Havauhiq Nanook Hulijut Nunavumi

Inungnut Tuhaqtitaujukhaq

Havauhiq Nanook Hulijut Nunavumi

Havauhiq Nanook Kanatamiut Aguyaktinit iliitaqhijut Ukiuqtaqtumi havauhiuyumik pipkaiyaagani Ukiuqtaqtumi ayuiqhaniqmik, pivalianiqmik ikayuqtiriigutinik, ihuaqhivaaliqlugilu upinarirutit tamainit ilauyunit. Havauhiq Nanook ilaqaqtut hitamainik havauhiqnik Kanatamiut Ukiuqtaqtuani unalu Havauhiq Nanook – Nunakput-guyuq atuqpaktuq ukiuqtatumi umiaqtuqviuyuni.

Turaaqviuyuq uumani havauhiqmi ihuaqhivaaliriagani Kanatamiut Aguyaktiinit ayuruiriagani havagiami aalatqiiini qanurinigini. Kanatamiut Aguyaktiit havaqatiqarumayut ukiuqtaqtumi ikayuqtimiknik upijutauyuni ukiuqtaqtumi qanuriniginit, ihuaqhaiqatiriigutinik havaqatiriigutiniklu Kavamanit havauhiinik upijutainik aanigitaagani ihumaluknaitaaganilu ihumagiyauyunik Ukiuqtaqtumi.

Havauhiq Nanook – Nunakput-guyuq atuqtauluaqtuq Iqaluktuutiami Umiaguuqtut pulaaqniganilu Mitimagalikmi. Ilagiyaani, ilaqalaaqtuq ilagiarutinik nuutqaqvigiyauniaqtunik umiakut Ikpiaqyukmi Qigiqtaqyuamilu.

Tamaiga havauhiuyut atuqniaqtut akungani Niqiliqivik 15-mit 29-mut 2022-mi, ilagilu havaktut tikiniaqtut Ikaluktuutiami ipakhamit Niqiliqivik 11-mi, hanaqivaliayaagani piqutinik.

Apiqutikhaqaruvit pijutauyunik Havauhiqmik Nanook Nunavumi, uqaqvigijavatit qaritauyakut uvani communications@gov.nu.ca -mi.

###

Tuhaqtipkainikkut Uqaqvigijaqhaq:

Suleikha Duale
Tuhaqtipkainirmut Ajuittiaqhimajuq
Nunalingni Kavamatkunnilu Pivikhaqautikkut
867-975-5406
sdualel@gov.nu.ca