Havaktingit

You are here

Tutqikhiuk Aanniarutiqaliqtuq Qalagyuarniq 19mik Nunavunmi

Nuvaipa 06, 2020

Tuhaqtidjutikhaq

Tutqikhiuk Aanniarutiqaliqtuq Qalagyuarniq 19mik Nunavunmi


IQALUIT, Nunavut (Tarium Hikutirvia 6, 2020) – Taakti. Michael Patterson, Nunavutim Atannilluaq Nunalaani Aanniaqtailinikkut Havakti, tutqikhiuk hivullirpaarmik aanniarutiqaliqtumik Qalagyuarniq-19-mik Sanikiluarmi.

“Aulatitilirmiugut qaniklihimayainnik aanniaqtumut naunaiqtauyukhanik nunalaani uvanilu amigaqhuutikharnik kiudjutikharnik havaqatigiiliqtun havagiaqaliqhutiklu munagiyaangat qanuriliugianganik qilaminuaq,” uqallaktuq Patterson. “Apigiyavut nunaqaqtun Sanikiluarmi aihimatquplugit hadjanuaq allaniklu inungnik upautinahuaqtailutik ilauyutlu tapkuat ilaruhingnun igluqatigingitainik. Akhurnarman aanniaqtailiqinikkut uuktuutikhangit malikhautigiyauyukhat tamangnin inungnik havakhimaarniaqtavutlu qilaminuaq munagiyaangat hiamitirnaitumik nunalaanun”.

Una inuk ilaruhingitlu avaliingartitaulirmiyut namagilitun huli. Tingmilimaitun talvuna aihininunlu Sanikiluarmin, kihiani tapkuat agyaqtauyut amigaqhuutiqaqtunik tingmiyukharnik. Amigaqhuutiqaqqan talvatuaq aulaniaqtun niuvaiviit ikikliyumiqtitiniaqtaitlu angmaumavikhangit ikaakningit. Niuvagiaqtukhat atuqtukhat akuliarni matukharnik niuvirvingmi.

“Itqaumalutit, naunaiqtaukpat aanniarutiqaligumi inungmik nunangani ihumaluutaujakhaittuq qurluktailinahuadjavuhi. Upalungaiyagiikhimavakhimayaqqut una kiuliqtavutlu. Tamaita Nunavunmiutat ahiqpangahimmaarlutit aallanit inungnit inugiangnirmiitkuvit, uaqpaglugit algakkit, aihimalutinlu aanniangaliruvit,” uqallaktuq Hivuliqti Joe Savikataaq. “Namaquyaqqutlu aanniaqtun inungnunlu talvaniitun Sanikiluarmi.”

Tamna aulayagiikhimaliqtuq aanniarutiqaqtumik ayungnautiqalimaituq Tingmiyukharnik Nunanun Nayugainun naunaiyagiikhimayunik talvungalu Nunatsiarmun, Churchill, Manitobamunlu.

Inuk kituliqaak ihumagumik akuktauvaktun Qalagyuarniq-19min uqaqtauyut hivayaqtauyakhait COVID-hotline uvani 1-888-975-8601 talvuuna 10mi ublaami 6mun unukpak, ilitugipkaklutiklu nunalaani munarhitkut qilaminuaq, talvuuna qilaminuaq anilimaiqtukhauyut 14nik ublurnik. Munarhiliaqtailutin upautihuirlugit.

Nutaat ilitturipkaidjutikhat tunijauniaqtun tuhaumapkaidjutimi 2qangiqan ublumi.

###

Tuhaqtidjutikhanut Uqarvikhaq:

Cate Macleod
Tuhaqtakhanut Titiraqti uumunga Hivuliqtimun Savikataaq
867-975-5059
cmacleod@gov.nu.ca

Chris Puglia
Atan'nguyaq, Tuhaqtidjutinun
Aanniaqtailinikkut Havagvia
867-975-5949
cpuglia@gov.nu.ca