Havaktingit

Nutaangutqijat GN-kut Qalagjuarniq COVID-19C tuhaqtitaujukhat paqitaunginariaqaqtun qaritaujakkurviptingni. Qalagjuarniq COVID-19 atuqtakhat paqitaunginariaqaqtun Havagviat Aanniaqtailinikkut Qalagjuarniq COVID-19 atuqtakhat makpirnia.

You are here

GN-kut tuhaqtitiliqtun niuvaivikhangit urhuqyuangit akingit ikikliyumiqhimayut

Januali 10, 2020

Tuhaqtitauyukhaq

GN-kut tuhaqtitiliqtun niuvaivikhangit urhuqyuangit akingit ikikliyumiqhimayut

IQALUIT, Nunavut (Ubluqtuhirvia 10, 2020) – Nunavut Kavamangit (GN) ikikhilaaliqtait urhuqyuangit akingit urhurlungnik gaasiliiniklu avatingni nunaptingnik, aulanialiqtuq Ubluqtuhirvit 12, 2020mi.

Niuvaiviit tamaini Nunavunmi nunalaangitni tautungniaqtait niuvaivaktain akingit urhurluktingnik gaasiliiniklu akikhilaarniaqtun 4 pusanmik litaa atauhirmik, taaksiqtautingnanik. Iqalungni, akingit niuvailiqiyunun ikikhilaarniaqtun ilaudjutiqarlutik 5pusanmik atauhirmik liitaamik, taaksiliqtautinanik, akhaluutinun urhurlungnik gaasilliniklu, pidjutiginiaqtun atautimun akikhangit ikikhilaarniaqtauyut 9pusamnik atauhirmi liitaanik. Ilaudjutiginiaqtun akikhilaaqtauniaqtun Iqalungni aulayukhat ikikliyumiqtitiyaangat avatqudjutait niuviinaqtun akiliktuinginaqtait Iqalungni avugiiknahuarlugit allat nunalaangit, akingit ikikitqianguyut.

“GNkut havakhimaarniaqtun tuniyaangat Nunavunmiunun ihuatqiyauyunik uruqlungnik atuqtauyukharnik Ukiuktaqtumi avataini, ihuatqiyauyunik akiqaqtukharnik,” uqaqtuq Minista Nunalingni Kavamatkunillu Pivikhaqautikkuni Havagviani Lorne Kusugak. “Quana ihumagiyauvakhimayait Urhuryualiqiyiitkut Havagviangit (PPD) aulatitiyaangat niuvigiikhimayaingit niuvrutautinanik atugakhangit, akikhilaaqtaugiaqaqtunik Nunavunmiunun.”

Tamna akiklilaarutikharnik urhuqlungnik akngit naunairutiqaqtuq ikikliyumiqtauhimayut urhuqlungnik niuvaiyut akingit 2019mi. Urhuqyualiqiyitkut maniliurutigivakhimayaingit urhuqluit akingit nunaqyuaptingni tamaat niuvaiyunik ihuaqhaiyagiikhimavakhimayutlu urhuqlungnik gaasiliingitlu atuqtakharnik akiqarlutik 11nik 15mun pusamik akikitqiyauhimavakhimayutlu 2018min.

Nunavut aulahimaanginaqtuq taima akikitqianganik akiqaqtunik nunaqyuangit Kanatami niuvigianganik uruqlungnik.

###

Tuhaqtidjutikhanut Uqarvikhaq:

Mustafa Eric
Tuhaqtidjutinun Ayuittiaqhimayuq
Nunalingni Kavamatkunillu Pivikhaqautikkut
867-975-5406
meric@gov.nu.ca
 


Kangikhidjutikhanga