Havaktingit

You are here

QALAGYUARNITIGUT-19 kapuutait pitquyauyut ilangginnut havaktiulluaqtut munaqhiliqiiyitkunni havaktiinnut

Nuvaipa 30, 2021

Tuhaqtitaujukhaq

QALAGYUARNITIGUT-19 kapuutait pitquyauyut ilangginnut havaktiulluaqtut munaqhiliqiiyitkunni havaktiinnut

Iqaluit, Nunavut (Nuvaippa 30, 2021) – Minista Munaqhiliqiiyitkunni John Main uqaqtuq atuliqqat Jaanuiali 10, 2022, Munaqhiliqiiyitkut pitquyauniaqtut QALAGYUARNITIGUT-19 kapuutainik ilangginnut havaktilluaqtut munaqhiliqiiyitkunni havaktiinnut.

“QALAGYUARNITIGUT-19 kapuutait aannialaqidjutilimaittut aanniarunmit”, uqaqtuq Minista Main. “Kapuqhiqhigumik havaktiulluaqtut munaqhiliqiiyitkunni havaktiit ikayuutauniaqtuq Nunavunmiunut aannialaqinnaittumik ikayuqtauyumagumik munaqhiliqiiyitkunnit munarittiayaamilu pidjutihimmaaqpagainnik munaqhiliqidjutinut”.

Munaqhiliqiiyitkunni havaktiit havakpaktut amigaittuni havaani Munaqhiliqiiyitkunni pitquyauliqtut hadja piqaqtuqhat ublumimut kapuutainnik maliqhugu Aanniarvik Aturaangginnakpagainnik Maliguagutaitanut, taapkunanilu Nunavut Havaktiinnut Ikayuuqtiit angirutaannut. Una ihumaliugut ilaliutihungguyuq Kavamaitanit Kanatami angirunmik QALAGYUARNITIGUT-19 kapuutimik pidjutihimagiiqtunut kapuutinut hadja pitquidjutigiyauyuq hapkununga havaktiinnut.

Munaqhiliqiiyitkunni havaktiit piyuqhat tunihilutik QALAGYUARNITIGUT-19 kapuutainnik naunaiyautinik Munaqhiliqiiyitkut Havaktuliqiiyitkunnut atuliqqat Jaanuiali 10, 2022. Una pitquidjut pidjutiniaqtuqlu nutaanut munaqhiliqiyitkunni havaktiinnut havaaqaqtut naunaiyautini ittut ataani:

  • Nunallaami Munaqhiliqiiyitkunni havaktiit (taapkuatlu uqaqtiit, halummaqhiiyit havaktiit titiqqiviliqidjutnilu havaktiit).
  • Munarhiqarvingmi havaktiit.
  • Qikiqtani Aanniarvia havaktiit.
  • Munariyauhimmaarviinni Inirnikhaanut havaktiit.
  • Akausisarvik havaktiit.
  • Iqaluktuuttiami ihumailiqinikkut igluqpaani havaktiit.
  • Ihumailiqinikkut havagvia havaktiit.
  • Tamaita katimayut talimmat havaktiit (Iniktiqtait Ilihagutaita Munaqhiliqinikkut, Atiliurhimayut Munaqhiit, Tamainnnut Halummaqhivik Igluanga Ayuittiaqhimayut, Kiguhiliqiiyinut Ikayuqtiit, Hanayiuyit, Atiliurhimayut Ihmailiqinikkut Munaqhiit, Laisiqaqtutlu Munaqtigiuplutik Munaqhiit)

Kapuqhiqhinggittut havaktiit havaktitauniagungnaqhiyut aadlami havaami ihivriuqtauhimaqattaqtitaulutikluunniit. Tamainni piumayauyuni ihivriuqtauhungguyut aadlatkiiq pidjutihimmaaqattaqlugit. Ihumaliugutauniaqtut imaa havakti qayarnaqyuaqtumi havaktuq imaalu qanuqtun ilauqatigiinnakpariaqhainnik Nunavunmiut. Munaqhiliqiiyitkut qinggiyaaqtaitlu kaantraanggit inungnut maligumanggittainik hapkuninga maliqqayaqhauyunik.

###

Tuhaqtipkainikkut Uqaqvigiyaqhaq:

Chris Puglia
Atan’nguyaukaffuktitauhimayuq Tuhaqtipkaiyini
Munaqhiliqiiyitkut
867-975-5949
cpuglia@gov.nu.ca