Havaktingit

You are here

Nanngarijaujuq MARGARET NAKASHUK

Minista Pitquhiliqijikkut

Margaret Nakashuk niruaqtauvakhimayuq tallimiuyuni Maligaliuryuarvingmun
Nunavunmi Tattiarnaqtuq 30, 2017mi ilauyukharnik niruarvigiyainik Pangniqtuurmin.
Aulatitilihaaliqtaa maligaliqinikkut havaagiyainik 2000mi niruaqtaungman talvunga
Pangniqtuurmi Nunalaani Ilihaqtuliqiyitkunun Katimayiinun aulaplunilu niruaqtaupluni
talvunga Hamilatkutnun Katimayiinun Pangniqtuurmi.

Ms. Nakashuk havakhimaaqpakhimayuq havakpagainik 25nik ukiunganik talvani Kavamanmi Nunatsiarmi Nunavut Kavamangitlu (GN), talvani havakhimaaqpaktuq angiyukhiupluni havaktiuvakhimayuq Havagviat Inulirijikkutkuni. Havagiikhimavakhimayaingit ayuittiagiikhimayainik havakpakhimayuq ilauyut tapkuninga havaanganik iningniit ilihaiyipluni, nunalaani munaqhitkut Ikayuqtiuvakhuni, havaakhanun pivalliarnikkut havaktiuvaktuq, hivutunirmiklu pulaagiaqtuqtunik nunamun atanguyauvakhimayuq. Havakpakhimayurlu Maligaliqijidjutingnik.

Iniqtigami ilihairutigiyainik talvanga Atagoyuk inirniit iliharviani Pangniqtuurmi. Ms. Nakashum ilihaidjutigiyaingit hulilukaarnikkut ilauvakhimayut talvani Nunavunmi Sivuniksavut Pinahuarutmi, Atanguyaliqinikkut Ilihairutingnik Nunavunmi Inirnirit Ilihaapaalirviitni, GNkut atanguyauyaangat ilitagidjutiqaliqhuni havaagumayainik pivalliadjutikharnik, unalu GNkutni Hivuliqtikhanun Hivuliuqtiyaangat Pinahuarutmi.

Ikayuinaqtainik hulilukaarnikkut ilauvakhimayut havaanganik Iningnikharnik inulramiinunlu. Ms. Nakashuk nanminigiyainik hulilukaagiangnaik ilauyut nuviqharniq, mihungniq, igayaangat aulaagianganiklu. Margaret uingalu Andrew Nakashuk malrungnik nutaraqaqtun, Natasha Anthonylu, ingutaqaqhunilu inuuhuktunuamik atianga Felix.

Ms. Nakashuk niguaqtauvakhimayuq ikayugianganik ministanik katimayiinun talvuuna Tattiarnaqtuq 30, 2020mi. Talvanga Tarium Hikutirvia 6, 2020mi, Ministauliqtuq Pitquhiliqijitkutni Ministauliqturlu munagiyukharnik Nunavunmi Igluliqijurjuatkutnilu.