Havaktingit

You are here

Pirrirhiqtaujukhat Imait Itqaumadjuti Kuukkamin Imiqtaraangat Iqalungni

Aktuupa 26, 2021

Kavamatkunnin Aanniaqtailinikkut Tuhaqtitaujukhaq

Pirrirhiqtaujukhat Imait Itqaumadjuti Kuukkamin Imiqtaraangat Iqalungni

Aanniaqtailinirmut Havagvia itqaumaqujait Iqalungmiutat kuukkamin imakhat purrirhiqtaujukhat imiqtinnagin. Imakhat tahinin, kuukkanin, kuugannuanin piqaqtaaqtun aannialaqinnaqtunin “qupilrunin.” Hapkuat qupilruit pidjutittaaqtun imarmin-pivaktunin aannialaqidjutinik. Purrirhiniit imarmik qajangnaittuq nungutiriami aannialaqhuutinik qupilrunik, ilaujullu aallakkiit qupilruit.

Maliklugin ataani qanuriliurutikhat ihuaqtumik halummaqtirnikkut tutquumanikkullu imakharnik:

  1. Tamaita kuukkanin imait atuqtaujun imakhautinik purriqhiqtaujukhat purriqpiarluni ikinikhaanun atauhirmik takijumi ubluqhiutimi kaivviutaanun, niglakhirlunilu atuliqtinnagu.
  2. Tutqurlugin halummaqtauhimajun imait halumajumi, matuhimajuni, niqiliqutikkun imaqarvikhanun.

Ilaliutihimajumik qanuriliurutikhamik, kuviraqtaaqtan imaq talvuuna halumajumun kalikumun kaapliurutikkut kuvjaujaanulluunniit piijarianganik qujaginnanik hunanik purrirhiqtinnagu. Una pijaaqtaanginnaruti qanuriliuruti piijainnariami hunanik. Purrirhirniit nunguttitaaqtain aannialaqidjutittaaqtun qupilruit tahamaniitpata.

Pijukhat tamaita kuukkamin imait purrirhiqtaujukhat hapkununga aturutikhanun:

  • Imiqtakhanik.
  • Maamautikhaliurutinun.
  • Juusiliurutinun hikuliurutinunlu.
  • Ualiqqata ahiat nauhimajullu.
  • Igadjutikhanun.
  • Kigutigikhaliruvit.

Imaq purriqhiqtaaqtuq qattarmi tiiliurutimiluunniit ingnirvingmi alrujaqtuqtumiluunniit uunnakhiivingmi piqangittumik inminik-qamitautimik.

Purrirhiijariaqangittuq imarnik atuqtakhanun aallanun titiraqhimangittunun qulaani. Hapumminikkut aanniaqtailidjutait tamainnun, igihuirlutin inuit annakuit aallanikluunniit hivuuranaqtunik hunanik kuukkap imaanun.

###

Tuhaqtipkainikkut Uqarvigijakhaq:

Danarae Sommerville
Tuhaqtipkainirmut Ajuittuq
Aanniaqtailinirmut Havagvia
867-975-5712
dsommerville1@gov.nu.ca