You are here

nangminiqutigijaujunut iglunut nunamullu

nangminiqutigijaujunut iglunut nunamullu iqqanaijarvigijaujuq pitittivakput piusigiaqsimajunik nangminirijaujunut piqutigijaujunik aulattivviqarnirmut pijittirarnirijauvaktunik nalunngittiarumanirmut akituluanngittunik kiinaujaliurasungnirijaujunik kajusiniqattiaqtukkullu aulattivviqaqpangnirmik nunavut gavamangata atuqtuaqtanginnik nangminirijanginniglu titirarvigijaujunik nunavut gavamangata pilirivvigijanginnut, katimajinginnut tuttarvigijaujunullu.

nunalingni gavamakkunnillu pijittiraqtikkut nangminiqutigijaujunut iglunut nunamullu pilirivvik aulattiqattaqput pivalliatittinirmik, atuliqtittinirmik amma aulattinirmik piusigiaqsimajunik nangminirijaujunut iglunut nunamullu aulattinirmut atuagarnik, maliktauvaktunik, atuqtauvaktunik amma pilirijjusirnik, titirarvingmi iniqaqtittinirmut qanuiliurutaujumajunik amma parnautinik, kiinaujaqtuutiksanik, iglunik nunamiglu niuviaksaqarnirmut kiinaujaliurasuarutinut qaujisarnirmik, atussuujarunnarningita akingit/ikajuutit qaujisaqtauningit, niuviaksat atuqtuaqtaujut qaujisaqtauningit, nangminirijaujut akinginnik qaujisarniq, atuqtuaqtaujut titirarvingmi pitaaqpallianiq amma aulattiniq, kiinaujaqtaarijauvalliajut atuqtuarnirmut aulattiniq amma igitauningit amiakkut nangminirijaujut.

atuqtuaqtausimajut kiinaujaliurasuaqtinut iglunut nunamullu − katiqsuqsimajut atuagat, nunalingni gavamakkunnillu pijittiraqtikkut, piluaqtumik nangminirijaujut amma piqutinik aulattijit kaantulaaktausimajut pijunnarniqaqput kiinaujaliurasuaqtinut iglunut nunamullu atuqtuarutinut kaantulaaktausimajunut. allavvik pijitsiqattaqtuq iluunnanginnit gavamakkut nunavummi pilirivviujunit tuttarviujunillu atuinnautitsinirmit namminiqutigijaujunut iglunut nunamullu aulatsinirmut pijitsirarnirmit, uqaujjigiarnirmit pilirijjutinillu tukisigiarutinit pivalliatitsinirmit aulatsinginnarnirmillu namminiqutigijaujunut iglunut nunamullu piliriatsanit piluaqtumit pijjutigilugit gavamakkut nunavummi atuqtuaqtanginnit namminirijaujunillu allavvinnit namminirijaujunit.

qanuiliurutit aktuaniliit taassumunga pijittirautimut aktuijut pijunnarninginni kamagijangita iqqanaijarvinginni atuqtittilutik piliriaksanit pijittirautiniklu. iglugijaujunik piqutiniglu aulattijit piviqaqtittisuunguvut ikajuqtaugialingnut nalunaiqsijunnarlutik sivuniksami nangminiqtaarnirmut iglutaarialingnik pijjutigillugit piliriaksarijaujut amma qilammiujukkut, akunniqsuqtut amma akuniujukkut parnautit. ikajuqattaqtuq pijittiqtanit qaujisaqtautillugit ikajuqtaujarialiit pijarialinginnit amma tukiliurinirmit namminiqutigijaujunut iglunut nunamullu niuviqtillugit amma igittinirmut isumaliuqtaujunit.

uqaujjuiniq aaqqiksimaliqtitaujullu angijukallangmik aktuqsivakput pijjutiqaqłutik qanuq akuniutigijuq atuqtaujunnarninganut akinginnik aktuanilingnik nangminirijaujunut piqutigijaujunut. aktuiniqaqtuq atuutiqattiarninganik nunavut gavamaup nalunaiqsinikkut sulittiarninganik nangminirijaujut ikajuqsuittiaqtut pijittirautinik atuinnaruqtitaujunik asinginnut pilirivvingnut ammalu nunavummiulimaanut. iqqanaijarviqattiannginniq saqqitittilirunnaqpuq pagvisaktaunirmik pijittirarnirijauvaktunik asinginnut gavamakkut pilirivvigijanginnut kikkutuinnanullu. pivallianirijaujut aktuaniqakautigivut qanuilinganinganut sanajausimajuq avatiup. pijittirarnirmut ulavitaujut mikłitirijunnaqtut pivallianirijaujunik 0-mut. kiinaujaliat igluqaqtiujunut 92%−ngujunnaqput katiłługit iglurjuat aulajjutinginnut aaqqiumajjutinginnullu akinginnut. mikłigiaqtittiniq iglurjuami inuqaqtuni pivallianirni naniinninginni nuqqangatittirjuaqtuq pijunnarnirmi tunisinirmik gavamakkut piliriaksanginni taimainninganullu aktuilluni inungnut. nalunaiqsinirmit aulatsinirmut, attanangittumit, akarrijumillu avatiqarnirmit illurjuarmit illuqaqtiujunut pimmariuvuq piliriamut.ikajuqtuqługu taanna pinajuktaujuq nangminirijaujunut iglunut nunamullu pilirivvik kajusitittivakpuq titirarvingmi inigijauvaktunik, kajusiajjutauvaktuniglu kajusiniqattiaqtukkut kajusiniqattiaqtukkullu pivagiijarnirmut, piniarluni, aulattivviqaqpangnirmik, igittinirmiglu nunavut gavamangata kikkutuinnanut titirarvingnut inigijaunajaqtumik.

 

amiakkut piqutit pigijaukutaangniaqtut

nangminirijaujut kamagijaqasuunguvut amiakkunginnik tamarmik piqutit pigijaukutaangniaqtut (suurlu, iglurjuat, katinnganngittut nunasiutiqarviit, katinnganngittut sirluat, naksaqattat igluit). nangminirijaujulimaat amiakkugijauniraqtaujut nuutaujariaqaqput nunalingni gavamakkunnillu pijittiraqtikkunnut (CGS) nangminiq igluqaqtitaujut igitauniaqtillugit. nunalingni gavamakkunnillu pijittiraqtikkut, uqaqatiqaqłutik gavamakkut pilirivvinginnik uvvaluunniit kikkutuinnat tuttarvinginnik nalunaiqsijunik nangminirijaujut amiakkunginnik, isumaliurituinnariaqaqput, pijjutiqarlutik makimajjutiksanik, asiagungaaq igittinirmut pilirijjusit nunavut gavamakkut amiakkungita atuagangata silataani, naammangniqsauninginnik.

malikługu kiinaujanik aulattinirmut atuqtaujarialiit 704-3 agguqsimanilik 3.4 "tamarmik nangminirijaujuq amiakkugijauniraqtaujuq nuutaujariaqaqpuq nunalingni gavamakkunnillu pijittiraqtikkunnut igitauniaqtillugit. nunalingni gavamakkunnillu pijittiraqtikkut, uqaqatiqaqłutik pilirivvingmi nalunaiqsilauqtunik piqutigijaujunik amiakkunik, isumaliurituinnariaqaqput, pijjutiqarlutik makimajjutiksanik, asiagungaaq igittinirmut pilirijjusit naammangniqsauninginnik ".

nunavut gavamakkut amiakkunut atuagaq amma kiinaujanik aulattinirmut atuqtaujarialiit 704-3 tilisijjuti atuutiqanngittuq gavamakkut kuapuriisanginnut nunavummi uummaqqutilirijikkunnut amma nunavummi iglulirijirjuakkunnut.

 

iglurjuat matujauninginnut maligialiit

tukisigiakkannirumaguvit una qaujigiarvigijunnaqtat:

tukimuaktittiji, iglunut nunamullu

nunalingni gavamakkunnillu pijittiraqtikkut

titiqqakkuvia 1000, inia 630

iqaluit, nunavut X0A 0H0

uqaluutaa: (867) 975-5459

 

nunavut gavamakkungitta atuqtuarnirmut apiqqutingit:

irngiinnaaqtaut: realproperty@gov.nu.ca