayup."

Nan’ngariyauyuq Jeannie Ehaloak, Ministauyuq Nunalingni Kavamatkunnilu Pivikhaqautikkunnut

Naittun Kangiqhidjutit

• Kanatami Nunallaanun-Havauhighakkut Manikhaq hivituyuq-kiklia, naunaiyaqhimayuq manikhaq avatqumayunun 3,600 nunallaat tamaini nunaqyuami. Kingulitingni ukiuni ikayuqtut amigaitunik havaaghanik ukiuni.
• Ukua CCBF piqaqtut 19nik havaaghanik piyaaqtunik qanuriniitigut, ilauyut aktilaangitigut havauhighat, ulapqinikkut igluqpainik angiyullu. Nunalaat atuqtaaqtait mangit qilamik hapkununga hivliuyughanik havaaghanikm tutquqlugitluuniin manigt qakugu atuqtaghat, aviktuglugitluuniin mangit aalatlu nunalaat attautimut igluqpnikkut havaaghanik uavluuniin atuqlugit maniliqtuqlugit akituyut igluqpinikkut akiliqtaghanik.

Ilauyut hunat

Backgrounder: Nunavut’s 2021‒22 Canada Community-Building Fund allocations and top-up amounts - Canada.ca

Ilauyut Upakviit

Angayuqqaryuaq tuhaqtitiyuq ikayuutinik ikayuriangini nunallaat havaklugit havaaghat aularutighat maniliurnirmun.
Kavamatkut Kanatami Ikayuutit - Coronavirus aanniarutaa (COVID 19)
Kanatami Gaasiliitigut Taaksiitugut Manik (Kanatami Nunallaanun-Havauhighakkut Manikhaq)
Kanatami igluqpatigut maniliurutit Nunavunmi

- 30 -

Hivayagiaqaqtun

Emelyana Titarenko
Taigualiuqtit Titiraqtia
Havagviat Ministauyuq Aulapkainikkut Napadjutikharnik Nunallaanilu
873-355-9576
emelyana.titarenko@infc.gc.ca

Aramide (Lola) Owoaje
Atanguyaq, Maliguagahanun Maligakhanullu
Nunalingni Kavamatkunnilu Pivikhaqautikkut
Kavamatkut Nunavutmi
867-975-5354
aowoaje2@gov.nu.ca

Napaqtiliqiyiyiuyut Kanatami
613-960-9251
Akiligakhaittumut: 1-877-250-7154
Email: infc.media.infc@canada.ca
Twitter: @INFC_eng
Qagitauyaliqivikkut: Napaqtiliqiyiyiuyut Kanatami
 

 


Kangikhidjutikhanga

Nunavutim 2021‒22 Kanadap Nunallaani Nappaqtirutikhanut Maniit imaalu ilaurutikhanut aktilakhakhanik

Kavamanga Kanada tunihijut atauttimut imaatut $17.25 million ataani umani Kanadap Nunallaani-Nappaqtirtikhanut Maniit (CCBF) hapkununga Nunavunmi tunijaujukhanut. Unaluttauq, Kavamanga Kanadap tunihijut atauittimut imaatut $16.5 million ilaurutikhanut, naunaijautigiplugit 2020-21 kavamatuqatkut Kaasiliitigut Taaksiutingit tunijauhimajut hapkununga tuniuqhaqtaujunut.

Talvanga uumani ukiungani, qaptirijiit akhalutiqarviit ikuallu qaptirijiit katimaviit auladjutikhanut pittaaliqtun ataani uuma piahuarutim.

Tamatkiumajunik Tunijauvaktunik Tunijaunirmut 2021-22 Atauhiinarmik-Ilaurutikhanik
Nunavut Kavamanga $14,662,500 $14,025,000
Nunaliqpaujat Iqaluit $2,587,500 $2,475,000