Havaktingit

You are here

Pimmarigharnikkut Inuuhirittiarutingnun Havagviat tukhiqtun maniliqtuutikhakkut tukhirutinik

Maassi 02, 2021

Kavamatkunnin Tuhaqtitaujukhat

Pimmarigharnikkut Inuuhirittiarutingnun Havagviat tukhiqtun maniliqtuutikhakkut tukhirutinik

Aanniaqtailinirmut Havagviani Pimmarigharnikkut Inuuhirittiarutingnun Havagvia piliqtuq maniliqtuutikhakkut tukhirutinik uvunga inminiiqtailinikkut piniarhimadjutinun uvani 2020-2021 maniliqinikkut ukiunani.

Maniliurniarhimangittun timiqutit nunallaanilu kavamagijaujun Nunavunmi akhuuqtaujun tuninikkut maniliqtuutikhakkut tukhirutinik ukununga nunallaami-hivulliuqtaujuni havaktakhani turaanganun iniminiiqtailinikkut, hatummiarnikkut kinguagullu-hatummarhimavangnirmin.

Pidjutaanin tadja COVID-19 Qalagjuarnillit kikliqarutainnin atuqtunin, uuktuqtun apirijaujun tujurlutik uuktuutinik maligutiqaqtun tadja inungnin ahiqpaniitukhakkut maliktakhani. Una ilaqaqtaaqtuq tukhirutinik qaritaujakkuuqtukkut miitirutinik, pinahuarutikhanikluunniit atuqtipkaqtauttaaqtun huli malikhutin una Maliqujaujuq Mighaagun Inungnin Ahiqpaniiqujauniq Katimadjutinullu.

Pimmarigharnikkut Inuuhirittiarutingnun Havagvia akhuurhaijun aallakkuurutinik qanuriliuttiarutikhaniklu uvani naunaqtuni ubluni taimaatun nunallaami pinahuarutikhat hulidjutikhallu aulahimmaarianginni pinikkut aturutikhanun ihariagijamingnun.

Hulidjutikhat pijaaqtun maniliqtuutikhanun ilaqaqtun, kihimi kikliqangittun ukununga:

  • Parnaqutikhanik hivunikhaliurniq;
  • Qaujiharniit pidjutilgit inuuhirittiarnirmun akhuurhainirnun;
  • Nunallaani ajuirharniit;
  • Inuuqatigiingnikkut mihingnarutiniklu ajuirharniq;
  • Angijuni aturutikhainni hivunikhaliurutikhanik;
  • Mikhimuummiqtirniq ihumagihimaittumik qanuriliurutit;
  • Ikajuqtauvigijakhat; ukuallu
  • Aallat aallangajun inminiiqtailinikkut inuuhirittiarnikkut piniarhimadjutikhat.

Atauhiq uuturuti taapkunun amigaittunun pittaaqtunun hulidjutikhanik akhuurhaqtaujun, pidjutiqarluni nunallaap ihariagidjutainnun. Umikvighaqangittuq uukturutinun tujuutillu pijauniaqtun tamaani 2021-2022 maniliqinikkut ukiumi, talvunga maniliqtuutikhat nungunninginnun.

Aallanik naunaitkutikhanik qaritaujakkut titirarvigilugu inuusivutanninaqtuq@gov.nu.ca takulugu https://www.gov.nu.ca/in/munarhiliqiyikkut/information/pimmarikharnikkut... uuktuutikharnik titiiraqtakhamik.

Tamapta havakta munaridjutikkut inminiiqtailinikkut. Inuusivut Anninaqtuq, Katitirutikharnik Inuuhirinikkut!

###

Tuhaqtipkainikkut Uqarvigijakhaq:

Danarae Sommerville
Tuhaqtipkainikkut Ajuittuq
Aanniaqtailinirmut Havagvia
867-975-5712
dsommerville1@gov.nu.ca