Havaktingit

You are here

Siksinik nutaanik aanniaqtuqaliqtut qalagyuarnirmun COVID-19 Arviani

Iitjirurvia 18, 2021

Tuhaqtipkaidjutikhaq

Siksinik nutaanik aanniaqtuqaliqtut qalagyuarnirmun COVID-19 Arviani

Iqaluit, Nunavut (February 18, 2021) - Ublumi, Nunavut piqaliqtuq siksinik nutaanik aanniarutinik COVID-19 qalagyuarniq. 27-nguqtut aannialiqtut nunaptingnii, tamarmik Arviani ittut.

“Kangiqhimayunga qanuq ayungnaqtuq kinguliit ikitut tatqirhiutit Arviamiunun ilihimayaralu amigaiqyuuminiranun qanganuaq ihumaalungnaqtuq,: uqaqtuq Nunalaani Aanniaqtailinikkut Havakti. “Ilihimayungalu aulahimaaqumik aghut havakpaktugut, aghuurutigiblugit inungnun aanniaqtailinirmun aktilaarutit aihimalutik, nutqaqtitaaqtaaqqut hiamitirnira qalagyuarniq COVID-19. Nunavunmiun, kapuqhirniaqhimaguvin kapuqhiqhimangikuvin, upautidjutigharnik upalungaiyailutit nunangni munaqhitkunun. Una nakuutqiyauyuq aanniaqtailidjutighaq tadja.”

Tamaita inuit naammaktun, avaliingaaqtullu iglumingni akturnikkullu ihiviriuqtauhimaaqtut aulahimaaqtumik. Talvannga Iidjirurvia 18mi, Arviat ihivriuqhiniit imaa 2124 aaniarutiqangitut ihivriurutait.

Nunavutiup Qilamik Upautijukhat Havaktiit ikayuqhimmaaqtait nunallaami aanniaqtailinikkut havaktiit. Aullaarniit talvunga talvanngaluunniit Arvianin kikliqaqtuq, kihiani amigarnarnirnun ihagiagijauqpiaqtunulluunniit pidjutinun.
Arviarmiut kapuqhirumayun qalagyurnirmun COVID-19 kapuqhirlutik hivayaqlugit munaqhitkut upautidjutighamingnik. Ublumimut, 6850 Nunavunmiut atauhiaqhutik kapuqhiqtut Moderna havautaannik. Kapuqhiqtut aviktuqhimayumi aulahimaaqtut.

Imaalu, Nunavutim Ministanga Aanniaqtailinirmun Lorne Kusugak hivuvaktitaa Qiqaijalirvia 4, 2021 mun.

Kinaliqaak ihumagumi aktuqhimanirmun qalagyuarnirmun COVID-19 hivayaquyauyut COVID-hivajautaanun uvani 1-888-975-8601 10min ublaami 6mut unnuliqqat. Qikiqtaaluup Ubluqhiutaani, ilitturipkaqlugilluunniit nunamingni munaqhitkut qilamik, tadjainnarlu avaliingaarlirlutik iglumingni 14nun ubluni. Upaguiqlugit munaqhitkut.

Nutaanut kangiqhidjutinun, ukunanilu qaffiuniinni nakuuhijuni aulahimmaaqtunilu aanniarutiqaqtunik nunallaatigut, takulugu: https://www.gov.nu.ca/health/information/covid-19-novel-coronavirus.

Nutaanik kangiqhidjutinik tadja inungnun aanniaqtailinikkut kikliqarutinun, takulugu: https://www.gov.nu.ca/health/information/nunavuts-path.

Nutaangutqijaujunun ilitturipkaidjutikhanun Nunavunmi COVID-19 qalagjuarnirmi kapurutikhakkut hivunikhainni, takulugu: https://gov.nu.ca/health/information/covid-19-vaccination.

###

Tuhaqtipkainikkut Uqaqvigiyaqhaq:

Cate Macleod
Tuhaqtitaujuqhanut Titiraqtia Hivuliqtimun Savikataaq
867-975-5059
cmacleod@gov.nu.ca

Danarae Sommerville
Tuhaqtipkainirmut Ayuittiaqhimayuq
Havagviat Aanniaqtailinirmut
867-975-5712
dsommerville1@gov.nu.ca