Havaktingit

You are here

Saivanguqtut nutaat aanniaqtuqaliqtunik QALAQYUARNITIGUT-19 Arviani

Iitjirurvia 15, 2021

Tuhaqtipkaidjutiqhaq

Saivanguqtut nutaat aanniaqtuqaliqtunik QALAQYUARNITIGUT-19 Arviani

Iqaluit, Nunavut (Iidjirurvia 15, 2021) - Ublumi, Nunavunmi nutaat aanniaqtuqaliqtunik QALAGYUARNITIGUT-19. 18-nguqtut aannialiqtut nunaptingni, tamarmik Arviani ittut.

“Takudjutilluta amigaiqyuummiktut QALAGYUARNITIGUT-19 Arviani, puiguqtailiyaqhaq tamaita piyuqhat inmik nutqaqtinnahuaqlugu hiamitirnia aanniarutim,” uqaqtuq Nunavutim Atanilluanga Inungnut Aanniaqtailinirmun Havaktia, Dr. Michael Patterson. “Aihimaquqpiaqtuhi aihimalimaitkuvit huliaqhaqaguviinnaqaguvit kihiani, atuqlutin iyagutimik aniguvit, kiqliqaqlutin katimayuni hilami uaqattaqlugitlu algatit. Ilihimayun’nga unaguqtuhi unaguhuinnaliqhuhilu, pidjutihimmaaquyahi hakugiqhimaluhilu.”

Inuit tamaita naammaktut, avaliin’ngaaqtitauyutlu iglumingni akturnirmunlu naunaiyaiqhimaaqtut aulahimaaqhutik. Talvanga Iidjirurvia 15, Arviani ihivriuqtauyut naunaiqtait 2056 aanniagutiqanggitut.

Nunavut Qilamik Upautiyuqhat Havaktiit ikayuqhimmaaqtait nunallaami aanniaqtailinirmun havaktiit. Kinaliqaak tingmihimayuq Arvianun Arvianinluuniit talvanga Ubluqtuhivia 12 apiriyauyut kikliqarlugit akturnirit inmingniklu munarilugit mihingnautitik. Apiriyauyunlu uqaqatigiquplugit nunallaamingni munaqhitkut uvungaluunniit Iqalungni aanniaqtailinirmun munaqhitkut, tahamaniitkumik, ikayuriami aktuqtauhimanikkut naunaiyainikkut munarinikkutlu. Aullaquyaungittut huli talvunga talvangalu Arvianit, kihiani qilamiurutaukpat ihariagiyaunikutluuniit.

Arvianmiut kapuqhigumagumik QALAGYUARNITIGUT-19 hivayainnariaqaqtait munaqhitkut takuyauyaamingni. Ublumimut, 6500 Nunavunmiut atauhiaqhutik kapuqhiqtut Moderna havautaannik. Kapuqhiriami nunaptingni pidjutihimmaaqtut huli.

Kinaliqaak ihumagumi aktuqhimanirmun QALAQYUARNITIGUT-19 hivayaquyauyut QALAG-hivayautaa uvani 1-888-975-8601qitqani 10 ublaami 6 mut ubluummaat. Qikiqtaaluup Ubluqhiutaatigun, ilituripkaqlugitluunniit nunamingni munaqhitkut qilaminnuaq, avaliin’ngaaqlutik iglumingni 14 ni ubluni. Upaguiqlugit munaqhitkut.

Nutaanut kangiqhidjutinun, ilauyut qaffiuniit nakuuhiyut aulahimaaqtutlu aanniarutiqaqtunik nunallaatigut, hamungaulutit: https://www.gov.nu.ca/health/information/covid-19-novel-coronavirus.

Nutaanik kangiqhidjutinik inungnun aanniarutinun pittailiyaqhanut, qaritauyakkut hamungaulutit: https://www.gov.nu.ca/health/information/nunavuts-path.

Nutaanut kangiqhidjutinut Nunavunmi QALAGYUARNITIGUT-19 kappuqhitigut hivuniqhainnik hamungaulutit: https://gov.nu.ca/health/information/covid-19-vaccination.

###

Tuhaqtipkainikkut Uqaqvigiyaqhaq:

Cate Macleod
Tuhaqtitauyuqhanut Titiraqtia Hivuliqtimun Savikataaq
867-975-5059
cmacleod@gov.nu.ca

Danarae Sommerville
Tuhaqtipkainirmut Ayuittiaqhimayuq
Havagviat Aanniaqtailinirmut
867-975-5712
dsommerville1@gov.nu.ca