Havaktingit

You are here

Uqaudjiyi Nunallaani Pivalliadjutikharnik

Nunallaanga: 
Kugluktuk
Naunaitkutaanut Nampaa: 
15-505421
Qanurittuq Havaakhaq: 
Qanurittuq Havaakhaq 2: 
Nunavunmit Inuinnauyumik havaktukhaqangitpat malrungnik ukiuni hivituqarniaqtuq havaakhaq
Manikhautaa: 
$92,196.00
Ukiuqtaqtumi Ikayuutikhaq: 
$22,042.00
Umikvighaa: 
Friday, mii 31, 2019

Hamna havaakhaq angmaumajuq tamainnut uukturumajunut.

Unniutivikhaqaqtuq Atannguyamut, Nunalaani Maniliuqhimaaqtunik Pivalliadjutikharnik, ilauyukharnik talvani Nunalaani Pivalliayuliqiyitkut Ikayuktiuyut Havaktiingit, tamna Uqaudjiyi Nunallaani Pivalliadjutikharnik ikayuqtuiblunilu maliruakhaniklu pivakhutik nunariyauyuniitut atuqtakhainik ikayuutikhaniklu upalungaiyarlutik piliuqlugillu nunalaani aulahimayunik upalungairutikharnik hivuliqhuutauyuq maniliurutikharnik atugiaqaqtaptingnik nunamingni pittailidjutaitlu ihuaqhihimalat pivaliatitnit havauhiq.

Tamna Uqaudjiyi Nunallaani Pivalliadjutikharnik ihivriuqlunilu nunalaani aulahimayunik upalungairutikharnik ilitagiyaangat aulatitiyaangatlu nunalaani piumaluaqtainik; havaklutiklu munagiyaangatlu havaktauhimaaqtunik, iligiiktukharnik tuhaqtitiyukharnik iliqatigiiktukharnik talvani kavamatkuni, kuin havaktingitlu, nunalaani kavamaliqiyunik havaktingitlu havagviingitlu ikayuutikharnik ihuaqtunik ayungnaitumiklu havaaqhangit auladjutikharnik; tunihiblutiklu kangiqhidjutinik ikayutikhaniklu; uvalu ikayugluginlu Nunallaani Pivalliadjutikharnik Katimayiit (CDC) uvalu Nunallaani Piangaijarnikkut Pivallialiurnikkut Havaktiit (CEDO) naunairiami naunaiyattiaqhimayami havagviinun hanaqidjutiit kangiqhidjutikhaniklu hanaqidjutikhaanun.

Qauhimayukhaq hapkuninga Nunavutip Nunallaangit, nanminiqaqtunik pulaarvingitlu havagviingit; maniliqidjutikharnik maniliqiyinikkutlu; naunaitumik maniliurutikharnik; qaritauyaliqidjutingnik ayuittiagiikhimayukhaq atuqtukharniklu Microsoft Outlook-nik, Excel-mik, Word-mik, Power Point-miklu pidjutainut uvalu hakugiktumik hivuliqhuriagani ayuruirutit ayuiluni piyakhaqaqtuq haffumunga havaamun.

Una ilihimayukharnik ayungnaitumik piqaqtukhaq talvuuna Ilitagidjutikharnik talvani iliharvikyuanganin ilinniaqtuliqiyitkutni talvani Titiqiqidjutiliqiyukharnik, Pivalliadjutikharnik, Maniliqinikkutlu, Avatiliqinikkutlu Munagidjutikharnik, Nunalaani Atuqtauyukharnik, Inungnut Auladjutikhainut uvaluuniit Nanminiqaqtunut Titiqiqidjutiliqiyukharnik aadjikkutavjanikluuniin havaakhamik, atauhirmik (1) ukiumik havagiikhimayukhaq havaamik aulahimayumikluuniit talvuuna havaamun.

Ilitariyauhimayut uqauhiit Nunavunmi hapkuat Inuktitut, Inuinnaqtun, Qablunatut Uiviititunlu.

Uqqariktukhauyuq amigaituni atauhiinaungitumi uqauhiinni Nunavutim ilitariyauhimayunik uqauhingitnik ikayuutauniaqtuq havaaqhamut.

Aadjikkiirutikhait piqaqtukhauyut aallatqiinik ihuaqtunut ilihaidjutikhanik, havakhimayainut, qauhimayainut, ayuiqhimayainut pittaaqtanginullu ihumagiyauniaqtut.

Uqagiktumik Inuktitut Inuinnaqtunluuniit piqaqtukhaq.

Ilihimagumi Inuit uqauhianik, nunallaaniklu, pitquhirmik, nunamiklu imaalu Inuit Qaujimajatuqanginik ikayuutauniaqtuq.

Naammagiyauyut atiit titiraqtauniaqtut piniagungnaqhiyait hivuni havaktikhaqhiugumik havaaqaliriamingnik amigaittuni kituni naliangni nunallaani.

Contact: 
Expiry Options: 
umikvikhaq upluq