Havaktingit

You are here

Tallimat nutaat aannialiqtut COVID-19 Qalagjuarnikkut Arviani

Iitjirurvia 16, 2021

Tuhaqtipkaidjutikhaq

Tallimat nutaat aannialiqtut COVID-19 Qalagjuarnikkut Arviani

Iqaluit, Nunavut (Fibjuarli 16, 2021) - Ublumi, Nunavunmi piqangittuq tallimanik nutaanik aannialiqtunik COVID-19 qalagjuarnirmik. 23-nguqtut aannialiqtut nunaptikni, tamarmik Arviani ittut.

“Arviarmiut, ikajurnarhijuq Nunavunmiutanik pipkarnahurlutalu nutqaqtitlugu hiaminnia COVID qalagjuarnirmik nunallaami,” uqaqtuq Dr. Michael Patterson, Nunavunmi Atanilluaq Nunallaani Aanniaqtailinikkut Havakti. “Taitai, akhuuqtatka tamaita ikajuqlutik aihimainnarlutiklu pittaaqqat. Taimaatuinnaq nutqaqtirnikkut aannialiqtuni amigianninginni amigaiqtiqjuummiqtirnirnik imaatun kikliqaqtilirlugin akturniit nutqaqtirlugulu hiaminniq. Turaangahimalugin inirutikhat, taimaatun una hiaminniq nunguttaangani qilamik.”

Tamaita inuit naammaktun, avaliingaaqtullu aihimavingmingni akturnikkullu ihivirhiniit aulahimmaaqtun. Talvannga Fibjuali 16min, Arviat ihivriuqhiniit pijun 2063 piqangittunik ihivriurutinik.

Nunavutiup Qilamik Upautijukhat Havaktiit ikajuqhimmaaqtait nunallaami aanniaqtailinikkut havaktiit. Kinali tingmihimajuq utimun Arvianin Januali 12min apirijaujut kikliqaqtillugi akturutimingnik ingmingniklu-amirlutik aannialaqinikkut naunaitkutinun. Apirijaujullu uqaqatigilugin nunallaani munarhitkunnik uvungaluunniit Iqalungni aanniaqtailinikkut munarhitkunnun, tahamniitkumik, ikajuriami aktuqtauhimanikkut naunaijainikkut munarinikkullu. Aullaarniit talvunga talvanngaluunniit Arvianin kikliqaqtuq, kihiani amigarnarnirnun ihagiagijauqpiaqtunulluunniit pidjutinun.

Arviarmiut pijumajun COVID-19 Qalagjuarnikkut kapuutimik hivajaqtaaqtaa munarhitkut ihuarhailutik takujaqtuqvikhamik. Ublumimut, 6645 Nunavunmiut atauhiaqhutik kapuqhiqtut Moderna havautaannik. Kapuqhiriami nunaptingni pidjutihimmaaqtut huli.

Kinaliqaak ihumagumi aktuqhimanirmun COVID-19 qalagjuarnirmun hivajaqujaujuq COVID-hivajautaanun uvani 1-888-975-8601 10min ublaami 6mut unnuliqqat.

Qikiqtaaluup Ubluqhiutaani, ilitturipkaqlugilluunniit nunamingni munaqhitkut qilamik, tadjainnarlu avaliingaarlirlutik iglumingni 14nun ubluni. Upaguiqlugit munaqhitkut.

Nutaanut kangiqhidjutinun, ukunanilu qaffiuniinni nakuuhijuni aulahimmaaqtunilu aanniarutiqaqtunik nunallaatigut, takulugu: https://www.gov.nu.ca/health/information/covid-19-novel-coronavirus.

Nutaanik kangiqhidjutinik tadja inungnun aanniaqtailinikkut kikliqarutinun, takulugu: https://www.gov.nu.ca/health/information/nunavuts-path.

Nutaangutqijaujunun ilitturipkaidjutikhanun Nunavunmi COVID-19 qalagjuarnirmi kapurutikhakkut hivunikhainni, takulugu: https://gov.nu.ca/health/information/covid-19-vaccination.

###

Tuhaqtipkainikkut Uqaqvigiyaqhaq:

Cate Macleod
Tuhaqtitaujuqhanut Titiraqtia Hivuliqtimun Savikataaq
867-975-5059
cmacleod@gov.nu.ca

Danarae Sommerville
Tuhaqtipkainirmut Ayuittiaqhimayuq
Havagviat Aanniaqtailinirmut
867-975-5712
dsommerville1@gov.nu.ca