Havaktingit

You are here

Amigaqhuutiqaqqan Upalungaidjutikhat Havainiq 2022

mii 02, 2022

Inungnut Tuhaqtitaujukhaq

Amigaqhuutiqaqqan Upalungaidjutikhat Havainiq 2022

Upalungaiqhimavit amigaqhuutiqaqqan? Qiqaijaluarvia 1-7 una Amigaqhuutiqaqqan Upalungaidjutikhat Havainiq Kanatami. Uumani ukiungani pidjutaa una “Upalungaiqhimalutin hunavalungnun.”

Nunavut Kavamanga puiguqungitaatin upalungaiqhimalutin taimaa qajagijaarni qilamiurutiqaqqan nunallaangni haniqpaniluuniin.

Piqagiikhimajukhaujutin amigaqhuutiqaqqan upalungairutikharnik aihimavingni tamajaqarlutinlu taima ikaaknik atugiaqaqqaqtainik 72nik ikaarninik. Upalungairutikharijat amigaqhuutiqaqqan katitirhimajunik ukuninga piqaqtukhaugaluaq:

  • Aallamik imarmik (two litres atauhirmun inungmun aihimavinrgni iglungni, atauhirmi ubluani).
  • Huungilaittunun niqikhanik alrujaktuktakhaitturlu havigalingnik angmautikhamik.
  • Qipitiqtaaqtun baatuliiqaqtulluuniin naniruut.
  • Qipitiqtaaqtun baatuliiqaqtulluuniin-naalaut.
  • Aallanik baatuliikhanik.
  • Aallanik havautikhanik.
  • Uqquujunik Aanuraanik.
  • Maniinnarnik mikijunik akikittunik man’ngujaniklu.

Aulaaliguvit nunamun, uuktuuhimaarlugit munagidjutikharnik taima amigaqhuutiqaqqan ingilrutikhatin aihirumikluuniit:

  • Aulanginaqpaklutik qayangnairutiqarlutin tuhaqtitijaangat ingilirutikharnik ihuaqtumik aulaniqaqtunik, ublunilu ubluani aullaaliruvin. Atiliuqtaaqtutin atuqtaghangnik akiitumik NAUNAITKUTIKHAT (SPOT-mik) taivagait Hamlatkunit anguniaqtuliqijitkuniluuniin havagvianit.
  • Tuhaqtidjutit atuqtakhat ilaani nakuuhuiqpaktun. Pilutit tammariikkutimik nunaujarmiklu, ajuirlugillu atugianginni.
  • Aulaaqatiqainarlutit imaaluuniit aulaaqatigiingnut. Uqallautivaklugit ilatit ilanatlu humungaujaakhangnik qakugulu utirniaqtutin.
  • Upalungaijarlutit kakugu pivikhamik naunaiqtittaanginni qiniqhiajinun ilagijat tikijuitpan naunairiiqhimajaanin utirvikhaanun.
  • Pangnaijariirlutit 72ni ikaarnini nunamiidjutikhamun. Uqhukhariaklutit, niqinik, anuraanik imaalu tupingmiidjutikhanik, utiryainaraluaqtilutit.

Aihimagaluaqtilutin nunamiitilutinluuniit, atuqulugit ilannatin, ilagiyangnik nutqatin upalungaikhimayukharnik, hanaiyailutik ilihimayukharniklu.

Amigaqhuutimun upalungaiyainik atuqtakharnik hanalrutikhangitlu, takujakturlugu https://www.getprepared.gc.ca/.

###

Tuhaqtipkainikkut Uqarvigijakhat:

Suleikha Duale
Tuhaqtipkainirmut Ajuittiaqhimajuq
Nunalingni Kavamatkunnilu Pivikhaqautikkut
867-975-5406
sduale1@gov.nu.ca