Havaktingit

You are here

QALAGYUARNIQ-19 kapuutaa piinnarialaqiyuq nutaqqannut ukiuqaqtunut talimanit 11 mut

Nuvaipa 26, 2021

Tuhaqtitauyuqhaq

QALAGYUARNIQ-19 kapuutaa piinnarialaqiyuq nutaqqannut ukiuqaqtunut talimanit 11 mut

Iqaluit, Nunavut (Nuvaippa 26, 2021) – Minista Munaqhiliqiiyitkunni John Main uqaqtuq Pfizer-BioNTech QALAGYUARNIRMUN-19 nutaqqanut kapuutiqhaa nutaqqanut ukiuqaqtunut talimanit 11 mut tikittuqhauliqtut Nunavunmi uumani havangnaiqqat.

“Tikiudjutaa qayarnaittuq nakuuqpiaqtumiklu kapuutaa, taaffumamiklu pidjutihimayut inungnut aanniaqtailidjutiqhat, ikayuutauniaqtuq qayarnaidjutiqhaq nutaqqaptingnut, ilaptingnut nunallaanutlu”, uqaqtuq Minista Main. “Nunavunmiut ukiuqaqtut talimanit 11 mut inuqarniitaa 15 pusannguyuq nunapta inugiangningganut. Pitquyatka an’ngayuqqaat naunaittiaqtumik, nakugutauniaqtumiklu uqaqvigilugitlu nutaqqaita takuyauyaamilu munaqhitkunni qilamik naunaiyautigiyauyuqhaq kitkut takuyauyuqhat iniqqat”.

Pfizer havautaa havakpaktuq aadjikkutaanut kapuut tunivaktainnut nutaqqanut ukiuqaqtunut 12 lumit an’ngyuqhitiqianunutlu. Aadlangunia kihimi taamnauyuq kapuqhirniatut malruiqtuqlutik mikiyunik nutaqqanut ukiuqaqtunut talimanit 11 mut.

Talvalluaqlu, Nunavut piniaqtut amigaittunik kapuutinik pivyaamingnik hivulliqpaamik kapuutimik Nunavunmiunut ukiuqaqtunut talimanit 11 mut. Kapuutit piinnariaqaqtut takuyauyaami atiliurlutik munaqhitkunni talvanilu Iqaluit Munaqhivianni aullaqtirutaa Nuvaippa 29. An’ngayuqqaaq munaqtiluunniit iqatigiyaqhaat nutaraq atiliurnahuagumik, an’ngirutiqhamik kapuutaatigun.

Tugliata kapuqhigutiqhaat ihuaqtauniaqtuq talvaniqaaq talimat pinggahuni havainniini talvanga hivulliqpaamit kapuqhigutaanniit, maliqhugit pitquidjutit talvanga Kanatami Uqaudjiuyut Katimayalaangit Kapuqhigutinut.

“Ublumi puiguqtailiyaudjutauyuq hivumuuriami aqhuuqtaqptingnut munarittiayaami pidjutittaaqtut qayarnautitlu QALAGYUARNIQ-19 tigut Nunavunmi, “uqaqtuq Nunavutim Atanilluaq Anniaqtailinirmun Havaktia, Daakti. Michael Patterson. “Kapuutaa qayarnaittumik kapuqhiqtaudjutauvagaat amigaitqianut pinggahut miliannut nutaqqanut nunaqyuaptingni takudjutiplunilu ikiqliyuummigutauyuq aanniaqpianikkut hiamitirniatigunlu aanniarut ilanut pilimaittunut kapuutaanik”.

Talvanga kapurhingnianiganit, ilanggit nutaqqat aannialaqivaktut taapkuatut taliit aannirnilaqiplutik, unaguhuqhutik, niaquqliuqtut, nukiitlu ulurianaqhiplutik, qaaliguhuqhutik, qidjak mirian’nguhuqhutikluunniit. Ukuat aanniarutigivaktait aanniarutauhimavaktut nakuuhiniaqhutiklu ikittuni ubluni. Apiqutiqaruvin kapuutikhamun uqarvigilugu munaqhitkunun havaktinun.

Qalagjuarnirmun COVID-19 kapuutikhat tamainnun Nunavunmiut ukiuqaqtunun 12-mik qaangiutivlugulu piinnariaqaqhimmaaktait, unalu hivulliq tuglialu kapuutikhat ukuallu ikajuutikhaujut kapuutikhat. Hivajarvigilugit munaqhiliqivikmut nunallaangni unaluuniit Iqalungni Inungnun Aanniaqtailivianni takuttiriangni.

Kapuutaa tikiutiviqhaa tuhaqtitauniaqtuq kapuutit tikitkumik nunaptingnut. Ilihimalugu kapuutit agyaqtaunia ayuqhagutiniaqtuq pidjutauqpat tikiutiviqhaanut hilaqlukkumi.

Kingulliit naunaiyautiqhat QALAGYUARNITIGUT-19 Nunavunmi, takuinnariaqaqtut hamani: https://www.gov.nu.ca/

###

Tuhaqtipkainikkut Uqaqvigiyaqhaq:

Chris Puglia
Atan’ngujaukaffuktitauhimayuq Tuhaqtipkaijini
Munaqhiliqijitkut
867-975-5949
cpuglia@gov.nu.ca