Havaktingit

You are here

Pijumajun Aanniaqtailinirmut Taaktinik Ilaujukhanik uvani Taaktiunirmik Havaktiujuni Maligaqmi Katimajiit Ihivriuqhijini

Nuvaipa 24, 2021

Kavamatkunnin Tuhaqtitaudjutikhaq

Pijumajun Aanniaqtailinirmut Taaktinik Ilaujukhanik uvani Taaktiunirmik Havaktiujuni Maligaqmi Katimajiit Ihivriuqhijini

Aanniaqtailinirmut Havagvia qinirhialiqtun malruungnik pijumajunik taaktinik, laisiqaqtun Nunavunmi, havaktukhak ilaulutik Katimajiinni Ihivriuqhijini uumunga malruungnik ukiunik hivitunirmun.

Katimajiit havagutilgit talvannga Taaktiunirmik Havaktiujuni Maligaqmin ihivriuiqhijaami tujuqtauhimajunik naunaitkutiniklu pidjutilgit unnirluktaudjutinin ukunani taaktini havaktut laisiqaqtun Nunavunmi.

Katimajiit Ihivriuqhijini havaktuq ilikkuurhuni naalakpaktullu pijaamingnik kingulliqpaamik ihumaliurutikhamik tunnganiqaqtumik naunaitkutini tunijauhimajunin. Katimajiit Ihivriuqhijini pijaaqtun qaffiujunik hiuvagun miitirutikhanik piliuriami maliktakhanik hivulliinnilu havaktakhanik. Katimajiit ilaqaqtuq katimajinik piqaqtunik aallakkiiknik ajuirhimanirnik, atuqpakhimanirnik qanuritpanginniklu ilautijuq hakugingnirnik uvunga Katimajiit Ihivriuqhijinun.

Taapkununga pijumajunun uumani uuktuqvikhami, tujudjavutin havaakhaqhiurutimik titiraqmiklu pijumanikkut qaangiqtinnagu Tissaipa 15, 2021 uumunga Barbara Harvey, Atiliuqtiuji uvani Aanniaqtailinirmut Havagviani, uvani bharvey@gov.nu.ca apirhuutinulluunniit uvani 867-982-7655. Pijumajun uuktuqtun katitiqtauniaqtun pihimajaulutiklu hivunikhani Katimajiit Ihivriuqhijini ihariagijaukpata.

Aajjiliurhimajun Maligaqmi tunijauttaaqtun tukhiqtaukpata.

###

Tuhaqtipkainikkut Uqarvigijaqhaq:

Danarae Sommerville
Tuhaqtipkainikkut Ajuittuq
Aanniaqtailinirmut Havagvia
867-975-5712
dsommerville1@gov.nu.ca