Havaktingit

You are here

Pivighaqaqlutit ihumangnun aanniaqtilinirmun

Aktuupa 18, 2021

Kavamatkunnin Tuhaqtitaujukhaq

Pivighaqaqlutit ihumangnun aanniaqtilinirmun

Havagviat Aanniaqtailinirmun apiriliqtait Nunavunmiut itqaumalugit munaridjutighait inmi ihumammun aanniaqtailinirmun.

Ihummamun aanniaqtailinirmun hulaqutigiyaqqut tamaptingnun, humi inuugaluaqtiluta, idjuhiqqut pitquhiquluuniin aghuungnaqtut iqaiyangnikkut aanniaqtailinirmun. Atautit atuqhimaniaqtut ayuqhautinik inmi ihumamun aanniaqtailinirmun quyaginaq inmi inuuhirmingni aghuungnaqtuq ilihimayaghaq tamainun aalakiinun aulaniinun.

Una qalagyurniq COVID-19 nunaqyuami, kingulirmi ukiumi pidjutauyut ayuqhautit qanuriniinun, tamainun ilihaqtitibluni aghuurutinun atadjutikkut.

Ikayuqatigiikhuta ikayuqtaunirmun havagiangini hakugitqiamik nunallaamik. Imaa havaqatigiiktumik atautimun, tamapta havakluta aghuurutigilugu ikayuqlugu ihumamun aanniaqtailinirmun inuuhiqatiarnirmunlu Hunat havaktaaqtatit ilauyut:

  • pittiarlutit itqaumalugillu tapkua amigaitut inuit ayuqhautiqaliqtut ilihimangitaptingni.
  • naallagiaqaqtutin inungmik uqarumakpata.
  • angmaumayumik-ihumat ihumaliuqhimaitumik humi ikayuqatigiiliqata.
  • havaglugit nayugahait humi inuit qayangnailrumi, pittiaqtaulutik tuyaayaulutiklu.
  • aghuuqatigiiklutik ihaangnirmun ayuqharniq tikitkaangat itqaumalugillu tapkua kangunangituq ikayuqtighaqhiuniq.

Ilvit kinaluuniin ilihimayat ihariahuktuq ikayutighaminik, ihaaklutik ilanarnun, ilangnun, ilihaiyimun, uqaudjimun inirnighamunluuniin. Akiituq, hiamitiqtaulimaitut ihumamun aanniaqtailinirmun ipiralainirmun ikayuuqtut piinarialgit nunangni munaqhitkunin.

Atiqangitukkut ikayuqvik, hivayaqlugu:

  • Ukua Nunavut Kamatsiaqtut Ikayuqtaunikkut hivayagahaq akiituq uvani 1-800-265-3333 unaluuniin
  • 867-979-3333 (hailijut 24-nik ikaakninik ubluq tamaat).
  • Ayuqhaqpiaktunut Ikayuqtauvikhat Kanadami – qaritauyakkut titiraqatiqarlutit uqarvikhaq www.crisisservicescanada.ca, hivayarlutit, uvaluuniit tiguumiarnut titirarvigilugu hivyautanut 1-833-456-4566.
  • Nutaqqat Ikayuqtiit Hivayautaa 1-800-668-6868, hivayautikkut titiraqlugu ‘TALK’ hamunga 686868, uqarvigiluginluuniin uvani www.kidshelpphone.ca.

Ilvit kinaluuniin ilihimayat ayuqhautiqaliqtuq, hivayaqlugit Piliihimatkut, agililuguluuniin inuk munaqhitkunun aanniarvingmunluuniin.

###

Tuhaqtipkainikkut Uqarvigijakhaq:

Danarae Sommerville
Tuhaqtipkainirmut Ajuittiaqhimajuq
Aanniaqtailinirmut Havagvia
867-975-5712
dsommerville1@gov.nu.ca