Havaktingit

You are here

Pingahut nutaat aanniaqtuqaliqtut qalagyuarnirmik COVID-19 Arviani

Iitjirurvia 11, 2021

Tuhaqtipkaidjutiqhaq

Pingahut nutaat aanniaqtuqaliqtut qalagyuarnirmik COVID-19 Arviani

Iqaluit, Nunavut (Iidjirurvia 11, 2021) - Ublumi, Nunavunmi pingahunik nutaanik aanniarutiqaliqtut qalagyuarnirmik COVID-19 . Nainguqtut aannialiqtut Nunavunmi, tamarmik Arviani ittut.

“Nutqaqtitaaqtaqqut hiamitirnira qalagyuarnirup COVID-19 imaa maliklugit inungnun aanniaqtailinirmun pitquyauyut, aihimanahuanginaqluta atimalutalu ivyarutinik,” uqaqtuq Daakti. Michael Patterson, Atanilluaq Nunallaani Aanniaqtailinikkut Havaktimit. “Aghuuqhayatka Arviammiut hakugikhimalutik turaaqhimalutiklu inuuhiqattiarnirmun tamainun nunallaamun. Havaqatigiiktumik, nutqaqtitaaqtaqqut hiamitirnira qalagyuarnirup COVID-19.”

Tamaita inuit naammaktut, avaliin’ngaaqtitauyullu iglumingni akturnirmunlu naunaiyaihimaaqtut aulahimaaqtumik. Talvanga Iidjirurvia 11, Arviani ihivriuqtauyut naunaiqtait 1952 aanniagutiqangitut.

Nunavut Qilamik Upautiyuqhat Havaktiit ikayuqhimmaaqtait nunallaami aanniaqtailinirmun havaktiit. Kinaliqaak tingmihimayuq Arvianun Arvianinluuniin talvanga Ubluqtuhivia 12 apiriyauyut kikliqarlugit akturnirit inmingniklu munarilugit mihingnautitik. Apiriyauyun uqaqatigiquplugit nunallaamingni munaqhitkut uvungaluunniit Iqalungni aanniaqtailinirmun munaqhitkut, tahamaniitkumik, ikayuriami aktuqtauhimanikkut naunaiyainikkut munarinikkullu. Aullaquyaungittut huli talvunga talvangalu Arvianin, kihiani qilamiurutaukpat ihariagiyaunikuluuniin.

Kapuqhirnirmun upautidjutighat tuglirmik kapuunmik Arviani Iidjirurvia 10min-13mun. Arvianmiut kapuqhingittut hivulliqpaamik kapuqhigumayullu hivayainnariaqaqtait munaqhitkut takuyauyaamingni. Hivulliuniaqtut tuglirmik kapuqhiqtughat.

Kinaliqaak ihumagumi aktuqhimanirmun qalagyurnirmun COVID-19-hivayaquyauyut hamunga COVID hiatautaa 1-888-975-8601 qitqani 10 ublaami 6mun. Qikiqtaaluup Ubluqhiutaatigun, ilituripkalugiluuniin nunamingni munaqhitkut qilamik, avaliingaaliqlutiklu iglumingni 14nik ublunik. Upaguiqlugit munaqhitkut.

Nutaanut kangiqhidjutinun, ilauyut qaffiuniit nakuuhiyut aulahimaaqtutlu aanniarutiqaqtunik nunallaatigut, hamungaulutit: https://www.gov.nu.ca/health/information/covid-19-novel-coronavirus.

Nutaanik kangiqhidjutinik inungnun aanniarutinun pittailiyaqhanut, qaritauyakkut hamungaulutit: https://www.gov.nu.ca/health/information/nunavuts-path.

Nutaanut kangiqhidjutinut Nunavunmi QALAGYUARNITIGUT-19 kappuqhitigut hivuniqhainnik hamungaulutit: https://gov.nu.ca/health/information/covid-19-vaccination.

###

Tuhaqtipkainikkut Uqaqvigiyaqhaq:

Cate Macleod
Tuhaqtitauyuqhanut Titiraqtia Hivuliqtimun Savikataaq
867-975-5059
cmacleod@gov.nu.ca

Danarae Sommerville
Tuhaqtipkainikkut Ayuittuq
Havagviat Aanniaqtailinirmut
867-975-5712
dsommerville1@gov.nu.ca