Havaktingit

You are here

Tibiingnaitumik Pinahuarutit

Iipu 01, 2019

Inungnut Tuhaqtidjutikhanut

Tibiingnaitumik Pinahuarutit

Piqatitigilugit hapkua Nunaqyuami Tibiikkut (TB) Ubluq, Havagviat Aanniaqtailinikkut ilituqhaiyut TBkut ilituqhaidjutinik uvalu ilaublugit Nunavunmiun haffumuuna nutaamun “Hakugiktuq uvalu Tibiiqangituq” ilihaidjutit aghuurutit havaqatigilugit Nunavunmi nunallaat aaniaqtailinikkut kivgaqtuqtut (CHRs). Naalautikkut taiguagahat, akuvruat, tuutauyat uvalu ilihaidjutit tuyuqtauyut nunavunmiunun tamainun aghuurutigiblugu TBiiqangilugit nunallaat.

Havagviat Aanniaqtailinikkut angikliyuumiqhugit nunavunmun tamaanun TBiikut Pinahuarutit nakuutqiamik ikayuriangini Nunavunmiun hulaqutiyut aaniarutikkut, haffumuuna Nunavunmun tamaanun auladjut nutaamun takunaitumun TBmun Aaniarunmun mamitirutit taiyauyut imaa 3HP. Ilauyut 12nik mamihaidjutinik - malruk havautituqtaublutik atauhirmi havainirmi pinaghunik tatqiqhiutinik.

Haffumuuna Inuit Aviktungniitigut Aulanikhaitugut Upalungaiyautit, Nunavut Tunngavik (NTI) ukualu Havagviat Aanniaqtailinikkut havaliqtut havaqatigiikhutik hakugikhiyuumiriangani havaqatigiingniq ihariagiyauyuq piyaangani uvalu munarittiaqtaulugu piiqpalialugu tamaini Nunavunmi.

Uvani ukiumi nunaqyuami TBkut ublut pidjutauyuq ‘Piyakhauliqtuq’, aghuuquyauyut avatingni hivuliqhuqtut imaa:

  • amigaiqyuumilugit piyaangnirit TBiiqtainirmun uvalu mamitiidjutit;
  • havaklugit kiunautit;
  • pihimalugit ihuaqtunik uvalu atuguminaqtunik maniliqtuinirit ilauyut TBkut naunaiyautit;
  • aghuurutigilugu taimaaqtilugit ayuqhautit uvlau ihuiguhungniq, uvalu
  • aghuurutigilugu aadjikiingniq, pilaarutit pihimayut uvalu inungnun turaaqhimalugit TBkut kiudjutit.

###

Tuhagaqtidjutikhanut Uqarvikhaq:

Wende Halonen
Anngayukhiq Tuhaqtipkaiyukhanik Havaktia
Kavamaliqiyitkut
867-975-6048
WHalonen@gov.nu.ca